Laerskool Bakenkop - sedert 1982

17/06/2026

🎭 Die krag van toneel... 🎭

Dis ongelooflik hoe ’n mens ’n kind kan onderskat. Daardie stil seuntjie of dogtertjie wat rustig op die stoep sit, min sê en dalk maklik oor die hoof gesien word, stap op ’n verhoog en verander skielik in iemand wat jy skaars herken. Hulle kry ’n stem, ’n karakter en ’n selfvertroue wat soms selfs hulle ouers verras.

Dit is juis hoekom ons by Bakies so dankbaar is dat ons hierdie kultuurgeleentheid aan ons leerders kan bied. Toneel gaan oor soveel meer as net reëls leer en op ’n verhoog staan. Dit bou selfvertroue, kreatiwiteit, spanwerk en gee kinders die kans om hul unieke talente te ontdek.

Ons twee toneelproduksies het vanaand afgeskop en as die eerste vertonings enigiets is om op te gaan, lê daar beslis ’n jaar vol hoogtepunte en toekennings voor. Ons is ongelooflik trots op elke leerder wat die moed gehad het om uit hul gemaksones te klim en hul talent met die wêreld te deel.

🌟 Hou hierdie spasie dop – hierdie produksies gaan nog baie harte wen en beslis ’n hele paar pryse inpalm! 🌟🩶💙💛

17/06/2026

🏃‍♀️🏃‍♂️💙💛❤️ Bakies hardloop met trots verder! ❤️💛💙

Baie geluk aan hierdie 7 leerders én 1 juf wat gekwalifiseer het vir die Landloop Interprovinsiale Kampioenskappe op 20 Junie by Lavender Kontrei!

🍀 Sterkte vir die kampioenskappe – ons weet julle gaan die Bakie-gees met trots uitdra! 🏅🔥

🏃‍♀️🏃‍♂️🩶

17/06/2026

🧪📖 Baie geluk Jayden Reutner in Graad 5! 📖🧪🔬

Jayden het deurgedring na die Distriksrondte van die Wetenskap Olimpiade en sal op 6 Augustus deelneem. 🏆

Dit is 'n besonderse prestasie, want wetenskap is beslis nie almal se maat nie! Dit verg nuuskierigheid, harde wer en 'n passie vir ontdekking.

Hou aan om groot vrae te vra en nuwe dinge te ontdek! 🌟🔬🧪

Jy maak ons trots!

🏆📚✨

17/06/2026

🏑🌟 Baie geluk, Thalia! 🌟🏑

Thalia Delport in Graad 7 het hierdie naweek nóg 'n besondere prestasie behaal. Sy is nie net vir die Gauteng-Noord Aksiehokkiespan gekies nie, maar het ook die eer gehad om as kaptein van haar span uit te draf tydens die toernooi.

Thalia en haar spanmaats het uitstekend gevaar deur tot die semifinaal deur te dring en daarna die Plaatkompetisie te wen. Dit is 'n merkwaardige prestasie waarop sy en haar span baie trots kan wees.

Ons is trots op jou leierskap, deursettingsvermoë en die wyse waarop jy Bakies verteenwoordig. 🩶🏑🎉

17/06/2026

🏎️💨 KASKAR WENNERS! 💨🏎️

Baie geluk aan ons top 3 geldinsamelaars vir ons Kaskardag 2026!

'n Opregte dankie aan elke leerder en ouer wat 'n vorm teruggestuur het, ongeag die bedrag wat ingesamel is. Elke bydrae maak 'n verskil tot die fondsinsameling.

Nou tel ons die dae af na 'n opwindende Kaskardag op 25 Junie!
Ons sien uit daarna om saam met al ons Groot K's 'n dag vol pret, gees en spoed te beleef. 🏎️🎉💙❤️💛

17/06/2026

Nog 'n Bakie ouer waarop ons trots is.

Dit is duidelik dat die liefde vir hardloop diep in die familie gewortel is. Marinus en Magriet se seun, Johan, ’n Graad 7-leerder, volg beslis in sy ouers se voetspore en maak reeds sy merk op die atletiek- en landloopbane.

Johan neem sedert 2021 aan die SA Landloopkampioenskappe deel en het vanaf 2022 tot 2025 Gauteng-Noord-kleure verwerf. By die Distrik Atletiekbyeenkomste het hy ook uitstekend presteer:

🏃‍♂️ 2023 – 2025: 1 200 m – onder die Top 5
🏃‍♂️ 2026: 1 500 m – 6de plek
🏃‍♂️ 2026: 800 m – 7de plek

17/06/2026

REGSTELLING - SPUR JONGSTERRE SANG KOMPETISIE

Ons is sopas in kennis gestel dat Alana Oosthuizen ook in die semi-finaal is van die Spur se Jongsterre sangkompetisie.

✨ Ons semi-finaliste is dan:
🎵 Katinka Vorster – Gr. 3
🎵 Abigail Ingram – Gr. 4
🎵 Isabella Olivier – Gr. 6
🎵Alana Oosthuizen - Gr. 7

Baie sterkte aan julle wat vanaand gaan sing by Thunder Ridge Spur. Gaan ondersteun gerus. Dit begin 18:00

16/06/2026

Sy kinders volg beslis in hul pa se voetspore! Albei is talentvolle landlopers wat onlangs vir die Gauteng-Noord Landloopspan gekies is – 'n bewys dat deursettingsvermoë en liefde vir hardloop diep in die familie gewortel is.

Baie geluk, David, met jou uitstekende prestasie en die inspirerende voorbeeld wat jy vir jou gesin en ons skoolgemeenskap stel!”

16/06/2026

🌟 ATKV Nasionale hier kom klein Bophelo Mamasela! 🌟

Ons is ongelooflik trots op jou prestasie om deur te dring na die ATKV-Redenaars Nasionale Finale Ronde 2026.
As 'n Graad 1-leerder is dit reeds 'n groot prestasie om op hierdie vlak mee te ding.

Jy verteenwoordig ons skool met trots in die Graad 1–3 Afrikaans Addisionele Taal-kategorie, en ons vier saam met jou hierdie wonderlike mylpaal.

Ons wens jou alle sterkte toe vir die finale ronde op 5 Augustus 2026.
Mag jy elke woord met selfvertroue spreek en die verhoog geniet. Onthou, jy is reeds 'n wenner omdat jy so ver gekom het!

Baie sterkte, Bophelo! Ons staan agter jou en glo in jou. 🌟🎤🏆

15/06/2026