เว็บไซต์คืออะไร?

https://www.facebook.com/282641488265980/

Authentic Burma Food In BKK, 30 Sukkasem Road, Din Daeng, Bangkok (2026)

09/04/2025

🌱 ရာသီဥတု ပူအားကြီးလွန်းလာတာ အချဉ်လေးမှမပါရင် ထမင်းကမမြိန်ကြတော့ဘူး...ဟုတ် 🌱

🤤😋ဒီနေ့တော့ စားမြိန်သောက်ကောင်းအောင် မန်ကျည်းရွက်လေးကို
အချဉ်ဟင်းချက် ဖြစ်ပါတယ်။ 🤤😋

ပြီးတော့ ကြက်သား အာလူးဟင်းလေးရယ် ထမင်းပူပူလေးရယ် အိမ်ကအမေပို့ထားတဲ့ ဘာလချောင်ကြော်လေးရယ် အားရပါးရ နေ့လည်စာ စားဖြစ်ပါတယ်။ မနေ့ကတော့ ငပိရည် အရမ်းစာချင်တာ နဲ့တို့စရာအစုံ ချက်စားဖြစ်ပါတယ်။

🤗ခုရက်ပိုင်း သရက်သီးသုပ်လေးလည်း ဓာတ်ကျနေလို့ သရက်သီးသုပ်လေးရယ် ကြက်ဘူးလေးရယ် ပန်းဂေါ်ဖီလေးကိုကြက်ဥလေးနဲ့ ကြော် စားလို့ကောင်းမှကောင်း။ 🥰😇

ဘာပဲဖြစ်ဖြစ်...နွေရာသီပူပူမှာ Vitamin C အားကောင်းပြီး ထမင်းမြိန် ခံတွင်းတွေ့စေတဲ့ အချဉ်လေးတွေ ချက်စား ကြည့်ဖို့ recommendပေးတယ်နော့။ 🥰

အိမ်နဲ့ဝေးရာ နိုင်ငံရပ်ခြားမှာ ရုန်းကန်လှုပ်ရှားနေကြရတာမို့ အစာကောင်းကောင်းလေး ကိုယ်စားချင်တာလေးတွေ ချက်မစားဖြစ်တဲ့သူတွေအတွက် အိမ်ချက်လက်ရာလေးတွေကို စျေးနှုန်းချိုသာစွာနဲ့လည်းရောင်းချပေးဦးမှာမလို့ page လေးကို like and follow လုပ်ထားပေးပါဦးနော်။ 🙏💕

10/05/2024

” စားကောင်းလို့စားနေကြတဲ့ ဒူးရင်းသီးအကြောင်း ”

ဒီအချိန်...ဒီရာသီရောက်ပြီဆိုတာနဲ့ ဒူးရင်းသီးက လူတွေပါးစပ်ဖျားမှာ ရေပန်းစားလာပြန်ပြီဗျို။

ဒူးရင်းသီးလိုအသံကြားတာနဲ့ စားချင်လာတဲ့အထိ ကြိုက်တဲ့သူတွေလည်းရှိသလို အနံ့ရတာနဲ့ ခေါင်းမူးတဲ့သူတွေလည်း ရှိပြန်ရော...။

ဒီလိုနဲ့ ဒူးရင်းသီးစားတာ ကောင်းတယ်/မကောင်းဘူး ပြောကြရင်း လျှာပေါ်ကအရသာတစ်ခုအတွက် ကြိုက်တယ်/မကြိုက်ဘူး ငြင်းခုန်ကြတော့တာပဲ။

ဒီလို အနံ့၊အရသာအတွက် ငြင်းခုန်နေကြမဲ့အစား ကျန်းမာရေးရှုထောင့်ကနေ ဒူးရင်းသီးရဲ့ကောင်းကျိုး၊ဆိုးကျိုးလေးတွေကို လေ့လာကြည့်ရအောင်...

🤗 ဒူးရင်းသီးစားခြင်းရဲ့ ကောင်းကျိုးများ

(၁) နှလုံးရောဂါနဲ့ လေဖြတ်နိုင်ချေတိုကို လျှော့ချပေးနိုင်တဲ့ ကျန်းမာရေးနှင့်ညီညွတ်သည့် အဆီဓာတ်များ ပါဝင်ခြင်း၊

(၂) tryptophan ပါဝင်တာကြောင့် စိတ်ဖိစီးမှုကို သက်သာစေပြီး နှစ်ခြိုက်စွာအိပ်ပျော်စေခြင်း၊

(၃) ဗီတာမင်စီပါဝင်ပြီး ကိုယ်ခံအားကို မြှင့်တင်ပေးနိုင်ခြင်း၊

(၄) သွေးပေါင်ချိန်အတက်အကျဖြစ်စေတဲ့ ဆားဓာတ်နဲ့ အရည်ဓာတ်တွေကို ထိန်းညှိပေးတဲ့ ပိုတက်ဆီယမ်ကြွယ်ဝစွာပါဝင်ခြင်း၊

(၅) အမျှင်ဓာတ်များစွာပါဝင်လို အစာခြေနိုင်စွမ်း မြင့်စေခြင်း၊

🤗 ဒူးရင်းသီးစားခြင်းရဲ့ ဆိုးကျိုးများ

(၁) ကယ်လိုရီပါဝင်မှု အလွန်မြင့်မားခြင်း၊

(၂) သကြားဓာတ်ပါဝင်မှုများတာကြောင် သွေးတွင်း သကြားဓာတ်မြင့်တက်လာခြင်းနှင့်

(၃) အပူများတဲ့ အသီးဖြစ်တာကြောင့် အများကြီးစားရင် လည်ချောင်းနာ၊ခံတွင်းနာဖြစ်တာ၊ ဝမ်းချုပ်တာနဲ့ သလိပ်ထတာတွေဖြစ်စေတတ်တာကြောင့် များများစားမိသွားတဲ့အခါတိုင်း ရေများများသောက်ပေးဖို လိုပါတယ်တဲ့ဗျာ...။

ဒါ့အပြင်...

(၁) ဒူးရင်းသီးမစားခင်မှာ အရက်၊ ဘီယာ၊ ဝိုင်အစရှိတဲ့ အယ်လ်ကိုဟော ပါဝင်တဲ့ အရည်တွေ သောက်သုံးခြင်းကို အထူး ရှောင်ကြဉ်သင့်ပါတယ်။ တွဲဖက် စားသုံးခြင်းအားဖြင့် ဦးနှောက် သွေးကြောပြတ်ခြင်း၊ နှလုံး သွေးကြောပေါက်ခြင်းနဲ့ လေဖြတ်နိုင်ခြင်းတိုကို ဖြစ်စေနိုင်ပါတယ်။

(၂) သွေးတိုးရောဂါရှိသူတွေအနေနဲ့ ဒူးရင်းသီးစားပြီး နိုထွက်ပစ္စည်းများ ထပ်မံ စားသုံးခြင်းကို ရှောင်ကြဉ်သင့်ပါတယ်။ အခန့် မသင့်ရင် သေစေနိုင်တဲ့အထိဖြစ်စေနိုင်တာကြောင့် သတိပြု ဆင်ခြင်သင့်ပါတယ်။

(၃) ဒူးရင်းသီးစားပြီး ခရမ်းသီးစားခြင်းဟာ အပူစာနှစ်ခုကို တပြိုင်နက်တည်းစားသုံးသလိုဖြစ်တာကြောင့် အပူများပြီး လည်ချောင်းနာခြင်းနဲ့ ဖျားနာခြင်းတွေကို ဖြစ်စေနိုင်ပါတယ်။

(၄) ဒူးရင်းသီးနဲ့ ဂဏန်းတွဲဖက်စားသုံးခြင်းဟာ အပူစာနဲ့ အအေးစာနှစ်ခုကို စားသုံးသလိုဖြစ်တာကြောင့် ဝမ်းဗိုက်မအီ မသာဖြစ်ခြင်းနဲ့ ဗိုက်အောင့် ဗိုက်နာတွေကိုဖြစ်စေနိုင်ပါတယ်။

(၅) အမဲသားတို မှိတိုလို အပူစာတွေနဲ့ ဒူးရင်းသီးကို တွဲဖက်စားသုံးခြင်းဟာ အစာအဆိပ်သင့်စေနိုင်ပြီး အော့အန်ခြင်း ၊ အသက်ရှုကြပ်ခြင်းနဲ့ ဖျားနာခြင်းတိုကိုဖြစ်စေနိုင်ပါတယ်။

(၆) ကဖင်းဓာတ်ကြွယ်ဝစွာ ပါဝင်တဲ့ ကော်ဖီနဲ့ ဒူးရင်းသီးတွဲဖက်စားသုံးခြင်းဟာလည်း ရုတ်တရက် နှလုံးရပ်ခြင်း၊ အသက်ရှု ကြပ်ခြင်း နဲ့ ခေါင်းအလွန်အမင်းကိုက်ခဲခြင်း တိုကိုဖြစ်စေနိုင်ပါတယ်။

ကဲ...ဒီတော့ ဒူးရင်းသီးနဲ့ပက်သက်ပြီး ကောင်းကျိုး/ဆိုးကျိုးနဲ့ ဆောင်ရန်၊ ရှောင်ရန်လေးတွေကို သိလောက်ပြီလို မျှော်လင့်ပါတယ်....

နောက်ထပ်လည်း အိမ်လွမ်းသူတိုအတွက် Knowledge Sharing လေးတွေ မျှဝေပေးဦးမှာဖြစ်လို
Page ကို like&follow လုပ်ခဲ့ကြပါနော်....🤩

08/05/2024

❝ ဆန်တဲ့လုပ်တဲ့ မြန်မာမုန့်လေးတွေ ဘယ်လောက်ထိသိလဲ ဉာဏ်စမ်းကြည့်ရအောင် ❞ 🤗

မင်မင် ကလူကြိုက်များတဲ့ဆန်နဲ့လုပ်တဲ့မြန်မာမုန့်အချို့ကို ရေးပေးထားပါမယ်။
ချစ်ရတဲ့သူတို့က ..သိသလောက်ဆက်ရေးပေးသွား...

(၁) မုန့်စိမ်းပေါင်း
(၂) မုန့်ကျွဲသည်း
(၃) မုန့်ပေါင်း
(၄) မုန့်ပျားတူအုံ (မုန့်ဗဒူအုန်)
(၅) မုန့်ပျားသလက်
(၆) မုန့်ဗိုင်းဒေါင့်
(၇) မုန့်လက်ဆောင်း
(၈) မုန့်ဦးနှောက်
(၉) မုန့်အိုးကင်းကပ် (ရေမုန့်)

02/05/2024

🌱 ရာသီဥတု ပူအားကြီးလွန်းလာတာနဲ့ အိမ်ထဲ၊အရပ်ထဲက မန်ကျည်းရွက်လေးမှမပါရင် ထမင်းကမမြိန်ကြတော့ဘူး...ဟုတ် 🌱

ဒီတော့ စားမြိန်သောက်ကောင်းအောင် မန်ကျည်းရွက်လေးကို အစိမ်းသုပ်၊ထောင်း၊
အချဉ်ဟင်းချက်နဲ့ အမျိုးမျိုး ကြံရတော့တာပေါ့...။

အသားနဲ့တခါတည်းရောချက်တဲ့အခါလည်းရှိသလို...
ကြက်သွန်နီ၊မြေပဲလေးနဲ့ အစိမ်းသုပ်တဲ့အခါလည်းရှိတာပဲ။

အပူငြိမ်းအောင် ဥသျှစ်ရွက်လေးနဲ့ အချဉ်ဟင်းချက်တဲ့အခါလည်းရှိသလို ညက်နေအောင်ထောင်းပြီး ထမင်းပူပူနဲ့လည်း လွေးတဲ့အချိန်လည်း ရှိတာပဲ။

အိမ်နီးချင်းအချင်းချင်း ဘာဟင်းချက်လဲမေးရင်တောင် " မနေ့က တောင်ကိုင်းက မန်ကျည်းရွက်...ဒီနေ့က မြောက်ကိုင်းကမန်ကျည်းရွက်လို စနောက်ကြပြီး တသောသောရယ်ကြရပြန်ရော....။

မန်ကျည်းရွက်ကို နည်းမျိုးစုံနဲ့စားရတာအားရသွားရင်တောင် မန်ကျည်းရွက်တွေက ပေါမြဲပေါဆဲဆိုတော့လည်း ပုလင်းလွတ်လေးရှာပြီး အချဥ်သိပ်လိုက်ကြတာပေါ့...။

ဘာပဲဖြစ်ဖြစ်...နွေရာသီပူပူမှာ Vitamin C အားကောင်းပြီး ထမင်းမြိန် ခံတွင်းတွေ့စေတဲ့ မန်ကျည်းရွက်က ကျန်းမာရေးနဲ့သင့်တော်လို စားဖြစ်အောင် စားဖို တိုက်တွန်းလိုက်ပါတယ်ရှင့်....။

28/04/2024

" အမေပြင်ပေးတဲ့ ထမင်းပွဲလေးကို လွမ်းလား " 😌

ငယ်ငယ်လေးထဲက ကျောင်းရှေ့ထိလိုက်ပြီး ထမင်းခွံကျွေးတဲ့အမေ...

အမေခွံတဲ့ ထမင်းလေး တစ်လုပ်စားလိုက် မောင်နှမတစ်တွေ ပတ်ပြေးဆော့လိုက်နဲ့ ငယ်ဘဝရဲ့ ကျောင်းတက်ရက်တွေဟာ အေးဆေးသက်သာခဲ့ရတယ်။
အရွယ်ရောက်လို့ ခွံကျွေးစရာမလိုတော့လည်း အမေက ထမင်းပွဲလေးပြင်ပြီး စောင့်နေတတ်ပြန်တယ်။

အမေပြင်ပေးတဲ့ထမင်းလေးစားနေချိန်တောင် အနားကမခွာဘဲ ယပ်ခတ်ပေးလိုက်... ရေနွေးထည့်ပေးလိုက်နဲ့ ဂရုတစိုက် အရိပ်တကြည့်ကြည့်မှာ သားတို့သမီးတို့ ဘဝအမောတွေ ပြေခဲ့ရတယ်...။

အချိန်တန်အရွယ်ရောက်လို့ တနယ်စီဝေး ဘဝတွေဝေးနေလည်း စိတ်ချင်းနီးနေဆဲပါပဲ...။အမေပြင်ပေးတဲ့ မိသားစုထမင်းဝိုင်းလေးရဲ့အဝေးမှာ အမေ့လက်ရာအစားအစာလေးတွေကိုပါ လွမ်းနေဆဲ...

ဘာပဲဖြစ်ဖြစ် မင်မင်တို့လို ထိုင်းနိုင်ငံမှာရောက်နေပြီး အိမ်လွမ်းနေသူတွေအတွက် Authentic Burma Food In BKK မှ မြန်မာအစားအသောက်တွေအားလုံးကို ရောင်းချပေးသွားဦးမှာဖြစ်လို့ အမေ့အိမ်မှာလို မြန်မာအစားအစာတွေကို ဝဝလင်လင်စားနိုင်ဖို့ Page လေးကို Like & Follow လုပ်ခဲ့ကြပါဦးနော်...။

21/04/2024

❝ ငယ်ဘဝရင်ထဲစွဲခဲ့တဲ့အားလူးကြော်က ဘယ်ဟာလဲ ❞ 🤷‍♀️
~ အမေပေးလိုက်တဲ့ မုန့်ဖိုးနဲ့ ကျောင်းမုန့်ဈေးတန်းမှာ ဝယ်စားခဲ့ဖူးတဲ့မုန့်တွေထဲ အားလူးကြော်က ထိပ်ဆုံးကပဲ။
~ ဝါးစားလိုက်တိုင်း တကြွပ်ကြွပ်မြည်နေမှာသိပေမဲ့ ဆရာမအလစ်မှာ အသံမမြည်အောင် ခိုးဝါးတာလည်း အာလူးကြော်ပဲ။
~ သူငယ်ချင်းတွေနဲ့ စာစုကျက်တိုင်း မပါမဖြစ်ကလည်း အာလူးကြော်ပဲ။

ဒီလိုမျိုး ငယ်စဉ်ဘဝမှာထဲက အတူရှိနေပေးတဲ့ "အာလူးကြော်" က
~ ချစ်သူနဲ့ ရုပ်ရှင်ကြည့်ချိန်တိုင်း
~ ဟင်းမချက်တဲ့နေ့တွေတိုင်း
~ ဘော်ဒါတွေဆုံလို့ သောက်ပွဲစားပွဲလေးပါတိုင်း...စသဖြင့် လူလတ်ပိုင်းတစ်ယောက်ရဲ့ ဘဝထဲအထိပါ တိုးဝင်လာခဲ့တာ မင်မင်တို့အိမ်လွမ်းသူတို့ သတိထားမိကြရဲ့လား...။

~ ဘာပဲဖြစ်ဖြစ် ငယ်ငယ်တုန်းက စားခဲ့တဲ့ ရိုးရိုးအာလူးကြော်လေးတွေကနေ အာလူးခြစ်ကြော်...အာလူးချောင်းကြော် စသဖြင့် ပုံစံအမျိုးမျိုးနဲ့ ငယ်ကအဖော်မွန် အာလူးကြော်လေးကို စားသုံးနေကြတာတော့ အမှန်ပဲရှင့်...။
~ အခုချိန်မှာ မြန်မာပြည်နဲ့ဝေးနေပေမဲ့ မြန်မာပြည်က အာလူးကြော်အရသာလေးကိုပဲ ငယ်ကချစ်နှစ်တရာမမေ့နိုင်သလို စွဲလမ်းနေမိတော့တာပဲ။
မင်မင်တို့လို အိမ်လွမ်းနေသူတွေအတွက် မြန်မာအစားအသောက်တွေအားလုံးကို Authentic Burma Food In BKK မှ "လိုတရ"စနစ်နဲ့ ရောင်းချပေးသွားဦးမှာဖြစ်လို့
Page လေးကို Like & Follow လုပ်ခဲ့ကြပါဦးနော်...။

17/04/2024

အိမ်လွမ်းသူတို့ရေ အလုပ်ပင်ပမ်းနေချိန်မှာ မြန်မာအစားအစာတွေကို လွမ်းတဲ့အချိန်ဆိုတာ ရှိဖူးကြလား 🙋

🙇 မြန်မာနိုင်ငံမှာရှိနေတဲ့ မင်မင်တို့တောင် တစ်ပတ်လောက် မုန့်ဟင်းခါးမသောက်ရရင် မုန့်တီသုပ်မစားရရင် လွမ်းသလိုလိုဖြစ်လာပြီး စားချင်စိတ်တွေအရမ်းဖြစ်လာတာတော့အမှန်ပါပဲရှင့်။ 💯

💢 မင်မင် တို့တောင် ခုလိုဖြစ်နေရင် ပညာရေးအတွက် ပြည်ပမှာ ကျောင်းတက်နေရသူတွေ ၊ အလုပ်ကိစ္စကြောင့် နိုင်ငံရပ်ခြားရောက်နေသူတွေ ၊ အကြောင်းအမျိုးမျိုးကြောင့် ကိုယ့်အမိနိုင်ငံနဲ့ ခွဲခွာပြီး ပြည်ပရောက်နေတဲ့ မြန်မာနိုင်ငံသားတွေဆို ဘယ်လောက်တောင်လွမ်းလိုက်မလဲပေါ့ဗျာ ...

🔅ပြည်ပရောက်နေတဲ့သူတွေဆီက မကြာခဏကြားရတဲ့စကားလေးတွေကတော့ " မြန်မာအစားအစာတွေကို သတိရလိုက်တာ " " မြန်မာမုန့်တွေစားချင်တယ်" ဆိုတာလေးတွေပါပဲ 🤷 အလုပ်တွေ ပင်ပန်းနေတဲ့အချိန် ၊ အိမ်ကိုလွမ်းတဲ့အချိန်တွေမှာ ပိုလိုတောင် သတိရမိကြမယ်ထင်ပါတယ် 🙌

🌟 အဲ့လိုအချိန်မှာ မြန်မာအစားအစာတစ်ခုခုကို ကိုယ်တိုင်ချက်ပြုတ်ပြီး စားတတ်ကြပါတယ် 🧑‍🍳အဲ့လိုစားလိုက်ရတဲ့ခံစားချက်ဟာ အိမ်ကို ခဏတာ ရောက်သွားသလို ခံစားချက်မျိုးကို ရရှိစေရုံသာမက အိမ်လွမ်းနေတဲ့အချိန်မှာလည်း အကောင်းဆုံးအဖော်မွန် ဖြစ်စေပါတယ် 🙇

📝 အနှစ်ချုပ်အနေနဲ့ ဘယ်နိုင်ငံရဲ့ အစားအသောက်တွေ ဘယ်လောက်ကောင်းကောင်း မင်မင်တို့ တွေရဲ့ မြန်မာနိုင်ငံက အစားအသောက်တွေကိုတော့ မှီမယ်မထင်ပါဘူးနော် 💁💁

အဲ့ဒါတွေကြောင့်လဲမင်မင်တို့ရဲ့ Authentic Burma Food In BKK ဆိုတာကဖြစ်ပေါ်လာပြီးတော့ အိမ်လွမ်းသူတို့ရဲ့နံဘေးနားမှာ မိတ်ဆွေကောင်းအဖြစ်ရှိနေမယ်ဆိုတာကို ယနေ့မြန်မာနှစ်သစ် နှစ်ဆန်း(၁)ရက်နေ့မှာ အသိပေးလိုက်ပါတယ်ရှင့်။
အားလုံးပဲကျန်းမာ၊ပျော်ရွှင်ပြီးနှစ်သစ်မှာစိတ်ချမ်းသာ၊ကိုယ်ကျန်းမာကြပါစေရှင့်။

12/04/2024

☁ ဧပြီလဆိုတာနဲ့ သင်္ကြန်ဆိုတဲ့ပွဲတော်ကြီးကိုခေါင်းထဲအရင်ပြေးရောက်လာမှာပါပဲ။
တနှစ်ပတ်လုံးအလုပ်တွေ၊ကျောင်းတွေနဲ့အချိန်ကုန်ပင်ပမ်းထားသမျှတွေအကုန်ကို
သင်္ကြန်မှာ ပြန်ကုစားကြရတာပါပဲမဟုတ်လား။

💦ငယ်ငယ်ကဆို သင်္ကြန်အချိန်ရောက်ပြီးဆိုတာနဲ့ ရေကစားကြမယ်။ ကားလည်ကြမယ်။
မဏ္ဍပ်ထိုင်ကြမယ်ဆိုတဲ့ ဂယက်ပေါင်းများစွာနဲ့အစီအစဉ်ပေါင်းများစွာချပြီးအလုပ်တွေရှုပ်ခဲ့ကြတာတွေကတကယ်ကိုအမှတ်တရပါပဲ။

💦သင်္ကြန်အတွင်းမှာလည်ရင်းပတ်ရင်းနဲ့ စတုဒီသာ ဆိုတာနဲ့ စိတ်ဝင်တစားကိုပြေးစားချင်လိုက်တာပါပဲ။ အခုလိုတိုင်းတပါးမှာအလုပ်တွေလုပ်နေရချိန်ဆိုရင် အဲ့လို စတုဒီသာ မှာကျွေးတဲ့ ဖယောင်နံ့သင်းသင်းမွှေးမွေးလေးနဲ့ ထန်လျက်ရည်မုန့်လက်ဆောင်းလေးသာတွဲဖတ်စားလိုက်ရလို့ကတော့ ဘယ်ပြောကောင်းမလဲ ထိမိပြီးတော့ အာဂပါးစပ်လေးနဲ့ လူတောင်လေထဲမြောက်နေလောက်ပါရဲ့။

😇အဲ့လိုအချိန်လေးတွေအတွက် တိုင်းတပါးမှာနေရင်း သင်္ကြန်ထမင်းချက်နည်းလေးကိုမျှဝေပေးလိုက်ပါတယ်ရှင့်။သင်္ကြန်ထမင်းနဲ့သင်္ကြန်ကြော်ဆိုတာကလဲ မွန်တိုင်းရင်းသားတွေရဲ့ဓလေ့အစားအစားတခုပဲဖြစ်ပါတယ်ရှင့်။

သင်္ကြန်ထမင်းချက်နည်းနှင့် သင်္ကြန်ကြော်ပြုလုပ်နည်းလေးကိုမျှဝေလိုက်ပါတယ်ရှင့်။

သင်္ကြန်ကြော်ဆိုတာက ငါးခြောက်‌ထောင်းကြော် နိုင်ချင်းနဲ့ သရက်သီးနဲ့ကြော်ထားတာ
ကိုခေါ်တာပါ။
ငါးခြောက်ကိုသုံးမယ်ဆိုရင် ငါးကွမ်းရှပ်ခြောက်၊ ငါးရံ့ခြောက်၊အဆင်ပြေရာသုံးလို့ရပါတယ်။
တကယ်လို့ငါးခြောက်မရှိပါက ပုစွန်ခြောက်လဲသုံးလို့ရပါတယ်ရှင့်။

သင်္ကြန်ကြော်အတွက်လိုအပ်တာကတော့
-------------------------------------
✔ငါးခြောက် (သို့) ပုစွန်ခြောက်
✔သရက်သီးစိမ်း (အချဉ်သီး)
✔ကြက်သွန်နီ
✔ငရုတ်သီးအစိမ်းမှုန့်
✔နနွင်း လက်ဖက်စားဇွန်း
✔စိမ်းစားငပိ ထမင်းစားဇွန်း
✔ငရုတ်သီးခြောက် အတောင့်
✔ဆီ

သင်္ကြန်ကြော်နည်း
-------------------------------------------------
☑ငရုတ်သီးခြောက်လေး ဆီပူလှိမ့်ထားပါဦးနော်
☑ငါးခြောက်ကို နူးတဲ့အထိ ပြုတ် အရိုးထွင်ပြီး ထောင်းထားပါမယ် သို့မဟုတ်ပုစွန်ခြောက်ကိုရေစိမ်ပြီးထောင်းထားရပါမယ်။
☑သရက်သီးကိုခြစ်ထိုးပြီးတော့ စိမ်းစားငပိနဲ့ နယ်ထားပေးရပါမယ်။
☑ဆီသတ်ဖို့အတွက် ကြက်သွန်နီကို လေးစိတ်ကွဲ လှီးထားရပါမယ်။
☑ကြက်သွန်နီလေးတွေနူးလာရင် နနွင်းမှုန့်၊ ငရုတ်သီးစိမ်းမှုန့်ထည့်ပြီး မွှေးလာတဲ့အထိဆီသတ်ပြီးကြော်ပါ။
☑ကျက်ခါနီးမှာထည့်ဖို့အတွက် ကြက်သွန်နီ တချို့ကိုလဲလေးစိတ်ခြမ်းထားပေးပါ။
☑ငရုတ်သီးကျက်ရင် ငါးခြောက်(သို့) ပုစွန်ခြောက်မှုန့်ထည့်ကြော်ရပါမယ်။
☑တကယ်လို့ ဆီပြန်လာရင် မီးကို လျော့ပြီး သရက်သီးထည့်မွှေရပါမယ်။
☑အရသာအပေါ့အငန်အတွက် ဆား သို့မဟုတ် ငံပြာရည်ထည့်ပါနော်။ဟင်းခတ်မှုန့်လဲထည့်ပေးရပါမယ်ရှင့်။
☑ငါးခြောက်သို့ပုစွန်ခြောက်ကြော်လေးမွှေးလာရင်၊ဆီသတ်ထားတဲ့ငရုတ်သီးနံ့ပျောက်သွားရင်၊သရက်သီးနဲ့ရောနယ်ထားတဲ့ ငပိနံ့ပျောက်သွားရင်
လေးစိတ်ခွဲထားတဲ့ ကြက်သွန်နီ ထည့်ပါရပါမယ်ရှင့်။
☑ကြက်သွန်နီကျက်ရင်တော့ အရသာချိုချိုလေးနဲ့ ကြက်သွန်ဖတ်လေးတွေဝါးမိတိုင်း
အရသာအပြည့်ရစေမယ့်သင်္ကြန်ကြော် ရပါပြီရှင့်။
☑ လှော်ထားတဲ့ငရုပ်သီးအခြောက်ကြော်လေးနဲ့တွဲဖတ်စားသောက်လို့ရပါတယ်ရှင့်။

သင်္ကြန်ကြော်နဲ့တွဲဖက်စားသောက်ဖို့အတွက်တော့
သင်္ကြန်ထမင်းက ကိုပြင်ဆင်ရပါမယ်ရှင့်။သင်္ကြန်ထမင်းအတွက်အသက်ကတော့
သင်းရည်ဖြစ်ပါတယ်ရှင့်။

သင်္ကြန်ထမင်းချက်နည်း။
-------------------------------------------------
☑ဆန်ကို ရေဆေးပြီး ပြုတ်ပါမယ် ပြီးရင် လက်နဲ့ဖိကြည့်လိုက်ပါ ဆန်ကပျော့နေရင် ဇကာနဲ့စစ်ပြီး ရေအေးအေးနဲ့ ထမင်းအစေးကုန်တဲ့အထိလောင်းချပေးပါ။
☑ရေခဲတုံးတွေကိုအပေါ်ကနေထည့်ပြီး ခဏဖယ်ထာရပါမယ်ရှင့်။

သင်းရည်လုပ်နည်း
-------------------------------------------------
☑သင်္ကြန်ကြော်နဲ့တွဲဖက်စားသောက်ဖို့အတွက် ဖယောင်နံ့သင်းသင်းမွှေးမွေးလေးဖြစ်နေတဲ့☑သင်္ကြန်ထမင်းက လဲလိုအပ်ပါတယ်ရှင့်။
ဖယောင်းအနံ့ကိုမသုံးချင်ရင်တော့ ရေခဲရေရိုးရိုးနဲ့သုံးဆောင်ပါရှင့်
☑ပျားဖယောင်းခြစ်ထည့် မီးသွေးမီးကျီခဲထည့်ပြီး လုံအောင်ဖုံးထားပါ
(ပျားဖယောင်းမရရင် ဖယောင်းတိုင်ကို ခြစ်ထည့်လို့ရပါတယ်)
☑အငွေ့စတက်တဲ့အခါ အိုးအ၀ကို ပိတ်စအသန့်နဲ့အုပ်ထားရင် မီးခိုးနံ့နဲ့ အငွေ့တွေက အ၀တ်မှာ ကပ်နေပါတယ်
☑အဲ့ဒီ အနံ့ယူထားတဲ့အ၀တ်နဲ့ရေစိမ်ထားတဲ့ထမင်းတွေရဲ့ရေကို စစ်တဲ့အခါ ဖယောင်းနံ့သင်းတဲ့ သင်္ကြန်ထမင်းလေးရပါပြီးရှင့်။

အခုလိုအချိန်ကာလမှာအိမ်လွမ်းသူတို့အတွက် မင်မင်တို့ကိုယ်တိုင်ချက်စားဖူးတဲ့ဖယောင်နံ့သင်းသင်းမွှေးမွေးလေးသင်္ကြန်ထမင်းနဲ့ သင်္ကြန်ကြော်လုပ်နည်းလေးမျှဝေလိုက်ပါတယ်ရှင့်။

အားလုံးပဲပျော်ရွှင်ချမ်မြေ့သာယာတဲ့ သင်္ကြန်အချိန်အခါလေးဖြစ်ပါစေလို့ဆုမွန်ကောင်းတောင်းလိုက်ပါတယ်ရှင့်။

10/04/2024

💞သင်္ကြန်နားနီးပြီးဆိုတော့ အိမ်ဝေးသူတို့ရေ
💦သင်္ကြန်ပိုးလေးတွေအနည်းအငယ်တော့ပြန်ထကြတယ်မဟုတ်လား။
အရင်ကဆို ကိုယ်နိုင်ငံရဲ့သင်္ကြန်ကိုပျော်နိုင်ဖို့အတွက်
ပိုက်ဆံတွေစုပြီး ပြန်နေရကြပဲနော်။

💦လွန်ခဲ့တဲ့အချိန် (၅)နှစ်လောက်က
သင်္ကြန်ရဲ့နောက်ဆုံးနေ့လေးတွေကိုသတိရကြတယ်မဟုတ်လား။

ဒီနေ့မှာတော့ မင်မင်တို့က သင်္ကြန်အကြောင်းလေး အနည်းအကျဉ်းကိုပြောပြပါမယ်။

တန်ခူးလမြတ်
နှစ်လုံးရယ်တဲ့ ပါဒ်မှီ ၊ ရေသွန်းစံပျော်လို့
ငွေကံ့ကော် ပိတောက်ပန်းရယ် ၊
လန်းတဲ့ရာသီ ။
စိတြာ ရွှေကြယ်မြတ်ကယ်နှင့် ၊
စန်းသမသတ်ပြည့်ခါမှီ
ညာဉ့်နာရီ နေ့ခင်း ။
မျှမပို လအလိုအခါထူးပါတဲ့ ၊
တန်ခူးသည် ဂိမှေနဲ့
ရဝိန်နေ မဇ္ဈေနန်းမှာ ၊
မြန်းမည့်အတွင်း ။
( မဟာဂီတ ဦးပြုံးချို )..............................................................................................................................
တန်ခူး မည်မှတ် ဖက်ဆွတ်ရေတိုး သင်္ကြန်မိုးတဲ့ .....
တန်ခူးလဟာ မြန်မာပြက္ခဒိန်ရဲ့ ပထမဆုံးလပါ ..။
တန်ခူး လကို တန်းခူး ဟုလည်းရေးလေ့ရှိပြီး ပျို့ကဗျာ တွေမှာတော့ တာကူး လို့လဲရေးကြတာတွေ့ရပါတယ်။
တာကူးဟူသောအဓိပါယ်မှာ မိန်ရာသီမှ မိဿ ရာသီသို့ တနင်္ဂနွေ ဂြိုလ် ကူးပြောင်းခြင်းကို အစွဲပြုရေး သားကြောင်း ဝေါဟာရလိနတ္ထဒီပနီ ကျမ်းပြုစုသူ လှေသင်း အတွင်းဝန်မင်းကဆိုပါတယ်..။.............................................................................................................................
တန်ခူးလတွင် ကောင်းကင်မှာ စိတြာကြယ်ထွန်းလင်း တောက်ပ ပါတယ် ။

ထို့အပြင်အတာ ဟုသောစကားကို ရှေးမြန်မာစာပေ တို့မှာ ... အချိန် ရာသီ နှစ်တို့ကိုခေါ်ဝေါ်ပြီး
ကူး ကတော့ ကူးပြောင်းခြင်းလို့ ဆိုပါတယ်...
ဒါ့ကြောင့် အတာကူးသောလ လို့ခေါ်ကြတာပါ ...။
ဒါတင်မက တန်ခူး ဟူသော ဝေါဟာရမှာတော့ ပါဋိ စကားအရ
တန် သည် ထန်းပင်ကို ရည်ရွယ်ပြီး
ခူး ကတော့ ခူးစွတ်ခြင်း လို့ပြန်ကြပါတယ်။
ဒါကြောင့် ထန်းခူးသောလ တန်ခူး လလို့လဲခေါ်ပါတယ်။ ဒါကြောင့်
အတာကူးသောလ ထန်းခူးသောလ တာကူး တန်ခူး လရယ် လို့ အမည်တွင်ခဲ့တာပေါ့ ...။

တန်းခူးလ မှာ ပိတောက် ကံ့ကော် နှင့် ရင်ခတ်ပန်း တို့ပွင့်ကြပါတယ် ...။
ပိတောက်ပန်းဟာ မြန်မာ့ရိုးရာ အတာ သင်္ကြန် ပွဲတော်ရဲ့ အထိမ်းအမှတ်ပန်းလဲဖြစ်ပါတယ်။ တန်ခူးလတွင် သင်္ကြန်ကျရောက်ပြီး တစ်နိုင်ငံလုံး သင်္ကြန်ပွဲတော်ကို ဆင်နွှဲကြပါတယ်။ မြန်မာ့ ယဉ်ကျေးမှုနှင့် ဆက်စပ်နေသော လာအို၊ ကမ္ဘောဒီးယာ၊ ထိုင်းနိုင်ငံ တို့မှာလဲ အလားတူ ဧပြီလမှာ ကျင်းပပါတယ်။

တန်ခူးလ သကြင်္န်ပွဲရဲ့ ရိုးရာအစားအစာရဲ့မင်းသားကြီးကတော့ မုန့်လုံးရေပေါ်ဖြစ်ပါတယ်။ကောက်ညှင်းနှင့် ဆန်ရောကြိတ် ထားတဲ့ မုန့်နှစ်လုံးလေးထဲမှာ ထန်းညက်ခဲကလေးများထဲ့ပြီး ပြုတ်ပွက်လာ ရင် ရေပေါ် ပေါ်လာတဲ့မုန့်လုံးရေပေါ်ကို အုန်းသီးနိုင်ချင်းနဲ့ သင်္ကြန်ရေ ချမ်းချမ်း ပျော်လွန်း လို့ မောပန်းနေတဲ့ အချိန်မှာ စားရတာ ဘယ်အချိန်မှာစားစား သင်္ကြန်အရသာကိုပြန်ရစေတဲ့မုန့်လေးပါပဲ။
ကာလသားများအတွက်ကတော့ သင်္ကြန် ဖယောင်းထမင်းပေါ့ ။

အိမ်ဝေးသူတို့အားလုံးလဲပျော်ရွှင်အေးချမ်းတဲ့သင်္ကြန်တွေကိုအတူတူဖြတ်သန်းဖို့ မျှော်လင့်ရင်း အတူတူပျော်ရွှင်၊နေကောင်းကျန်းမာကြပါစေလို့ နှစ်သစ်ဆုတောင်းများနဲ့
🫰မင်မင်တို့ကနေဆုတောင်းလိုက်ပါတယ်ရှင့်။

Authentic Burma Food In BKK

09/04/2025

10/05/2024

08/05/2024

02/05/2024

28/04/2024

21/04/2024

17/04/2024

12/04/2024

10/04/2024

ที่อยู่

เบอร์โทรศัพท์

เว็บไซต์

แจ้งเตือน

ติดต่อ ธุรกิจของเรา

ทางลัด

แชร์

ประเภท