Izingwalo, Novels

18/08/2026

*UZANGIKHUMBULA*

*20*

*M.MALABA BANHLAKANIPHO AND BANDILE*

*0745183771=0678905514*

"Kungcono ngizibulale kube kanye ngisaphilela bani bonke engangilabo abasekho duze lami."Nguye uVuyisile khathesi usefike ekucineni kasakwazi lokuthi abambe ngaphi atshe ngaphi.Athalaze yonke indawo zehle izinyembezi kubalulekile empilweni ukuthi umuntu azakhele ikusasa ,elingela nkulumo njalo elingela gazi phakathi.Khathesi uNompilo owakhala ngoZimbili wakhe usemhlane lembeleko yena useyisibhonda esesibona ukudla sikuhawukele emgqonyeni wencekeza.

"Uyazi ukuthini Liza mina ngidiniwe ngawe singakabi lomnyaka sisonke kodwa usungime emphinjeni uyangizwa?"Akhulume asuke lapho athathe isikhiye zemota nango aphume enxapha uZimbili.Kuvele isithombe sikaNompilo ekhala ethi (uzangikhumbula Zimbili.)Azizwe ezenyanya kakhulu afise lokubisela isikhathi emuva kodwa kube nzima.

Bazilalele ngale uPhilami loNompilo ulele khona uNompilo ngoba bekulomdlalo womntwana.Bavuke ekuseni babematasa kulungiswe kuhlanzwe abeseziyela kudadewabo uNompilo."Dadewethu umntwana nangu ngiyakupha ngicela umphathe kahle ,mina ngizamdinga phambili owami."NguNompilo lowo."Ngiyabonga mntakamama vele ubungeke uyesindisa umama engaphilanga lami lapho engehluleka khona ngozakwazisa sincedisane akhule umntwana."Bagonane kube mnandi njengoba kuyisonto ikhiwa lakhe limthathe uNompilo bahambe.

"UZimbili uyahlanya Kanti ungivelela nini?"NguLiza lowo ukhuluma yedwa kumbe vele kuyajahwa .Uyapphuma nango uqonda kodadewabo .

Isimemezelo somtshado silokhu siqhubeke njalo ngitsho loZimbili usewufakelwe umlayezo ukuthi abafisayo abangela mali kulebhasi ezas**a labantu emzansi iyebabeka koMthwakazi."Ah !ngangithi liphupho kodwa uyatshada uNompilo wami ngeke aphinde angene kulezi ingalo ngeke aphinde aqamele kulesisifuba intokozo ethandweni ngeke ngiphinde ngiyithole."Akhulume zehle inyembezi uZimbili athi es**a atshaye imota ayebuhlaba.

ULiza athi efika endlini ethole kubetha umoya."Awu! Umuntu usuke enyanyile kasabuyi lasendlini sibili?" Akhulume yedwa.Apheke athi uyadla kungangeni ukudla abisele ezimbizeni alale aqale ukubalisa.Azisole ukuthi ngabe kamthethisanga.

"Zimbili ngakona ngiyakwazi ngicela uxole ngiyazi kunzima ukumthola uNompilo kodwa ngicela loba yimalini ngithenge isinkwa ngilale ngidlile sengihlala ngaphansi kwebholoho ukuhlakanipha kwami akungisizanga ngaba yisithutha."NguVuyisile ethola uZimbili ezinathela utshwala. "Wena ngiyokuxolela mhla ngathola uNompilo nxa ngingamtholanga ngifuna ufele ehlathini udliwe isitho sakho sangasese ngamanqe s**a duze lami uyanuka."Was**a wangena emoteni nango waqonda endlini."Ngangithi ngithole umfazi kanti ngizilethela udubo."Uyahlabela ungena endlini uZimbili udakwe kakwazi lokuma."Wena ngayenza iphutha lokuzohlala lawe ngakufindisa i brazilian sudelela mina engisebenzayo ufuna ukuba yisibotho lawe njengo Vuyisile yeee! Mina nginguZimbili ngaluza uNompilo wami angifuni bumbulu."

*MALABA NOVELS*

25/06/2026

*UZANGIKHUMBULA*

*19*

*M.MALABA BANHLAKANIPHO AND BANDILE*

*0745183771*

Athalaze indawo yonke uZimbili phela umzwangedwa uyamtshaya.Njalo inhliziyo elecala ayikutholi ukuphumula ihlala ibalisa njalo nje."Unatha utshwala kumbe unamunede mfowethu?"Ambuze uPhilani.Etsho lawo emvulela lokhu okuthiwa yi (coolerbox)kulemihlobo yonke yotshwala .Balungiselele ngale endlini badinge loDj EX Malaba usemi ngomumo ngemitshina yakhe ukuthi nxa bes**a lapho bayazigidela besendlini."Bantu bakithi sis**a sinje siya endlini okuyilapho esiyosikela khona ikhekhe."Hatshi mina lizangixolele bakithi ngizatshiya inkulungwane ezine isipho somntwana ."Nguye uZimbili lowo ezama ukubaleka."Izipho zikhitshelwa endlini sebekhona abaphathi bomcimbi endlini ngale sonkeni siyakhona asihambe mfowethu.UNompilo wazizwa etshilwa ngoba yena vele kamdingi uZimbili eduze laye.UZimbili ulokhu emkhangela emtshontsha uNompilo phela uyacazimula uyabonakala ukuthi uphatheke kahle.

"Nkulunkulu ngawona uNompilo yedwa kodwa isijeziso sesingesabantu abayisikhombisa ngixolele baba."Uyathandaza uVuyisile ucela ukuxolelwa nguNkulunkulu.

"UZimbili lowu kangazi mina usesemcimbini labafazi bakhe ngizawuchitha lowomcibi mina ungizwa ngendaba njengomtshado kayisemkhulu."NguLiza lowo . Ukhuluma ulandela ithimba labantu ukhangwe yimota kaZimbili.Bafike bangene bonke phakathi."Wena Zimbili awutsho ngani ukuthi usubuyele kuNompilo wakho lowu usuhamba ugugula nje?" Nguye uLiza lowo ."Zwana dadewethu uNompilo ngumkami lomuntu nguyise walomntwana olomcimbi wena awamukelekanga lapha phuma uhambe khathesi."UPhilani wamkhomba abuye ngayo."Ngiyahamba loZimbili angimtshiyi lapha."Kuyakuthiwe isithunzi sendoda sikumkayo kodwa lokhu okukaLiza kuyasehlisa esikaZimbili sibili."Ngithe phuma mani uZimbili unxuswe yimi uzabuya endlini lapho elihlala khona lapha sisamdinga ,kukhona okufanele bakulingisele umntwana wena hamba uyemlinda endlini yenu."Waphuma ehamba enxapha uLiza nango eqonda lapha abahlala khona.Ziyakhala khathesi uDJEX Malaba usewuvulele umsakazo bayagida bayanatha abantu kuthunqa uthuli.Kuthi kutshaya elisitshigalolunye batshayise abanye bayakhatshana phela kusale abaseduze bezigidela .

"Ngicela uyegeza unuka iziginqo ugeze konke lamazinyo ubusuzongitshela kahle."NguLiza lowo ekufikeni kukaZimbili."Kanti uNkulunkulu uyangijezisa yini kambe ngis**a kuVuyisile ubengidlisa imbuya ngothi ngipika ngigqoke ezami khathesi nguwe Liza mina ngathi ngizahlala ngingela mfazi sibili."Atshaye isivalo ayegeza abuye azimbokothe ngengubo alale nya uZimbili.

Sekuzwisa ubuhlungu ngoVuyisile usemnyama okwembiza yomdaka .Ulele eceleni kwesitolo uqamele isikhwanyana sakhe.Indlala isimthuma emgqonyeni wencekeza.

*MALABA NOVELS*

25/06/2026

*UZANGIKHUMBULA*

*18*

*M.MALABA BANHLAKANIPHO AND BANDILE*

*0745183771-0681834468*

"Mina ngiyakupha isikhathi sami sonke Liza phuma efonini yami ngeyami.Ngiphuma ethandweni olungihlukuluze kakhulu ngakho, ngicela ungithobe inhliziyo ungangithunuki amanxeba ngiyakucela efonini yami angifihli lutho kodwa angifuni kuphinda ngijayeze umfazi into ezangihlupha."Akhulume uZimbili amazwi azwisa usizi."Zombili uzangizwa engikutshoyo yini mina ngingumuntu ,angisokhikhitha uyangizwa ngifuna umuntu ozaziyo indaba zakhe ngakho ngithi ucingo lwakho lukhiphe amakhiye njalo luhlala etafuleni laphana njengolwami."Wakubona wakubeletha Zimbili.

UVuyisile ulokhu ebhoda ebuka impahla ezitolo.Usengene zonke izitolo ehamba ebuka izimpahla lephango seli mhlasele.Yikho nje osekubuhlungu lamanzi asembuza ukuthi ungigcine nini ukungibona.Iphunga bhe emuntwini ikhwapha lithi ulele ujayiva phezulu kwamatafula Vuyisile ubuginqile wzqeda wagezi.

Ngale kuNompilo lodadewabo kuhamba kahle kakhulu bayalungiselela labo bathenga konke ,okwezondlu okufana lengubo izitsha usemncedisile umnawakhe"Uyazi dadewethu ngiyafisa ukuthi lawe uthole umuntu,ongakuthatha ulenhliziyo enhle mntaka mama angeke ube ngumthakathi wena."NguNompilo lowo ekhuluma lodadewabo."Lami ngiyafisa mntaka mama into enzima yikuthi angilanzalo manje ngizayenda njani." "Dadewethu uyazi ukuthi mhlawumbe kukhona okungekho kahle kuwe okudinga ukulungiswa ungathola umuntu okuthandayo uzakulungisisa ubelaye umntwana."Bayaxoxa laba ngapha babopha impahla eziye ekhaya kibo kaPhilani phela emendweni kaNompilo.Ngesikhatshana nje ikhiwa likaNompilo laselifikile lizomlanda esebuyela emsebenzini.

Ilanga lomtshado selibekiwe baqalile ukubhalela abantu izincwadi bebanxusa.Kuyintokozo kuNompilo ngoba wayengakwazi ukuthi yeba engatshada umtshado omhlophe.

Sekwedlule inyanga eziyisikhombisa umntaka Nompilo uselomnyaka .Sibabona bemenzela umdlalo wokubungaza usuku lwakhe lokuzalwa.Bahlezi eNdoziz bayadla kumnandi.UZimbili athi uyadlula ababone behlezi phansi kubekwe lekhekhe.Uphethwe nguPhilani umntwana. "Salibona bantu linjani ngicela ukufaka lami isipho somntwana hayi ngobubi." "Hatshi asizi....."UPhilani wamvala umlomo uNompilo. "Khululeka mfowethu ngena uhlale phansi lusuku lomntwana asilabandlululo."

16/04/2026

*UZANGIKHUMBULA*

*17*

*M.MALABA BANHLAKANIPHO AND BANDILE*

*0745183771=0681834468*

Waphuma phandle uVuyisile wazenyanya wakubona ukuthi ukuhlakanipha okugcweleyo yikumesaba usomandla kuphela.Lithi ibhayibhili ensukwini zokucina lizodingwa ilizwi kodwa lingasathalakali. Ngibona engathi kuVuyisile sesifikile leso sikhathi.Khathesi usedinga noma ngubani ongakwazi ukumgcina alale ngaphansi kophahla kasamtholi.

"Yaaa! Vuyisile liqhuba njani loZimbil?" NguNompilo lowo ebingelela uVuyisile ."Nompi ngicela ungixolele Ngicela ukhulule umoya wakho ngiyacela impilo yami....."Wasala ekhuluma yedwa uNompilo esemtshiyile watshaya ibatha wahamba. Yikho lapho obona khona ukuthi umhlaba uyabe ukuhlanekele. "Akusafiki nje lamapholisa angibophe angise ekhaya,kumbe ugogo usaphila lomuzi kumbe usasekhona kodwa Nkosi ngazenza mina nginguzenzile sibili."Uyapheka uyathulula uqonda kubomalayitsha ezibayeni eHilbrow. Uthe efika khona walanda omunye ubaba wamcela."Baba ngicela loba yi R2 ngithenge amagwinya ngibambe umoya." "Awu! Ntombi njengoba umuhle kangaka kuswelekeni?"Nguba ongumalayitsha lowo. "Ngihluphekile baba umyeni wami ungibalekele wangitshiya ngehlulekile ukubhadala indawo sengixotshiwe."Akhulume embambatha kwelakhe icele uVuyisile. "Awu! Kodwa lathi obaba thatha nansi imali ungene laphana uthenge ukudla uhlale phansi udle."Wabonga waze watshaya phsnsi ngedolo uVuyisile ungafunga uthi ngumuntu ohloniphayo .Kanti lutho likhiwane elivuthwe phandle phakathi libolile. Uthe eqeda ukudla wabonga kulobaba wayahlala epakini Jubert park.Ilanga liyatshona phela alilindi muntu."Bhuti ngicela ukuhamba lawe kwakho."Umemeza omunye umfana odlulayo ."Hayi bo! Uhamba lami njani nje mina ngilomfazi lomdeni wami."Wabona ukuthi umhlaba umfulathele uVuyisile. Wasala emile khonapho lekhwanyana sakhe. Wacabanga ukuthi ayedinga indawo okunathwa khona yikho la angathola khona umuntu olahlileyo ongamupha indawo yokulala. Lakanye waqonda khona wafika wahlala nje vele njengoba engumfazi wayesenatha utshwala abufunayo. "Siyahamba sonke kwami angithi?" Ngelinye ikhehla elikhwehlelayo lalo. "Hatshi baba mina ngifuna ontanga wena sumdala." "Pho ubunatheleni utshwala bami nkazana lamuhla likutshonele kubi ngizokulinda phandle uyifake lapha imali yami."Lapho wakhohlwa ngalobaba waqala ukugida lalezo ntanga zakhe kwaba mnandi ubaba wabantu wamyekela wakhohlwa ngaye. Baphuma kancane kancane abantu kwangathi babalekela yena waze wasala yedwa. "Phuma sisi sesivala thina."Utshwala baphela ekhanda. Walala phandle uVuyisile. Wavuka elenhloni zokuthi nxa kungenzeka ahlangane lomuntu amaziyo uzathini..

Sekuphele inyanga uZimbili ethandana loLiza. "Wena Zimbili ucingo lwakho alubanjwa lukhiywa kanengi ufihlani kilo?" "Ngeke olwami ucingo luphinde lubanjwe ngumfazi ngiyala."Afunge uZimbili. "Mina angizwani lobukhikhitha uyangizwa mina ngilawe wedwa ngakho wena nxa usalomunye umuntu khuluma ngiyemlanda ngimkhahlele."Kunkenkethe amazwi kaNompilo endleleni zakhe. *Zimbili ungilahla kanje uzangikhumbula) Azizwe esezweni lokuhlukuluzeka.

*MALABA NOVELS*

07/04/2026

*WAWUTSHO LUPHI?*

*8*

*M.MALABA*

*0677744020-0745183771*

Ngale emkuteni konke kuhamba kahle uZwelakhe lo Mpilo sebelemali balungiselela ukuza ekhaya."Mina umama uthe kuyazila ukusebenzisa imali engakayibambi ngezakhe izandla ,ngakho angeke ngithenge lutho ngizaqala ngiye layo ekhaya."NguZwelakhe lowo ekhuluma loMpilo."Wuuuu! Wena khathesi ngizakutshiya ekhaya akulancedo ukusebenza kwakho ,usulomfazi ndoda hlukana lonyoko kanti waloywa yini?" "Ndoda ndoda umdala kulami ngiyakuhlopha kodwa ngizakukhohlwa uchaza ukuthi umama uyaloya wena?" "Hatshi uxolo mnawami ngiyaxolisa bengithi ngikuvula amehlo angiqondanga ukukuzondisa asisebenze uzehlulekele."

"UsekaZwelakhe lowu ngiyambona kazwa uma lalomntwana mina sekungathi yimi olephutha."Ukhuluma yedwa ngapha usemasimini unakaZwelakhe ukha imibhida yendumba."uZwelakhe bengingakafuni mina ukuthi athathe vele uzathatha ngingafa lowu ngizamhlupha aze abaleke.Mana ngihambe ngiyazi uyagiga khathesi."Watsho lawo ethwala isaka lemibhida yakhe ehamba ebuyela ekhaya."Wena mntwana igiga uchitha amabele ngoba ayisiwo kanyoko angithi,khangele kumhlophe njani phansi."Azithulele uLibhiwe engaphenduli."Ungenza ilima ngikhuluma ngedwa uthula engathi awungizwa?" Was**a wathwala amabele wayabeke emkulwini uLibhiwe wathwala inkonxa yakhe waqonda esikotsho ukuyakukha amanzi.Uthe nxa ebuya wathola emkulwini kubetha umoya izimbiza zonke zingasekho.Was**a wayazilalela ngoba engelazo yena imbiza."Awu! MaMnkandla ulele ngalesisikhathi uzabe uzapheka nini kodwa?" NguZwelakhe efika ekhaya."Ngiyapheka ngani mina ,angikabi lezimbiza phela umama uthethe imbiza zakhe zonke wayazifihla." "Kanti wena awulaywangwa vele wezwa kuthiwa kulomfazi ozoyenda engelazo imbiza?" "Yebo ! Lawe utsho njalo Zwelakhe yaaaa ! Awuthunyelwa gundwane sibili ngabe ngangazi." Zaba ngumthombo inyembezi."Ukhaliswa yini pho?" "Kubuhlungu kimi kumnandi kuwe lonyoko angisazi ukuthi unyoko ufuna ngimhloniphe ngayiphi ndlela ,kungcono ngizibuyelele ngakithi mina angendiswangwa ludubo abazali bami basangithanda futhi angeke bangixotshe mani." "MaMnkandla utsho kubani ukuthi nxa ngi?" Watsho lawa esemfake impama wayawela phansi."Wena mfana umtshaya njani umuntu,okhulelweyo khona ufika khathesi usekwenzeni ngi?" Kukhwaza UsekaZwelakhe."Kalaywangwa lowu baba ngimfundisa umthetho uphendula ukuthanda kwakhe ephendula mina."

"Mama ! Nansi imali engibuye layo ngicela ungiphe eyami."Nguye uZwelakhe lowo."Hatshi Zwelakhe lina intsha alikwazi ukusebenzisa imali ufuna ukuyisangaphi ngizakupha nxa usiyathenga into ebalulekileyo leyi yonke ngiyathenga inkomo ngenzela wena konke lokhu."Waphuma engela yona ipeni elesikhala.

"MaMnkandla akuyengifakela amanzi okugeza."Nguye uZwelakhe lowo."Akula sepa yokugeza."
"Wena uyadlalisa izinto isepe iyengaphi?" "Yaaa! Wawutsho luphi Zwelakhe? Wawutsho luphi uthando lwakhona?"Azwe esemzwela umkakhe uZwelakhe."Ngiyaxolisa mkami ngikuphathe kabi mana ngilande imali kumama ngiyethenga isepa." "Imali yakho ihlala kumama njani kutsho ngeke ngilunge mina lapha, khathesi angila lutho angila mbiza ngizazithenga njani ngani?"Wasala ekhuluma yedwa esehambile kunina uZwelakhe."Mama ngicela imali ngiyethenga isepa."Nguye efika kunina."Mana ngikuqumele isepa nansi."Wamqumela lesepa esiyibiza ngeqaqa wathi yiyo okugezwa ngayo.

"Zwe mfana wami akungiphe phela,kengiyethenga igwayi." NgusekaZwelakhe lowo."Imali ikumama." "Angizwanga uthini wena? Wawumusangaphi umntanabantu lowu usapha unyoko imali ngiiii? Unyoko lowu uzacina ebuyela ngakibo enje eyisalukazi umama kazange abambe lutho oluvela kimi yena esenda lapha kanti unyoko ungumthakathi yini?"Watsho lawa ehuba eqonda kunakaZwelakhe.

"Wena uyaloya angithi ubamba njani imali kaZwelakhe yena elomfazi?" Wamwela ngalawa."uZwelakhe ngamzala ngedwa ngizalitshela mina ukuthi sekulungile ukuthi athathe okwakhathesi kalathathi uyezwa?" Wamtshiya wahamba."Ngizakweqa mina khathesi phangisa masinyane uphe uZwelakhe imali yakhe kungenjalo ngiyalahlela amafukufuku akho phandle uphume emzini wami."

*MALABA NOVELS*

07/04/2026

*UZANGIKHUMBULA*

*16*

*M.MALABA BANHLAKANIPHO AND BANDILE*

*0745183771-0681834468*

Azizwe esiba lesifuthefuthe uVuyisile usembona uPink esetshada umtshado omhlophe loZimbili. Azame ngawo wonke amandla ukuthi athole inombolo zocingo lukaPinky kodwa kube nhlanga zimuka lomoya.

UNompilo loPhilani bamatasa phela umtshado omhlophe ulenhlelo ezinengi.Baqalile ukuthenga izinto ezufana lezitsha lakho konke abangelakho. Sibabona lamuhla besiyakhetha isudu kanokutsho ekaPhilani.

"Mina ungangibona ngitshada umtshado omhlophe futhi ungibulale ngeke ngiphinde ngaphandle nxa ngingathola uNompilo nguye kuphela umuntu engingaba lesibindi sokuthi ngitshade laye."Nguye uZimbili uxoxa lomngane wakhe.Phela ngabe uyenelisa ukubisela isikhathi emuva ubezasibisela athole uNompilo.

"Kanje kulomngane wami ngale eNugged angisela choice manje kumele ngikuthengise wena."Atsho ezikhombela empahleni zakhe. Asuke ngaleso sikhathi atshayele umngane wakhe ucingo. "Mngane sekukubi lapha ngicela ukuzoncenga lawe lapho. " "Ungikhumbula nxa usekuhluphekeni hamba khatshana le mina sengakhetha impilo yami ekahle sengayenda ngilomyeni wami wena wambuluza uthi mina ngithengisa into ebolileyo sufunani kimi."Wasala ekhamisile uVuyisile engasakwazi ukuthi ngubani ozamnceda kuloluhlupho akhangelena lalo.

"Zimbili mina ngifuna ukunakwa uzenelisa ukunginaka?" Kubuza uLiza intombe yaseLupane asehlangane layo UZimbili. "Ngizokwehlulwa yini?" Aphendule uZimbili enganakanga lutho. "Yebo asiyizame leyonto kodwa mina ngifuna indoda elesibindi."

Sekwedlule inyanga ezintathu uVuyisile elokhu engabhadali imali yendawo."Vuyisile sizokhiya indawo usule nyanga ezintathu ungabhadali nje." "Hatshi lingavali ngizabhadala kusasa."Wayekhuluma yedwa badonsa umnyango bavala wasala ekhala eme phandle. "Maye mina ngakubona ukuhlala ngaphansi kwebholoho ngizaba yini booo! Ngabe ngamphatha kahle uZimbili ngabe okunje."Ungabe yilifa lezithutha esinjengaye uVuyisile.

*MALABA NOVELS*

MALABA NOVELS IS MY GAME

01/04/2026

*UZANGIKHUMBULA*

*15*

*M.MALABA BANHLAKANIPHO AND BANDILE*

*0745183771+0681834468*

"Mnawami hamba emapholiseni uyemenzela protection order lowu uzaba liphela endlebeni uyambona nje."Ngudadewabo kaNompilo lowo. "Hatshi dadewethu asithuthe lapha kuphela athi efika athole sekulabanye abantu lapha."UNompilo angayuzwa kuhle leyi eyokuya emapholiseni. "Lakho kulungile asithuthe ngaphambi kokuba sibuyele emsebenzini ngoba mina ngeke ngisakhululeka lapha vele. "Bavumelane njengoba lomastanda bemtshelile ukuthi bebekhonjelwe ngombhobho nje.

"Lina liyaxotshwa lapha ngeke ngiluze abantu ngani livumela izigebengu zingena ziyehlasela zize ziphume lingaboni lutho."Ngumastanda wabo lowo esesilwa labalindisango eflathini. "Mama siyaxolisa yikuthi umuntu lowana ubelokungena vele yikho singazange,simlandelele njalo besingatshelwanga ukuthi engasangeni." "Umcine nini wena ngiii?" Wakhwaza umastanda was**a waya kuboNompilo. "Ngiyalicela lingathuthi tshintshani indlu lingene ngale kweyami lowo uzakhangelana lami ,ngivele valisa kubalindi sango ukuthi umuntu oza lapha aqale afone engavulelwa."Abancenge kudala phela ephila labo sekuze kungathi bangumdeni.Labo bengabi lohlupho bamvumele bathuthele kuleyo ndlu.

UZimbili emsebenzini njengoba elesikhundla kodwa kayenzi kahle uyawona izinto zamakhiwa. "Mnawami ngicela ubisele isibhamu sikaMbulu lesi sizakufaka emanyaleni. UNompilo wadlala ngaye wena kwamukele ukuthi usethole umuntu omthandayo lawe dinga umuntu uthathe usukhulile khathesi. "Umnewabo amtshele lawa."Ngiyezwa mnewethu kodwa ngeke ngisibisele khathesi ngisaqala ngiyebulala lomfana othethe uNompilo." "Umbulala wenzeni?"Ambuze umbuzo. "Hatshi ngizamyekela mntaka mama ukuba lihlongandlebe akusebenzi sibili wangikhuza ekuqaleni ngangezwa ngephulela izigodo endlebeni."Acine esevuma okutshiwo ngumnewabo uZimbili.

Siyahamba isikhathi lamuhla ngoMgqibelo babuthene umdeni kaPhilani bayancedisana laba uPhilani kungathi ukhiphe imadlana nje. Batshaye imali engathi kulokufa kanti ke cha kuluthando lokuthi omunye wabo ayevelela umuntu wakhe. Bangene emoteni baqonde khona komalume kaNompilo.Bathole vele belindwe ngabomvu amehlo. Bafike babizelwe konke. Bakhuphe konke ngitsho lamalobolo bengatshiyi lutho. Besebecela ukuthi uNompilo bafuna angene ngomtshado omhlophe nke koMoyo.

Sekwedlule inyanga evelelwe uNompilo. Kodwa abakahlali bonke loPhilani balinde yena indumezulu yomtshado.

"Nompilo sengikwamukele ukuthi angeke ube ngowami ngicela ukuba lesandla emntwaneni."NguZimbili lowo. "Hamba ebadaleni uyebatshela lokho hatshi kimi mina angilalutho engingalutsho mntanabantu."Amlandulele uNompilo. "Ngicela singabi yizitha mina lawe ngiyacela ngomusa wenkosi ngeke ngisakuhlupha kodwa ngicela ungikhulule lami ngikukhulule. " "Zimbili ngakutshela wena ukuthi uzangikhumbula wangithuka angithi?" "Yebo ngangivalwe ngomuthi mina." "Kulungile ngiyakukhulula thatha umfazi uyakhe umuzi wakini mina sengilotsholiwe."Atshaye ibatha lakhe ahambe uNimpilo.

"Zimbili sengivela emthethwandaba ngikubophisile ukuthi awungondli njalo wathwala impahla zami zonke ngakho,kulencwadi okumele ibuye kuwe ekutshela ukuthi siyehlangana emthethwandaba. "NguVuyisile lowo. "Khululeka lami vele besengikumangalele ukuthi watshontsha imali yami,ngakho lawe lungisa imali yommeli uphinde ulungise lokuthi siyeqamula umtshado lowu obuyisiqalekiso empilweni yami."Azizwe eginqa uVuyisile uyakwazi ukuthi uZimbili ulemali uzamehlula ngoba elabameli futhi. "Isehlukaniso sani Zi kanti vele uqinisile ukuthi awusangifuni?" "Ngiyathatha umnawakho uPink wena ngifuna ukukugulisa uzace uze ufe ngokukhathazeka."Wakhuluma lawa waquma ucingo. "Yeyi ! Yeyi ! UPink ngizamthola njani?" Phela uVuyisile kalawa amanombolo abantu bakibo wayevele engabafuni esahleli kuhle.

UNompilo uhleli lekhiwa lakhe uyalichazela konke akudingayo emzini wakhe njengoba,kunguye umama wakhona kuzamele phela athenge izimbiza konke."Ngizakuthengela khululeka wena lesigqoko somtshado ngizakuthengela lami ngizalungisa izingcwadi zami zokuhambisa ngiyabe ngikhona emtshandweni wakho."Likhiwa lakhe lelo kodwa likhuluma ngesikhiwa. Ajabule abemanzi te uNompilo.

*MALABA NOVELS*

01/04/2026

*WAWUTSHO LUPHI?*

*7*

*M.MALABA*

*0745183771*

"Kodwa lawe sekaLibhiwe ngokuvumela abantwana bezenzela ukuthanda kwabo, uLibhiwe kuzaba njani nxa sesimbona esihlukumezeka khonapho komakhelwane sibili?"NginakaLibhiwe lowo ekhuluma lomyeni wakhe."Akube ngumzala ofisela abantwabakhe ikusasa wena ucabanga ukuthi iLibhiwe uzahlala laye kuze kube nini njengengoba vele esekhulile nje?"Atshintshe ebusweni okubonisa khona ukuthi indlela umkakhe akhuluma ngayo kayithandi.

"Wena Zwelakhe usuthatha umfazi ngoba usukwazi ukuzenzela ,awukasondli thina njengabazali bakho ucabanga ukuthi mina ngijabulile yini?" " Mama mama! Kanti ukuthatha kwami kuchaza ukuthi sengililahla yini angithi ngikhona khonapha ekhaya nje konke okudliwayo kuzabe kudliwa khonapha singumndeni nje kanti kwenzenjani vele wakhuluma kanje?"UZwelakhe abone ukuthi unina kutsho kulento esenhliziyweni yakhe."

"Siyabuyela ngeviki elizayo ekhaya uLibhiwe angeke aqhutshwe singekho ekhaya njalo kumele siyedinga umuntu ozakhangela ekhaya."NgusekaLibhiwe lowo esusa indaba."Kulungile bengicabanga ukuthi simdinge khonapha koBulawayo sihambe laye ekhaya." "Lakho kulungile asiqalise ukudinga khathesi nje ukuze siphangise simthole sihambe laye."

Siyahamba isikhathi lufikile usuku lokuqhutshwa kulaLibhiwe.Uqhutshwa nguyisekazi ,kanye lomnawakhe onguye usanyingwana."Bayalilizela uyangena umakoti ekhaya abantu bajabulile kodwa unakaZwelakhe yena uchila amakhala ."Umfazi nxa ezokwenda ubuya lezinto zakhe ziphelele uthi uzapheka ngembiza zikabani wena mntwana?" Nguye unakaZwelakhe lowo."Ngiyaxolisa mama ngizathenga angikabi lazo."Azehlise uLibhiwe kuninazala."Ngabona yimihlola angifuni lezami izitsha lembiza zami ungazithinti futhi ukudla kusendlini yami,uzabe ucutshelwa yimi uyadlalisa ukudla wena."Avele acabange amazwi kanina uLibhiwe."Yaaa! Lapha ngathi ngizabuyela kithi sengikhala nje ngokuthi ngizithwele umama wayetsho eqinisile sibili elomzali aliweli phansi."Usehlezi ekamelweni labo."Yeyi! Wena mntwana kuyiwa emasimini kanti ucabanga ukuthi umendo lilajwa ngabona angithi uzokwenza utshintsho lapha ekhaya akucace ukuthi sekulomalukazana izindlu zitshudukile njalo kumele ugudule inhlabathi ithwalwa ngebhakede lapha njalo kuvukwa ekuseni kuyiwe hlakulwa ntambama kuyabuyelwa njalo kuyagigwa kulumuzi impuphu ayidliwa nje."Wezwa ethunukeleka enhliziyweni uLibhiwe.Waphuma endlini ezidonsa eqonda emkulwini."Ngizathatha liphi ibhakede mama njengoba ,lithe ezeni izinto ngingazithinti nje?" Wambuza."Ubuza bani kanti ubuye lami,ukuzokwenda kumbe ubuye wedwa?"UaZwelakhe njengoba bebuyelile ukuyadinga imali.Was**a nango ephuma eqonda ngakibo uLibhiwe wayabuya esefuqa ingolovane elenhlabathi."Izinto zangakini kulumuzi zidingani ,angifuni lokuzithi tshazi nje uyangizwa lithuthe nxa libona engathi ngiyalikhathaza yimi umama ngedwa kulumuzi."

"Zwelakhe ndoda ungavumeli abazali behlukuluza umkakho,kungangcono bethi udlisiwe kodwa usima lomkakho ebunzimeni bonke."NguMpilo lowo."Ndoda umama ngumzali angeke ngiphikisane laye umkami kumele alandele okutshiwo ngumama." "Ulahlekile ndoda uzahlala ungela mfazi ngiyakutshela mina hlakanipha."Wamtshela enhlamvini zamehlo.

"Malukazana ungasebenzi okwebhantinti usebenze uphumule ,cabangela inkonyane le oyithweleyo."NgusekaZwelakhe lowo."Ngiyezwa baba ngizakwenza njalo."unakaZwelakhe abakhangele ngelihlo elibomvu.

*MALABA NOVELS*

30/03/2026

*WAWUTSHO LUPHI?*

*P6*

*M.MALABA*

*0745183771*

"Awu ! Uyamvumela yini ukuthi amithe nxa bengamlaxaza uzakuthini sekaLibhiwe?" Akhulume emkhangele enhlamvini zamehlo okubonisa khona ukuthi into ayikhulumayo ayihambelani laye."Awu! Kanti nguye yedwa yini uLibhiwe oyabe eqala ikuzalela ekhaya ,abanye bazala bephinda laye uyabe ezama athole umuntu odlalayo asophutha lakhe ngiyazondlela umzukulu wami cala celeni."Wabona unakaLibhiwe ukuthi indaba yakhe ayikho lapha .

Sekwedluke iviki bengekho uZwelakhe loMpilo.ULibhiwe ukhala mihla yonke leyi useze ewele emehlweni lokudla kadli.Lapha ahlangana khona loThbani uyambuza ngiZwelakhe ukuthi kambonanga yini."Zwe kusasa siyagiga mfana ngifuna ukubona esakho isindla ukuthi sona sinjani kungenzeka uthole ukuthi elakho idlozi liyapha sicine sesilemali ,anengi kakhulu."NguMpilo lowo ekhuluma loZwelakhe."Kambe mnewethu mina ngazini lina yini elikwaziyo ukuthi imali ingaphi."Lise elingaliyo bagezise bathole imali bahle bawadonse amabhayisikili abo baqonde emakhaya.Badlula ezitolo bathenga konke okuselelayo baqhatsha imota yayabachitha ngakibo.Ukudla yinto yonke uthengele lmtombi yakhe enguLibhiwe impahla .Bethuka ngakibo kaZwelakhe bembona ethutsha lokudla okunengi kangaka."Zwelakhe besimangele mfana wami uyindoda emadodeni lomfazi ozamthatha ngeke afe ngendlala."NgusekaZwelakhe lowo ekhuluma ebobotheka.Wahle wakuqoqa konke ukudla unakaZwelakhe wayakubeka kweyakhe indlu.

"Baba njengoba ngangitshilo ukuthi sengjthatha ,yiso isikhathi ngicabanga ukuthi kuthunywe abantu kosekaLibhiwe ukuze babuye ngiyevela ngithathe uLibhiwe." Nguye uZwelakhe ekhuluma loyise."Kulungile mfana wami kusasa ngizavukela koyihlokazi nguyembikela unyoko kumele ayebikela umalumakho."Ukhuluma nje ujabulile usekaZwelakhe."Angidlali amadlwane mina uZwelakhe uvele uthatha ethathani njalo ethatha kosekaLibhiwe khonapha ngeke ngimamukele mina lowo mntwana yazi ukuthi ngowakho laye."Walandula unakaZwelakhe."Uyazi uzazondwa ngabantwana ubusukhala futhi uthi bayakulahla kanti nguwe ongasebenzisi ingqondo umdala." "Mina ngisemzini wami angilandaba lomuntu ongafuniyo kayequtha yedwa lapha angincengi muntu nguyazilimela mina ngiphila ngobani mina hambani lonke lawe sekaZwelakhe kulowo muzi ozayakhiwa."Ngu Naka
Zwelakhe .Lithi nje lingena kunina esima kosekaLibhiwe esindwa zimpadla kanye lokudla akuthengele uLibhiwe akufihlele unina.

Sekume ngomumo konke sobabona lamuhla besiyavela ngakibo kukaLibhiwe.Bayamukelwa kahle kakhulu.Ujabulile uZwelakhe uyambona nje loba ehamba. "Uthando aluboni ngiqinisile sibili ,kambe uLibhiwe esiyakhetha abayanga bokucina sibili ukhombe evale amehlo yini?" NgunakaLibhiwe lowo."Wena uyamkhethela kanti ukuthi ukhomba ngaphi khulula umntwana ahambe ayekwenda."UsekaLibhiwe kamvumeli umkakhe.Konke akukhulumayo uyamphikisa.

30/03/2026

*UZANGIKHUMBULA*

*14*
*M.MALABA BANHLAKANIPHO AND BANDILE*

*0745183771-0681734468*

"Yebo ndoda kaVuyisile. Wangilaxaza wawuthi kuzakulungela akukulungele lakhathesi. "Ulufake duze labo beqabulana uNompilo loPhilani. Kwathi kalufake emanzini uZimbili. "Uyazi ukuthi isikolobho usidinga nxa sekuchitheke amanzi mina angisiso manje wangilaxaza okwenxa inhlanza umlaza. Nangu umuntu owangidobhayo ungaphindi ungifonele umntwana lo noma kungathiwa ufuna uyise ukuze aphile kungangcono ngimncwabe bye bye delate my number ngiyakublokha kweyami khathesi."Wasala ethalaza eyedwa uZimbili engasazazi ukuthi abambeni ayekeleni. "Lowu uzangifundisa ukuganga mina lomfana ngizambulalisa ngabantu ukuze ngithole uNompilo wami,kodwa kumele ngiqale ngoVuyisile lowu impilo yami yonke ngeke ngizixolele loba ngingathola omunye umfazi kodwa uNompilo wami sibili usekhiphela omunye umuntu impahla."Kwesinye isikhathi uyaba yisiwula ekucineni.

"Nkulumo ngicelani lingiphe ingutshana lokuyisipontshi ngendlale phansi. Ngiyancenga ngizathenga okwami lingabhadala. "NguVuyisile lowo ecela kwamanye amaloja akhe. "Mina ngilesipontshi somntanami vele thina siyathutha lapha angikuthembi ulichithamuzi,ngicela usuke duze lomyeni wami ungambizi ngebizo futhi ngubaba kaTalent kumbe Mpofu."UmkaNkulumo wamphuma okwengulube engavuthwanga. "Awu! NaTalent nxa liphuma alivalelisi khathesi kumele likhulume mhlaka 1 lizobhadala manje mhlaka 25 lithi ngidinge nini abantu." "Uyabona ke kutsho nxa ulokhu uzihlalele ungadingi abantu uzasala ubona. Uyakhumbula ukuthi wathini wathi mina ngilitshapha ngidinge indawo elamatshapha njengami manje ngiyitholile ngiyalapho."Weswaba uVuyisile. Wacabanga wafisa lokuthi ngabe uyafa ngoba umhlaba usumphikile. "Yaaa! Hatshi akula engizakwenza ngizayadinga umkhukhu elokitshini."Waphuma wayazivalela endlini yakhe engala lutho walala ekhoneni khonapho phansi.

Kuse ngale kubo Philani njengoba kulele kuyintokozo nje.Abathathe abahambise kudadewabo. "Mnawami ngiyazi ukuthi lokhu engizakutsho mhlawumbe awusoze ukwamukele. Ngicela ungiphe uMphilisi ngizondlele ngiyacela mnawami ngiyacela mntakamama ngeke ngimhlukuluze ngizomphatha okomntanami."Watsho lawa ehlengezela inyembezi udadewabo kaNompilo. "Ngiyezwa mntaka mama awukaze ungilahle ngakho angiluboni uhlupho ngizamunyisa abe lomnyaka owodwa ubusumthatha."Babambana bahlala isikhathi eside ebonga uNomazulu kumnawakhe.

UZimbili wavuka ekuseni waqonda eflathini likaVuyisile ephethe umbhobho. Wafika wangena waze wayafika khona wamthola ezigoqile ekhoneni. "Yaaa! Mthakathi lamuhla uyafa ngifuna uNompilo wami mlethe manje."Usemkhombele ngombhobho. "Hehehehaha! Uyazi ngendlela engisezinsizini ngayo dubula la Zimbili indlu koBulawayo bayithethe." "Angikaqedi ngawe ngiyeza."Waphuma wahamba uZimbili. Esebona ukuthi uzayabhadla eJele ngomuntu ongela kusasa.

"Yaaa! Wena sifebe nguwe ophe umnawakho indoda angithi?"Nguye uZimbili lowo. "Zimbili s**a kudadewethu ngazikhombela uPhilani ngiyamthanda bulala mina wangikhipha ubuntombi bami ngikuthanda Zimbili kodwa wangilaxaza seluphelile phuma uphele empilweni yami hamba uyedinga umfazi uthathe."Udadewabo kaNompilo yena wayesezithambisele phela kakaze akhonjelwe ngombhobho. "Angikaqedi ngawe wena ngisadinga okuyimpongo kwakho lokhu ngizakudiliza ubuchopho kungangcono usale ungela muntu kumbe sife sonke mina lawe ngeke ngiphile ngaphandle kwakho ngangiloyiwe nguVuyisile angizenzanga mina ngenziwa nguVuyisile."Sekungathi ziyamtshiya uZimbili.

*MALABA NOVELS*