Al-Takbeer KAPCO Employees Union Regd CBA

21/09/2026

17/09/2026

17/09/2026

https://www.facebook.com/share/1HwT8BgqVM/

پنجاب ورکرز ویلفیئر فنڈ کے خلاف ورکرز تنظیموں کا احتجاج کا اعلان

مراعات محدود کرنے، رجسٹریشن شرائط اور تعلیمی سہولیات میں کمی پر تحفظات کا اظہار

پاکستان یونائیٹڈ ورکرز فیڈریشن کی قیادت میں 22 ستمبر کو لاہور میں احتجاج ہوگا

لاہور (ورلڈ وائس نیوز)

پاکستان یونائیٹڈ ورکرز فیڈریشن نے پنجاب ورکرز ویلفیئر فنڈ کے اقدامات کے خلاف 22 ستمبر 2026 بروز منگل صبح 10 بجے دفتر پنجاب ورکرز ویلفیئر فنڈ، علامہ اقبال ٹاؤن لاہور کے باہر احتجاج کا اعلان کر دیا۔

فیڈریشن کے مطابق ورکرز کی مراعات کو محدود کرنے، آن لائن پورٹل پر ای او بی آئی اور سوشل سیکیورٹی دونوں کی رجسٹریشن کی شرط، 5 اور 2 فیصد ادائیگیوں سمیت دیگر پالیسیوں پر تحفظات ہیں۔

اعلامیے میں کہا گیا ہے کہ کالجوں اور یونیورسٹیوں کے ساتھ ایم او یوز ختم ہونے کے باوجود سابقہ معاہدوں کے مطابق ادائیگیاں کی جا رہی ہیں جبکہ تعلیمی اخراجات، ہاسٹل اور کھانے کی سہولیات کے حوالے سے نئی شرائط سے طلبہ متاثر ہو رہے ہیں۔

فیڈریشن نے میڈیکل اور انجینئرنگ داخلوں کے لیے 80 فیصد نمبروں کی شرط اور مبینہ کرپشن کے خلاف کارروائی نہ ہونے پر بھی احتجاج ریکارڈ کرانے کا اعلان کیا ہے۔

احتجاج کی قیادت سعد محمد چوہدری، ممبر گورننگ باڈی اور جنرل سیکرٹری پاکستان یونائیٹڈ ورکرز فیڈریشن کریں گے۔

پاکستان یونائیٹڈ ورکرز فیڈریشن کے ڈپٹی جنرل سیکرٹری محمد مختار اعوان نے تمام فیڈریشنز، ٹریڈ یونین رہنماؤں، صنعتی ورکرز اور متاثرہ طلبہ سے اپیل کی ہے کہ وہ مقررہ وقت پر پہنچ کر اپنے حقوق کے تحفظ کے لیے احتجاج میں شرکت کریں۔

مزید خبروں اور کالمز پڑھنے کے لیے ورلڈ وائس نیوز پیج کے لنک کو کلک کریں
https://www.facebook.com/share/1BuE5AiA43/

23/08/2026

قانون کی پاسداری، حقِ رائے دہی اور کیپکو کی مثبت ساکھ

مبینہ طور پر یہ اطلاعات سامنے آ رہی ہیں کہ ریفرنڈم کے موقع پر بعض کنٹریکٹ اسٹاف اور تھرڈ پارٹی ورکرز کو اپنے سپروائزرز یا ٹھیکیداروں کے ذریعے اپنی پسند کی رجسٹرڈ یونین کو ووٹ دینے سے روکنے یا متاثر کرنے کی کوشش کی جا سکتی ہے۔

ہمیں یقین ہے کہ کیپکو ایک ذمہ دار، قانون پسند اور لا آف دی لینڈ کا احترام کرنے والی کمپنی ہے۔ گزشتہ تقریباً 30 برسوں سے کمپنی کے ساتھ کام کرتے ہوئے ہمارا تجربہ یہی رہا ہے کہ کیپکو نے حتیٰ الامکان قانون کی عمل داری اور ادارہ جاتی نظم و ضبط کو مقدم رکھا ہے۔ اسی لیے ہمیں امید ہے کہ کمپنی کی انتظامیہ بھی اس حساس موقع پر اپنے اسی مثبت اور قانون پسندانہ تشخص کو برقرار رکھے گی۔

اگر کہیں کسی فرد یا ٹھیکیدار کی جانب سے قانون کے خلاف کسی قسم کی رکاوٹ، دباؤ یا حقِ رائے دہی کو متاثر کرنے کی کوشش کی جا رہی ہے تو یہ نہ صرف افسوس ناک ہوگا بلکہ اس سے ایک اچھی شہرت رکھنے والے ادارے کی ساکھ بھی متاثر ہو سکتی ہے۔

ہم رجسٹرار آف ٹریڈ یونینز، ڈی جی خان، متعلقہ انتظامیہ اور دیگر قانون نافذ کرنے والے اداروں سے مؤدبانہ اپیل کرتے ہیں کہ ریفرنڈم کے عمل کو مکمل طور پر شفاف، آزادانہ اور پُرامن بنانے کے لیے قانون کے مطابق ضروری اقدامات کیے جائیں، اور تمام رجسٹرڈ ووٹرز کو بغیر کسی دباؤ یا رکاوٹ کے اپنے قانونی حقِ رائے دہی کے استعمال کا مکمل تحفظ فراہم کیا جائے۔

ہمیں امید ہے کہ کیپکو انتظامیہ بھی اپنے مثبت کردار کے ذریعے اس عمل کو شفاف بنانے میں تعاون کرے گی اور کسی بھی ایسے عمل کی حوصلہ شکنی کرے گی جو کمپنی کی ساکھ یا کارکنوں کے بنیادی قانونی حق کو متاثر کر سکتا ہو۔

ہماری نیت کسی ادارے یا فرد کو نشانہ بنانا نہیں، بلکہ قانون، انصاف، شفافیت اور باہمی احترام کے ماحول کو فروغ دینا ہے۔
ہم کیپکو کے ساتھ اپنے دیرینہ تعلق کو قدر کی نگاہ سے دیکھتے ہیں اور امید کرتے ہیں کہ یہ ریفرنڈم بھی باہمی احترام، خیرسگالی اور قانون کی بالادستی کے ساتھ کامیابی سے مکمل ہوگا۔

قانون کی پاسداری ہی ادارے کی مضبوط ساکھ، کارکنوں کے اعتماد اور بہتر مستقبل کی بنیاد ہے۔

22/08/2026

📢 کیپکو CBA ریفرنڈم — فیصلہ کن مرحلہ! ✊

کیپکو کی تاریخ میں پہلی بار رجسٹرار آف ٹریڈ یونینز، ڈیرہ غازی خان کی جانب سے التکبیر یونین کے تھرڈ پارٹی ورکرز کی فہرست کو ووٹر لسٹ میں شامل کیا گیا ہے، جس کے نتیجے میں 168 تھرڈ پارٹی ورکرز کو حقِ رائے دہی حاصل ہوا ہے۔

یہ ایک اہم اور تاریخی پیش رفت ہے، جس کے بعد کیپکو کے تمام ورکرز، بالخصوص تھرڈ پارٹی مزدور، پہلی مرتبہ اپنے ووٹ کے ذریعے CBA کے تعین میں اپنا کردار ادا کرنے کے لیے پُرجوش اور پُرعزم ہیں۔ 💪

📊 کل ووٹرز: 276
🗳️ تھرڈ پارٹی ورکرز: 168

اب وقت ہے کہ ہر ووٹر اپنے حقِ رائے دہی کا بھرپور استعمال کرے اور اپنے مستقبل، اپنے حقوق اور اپنے اتحاد کے لیے اپنا فیصلہ دے۔

آپ کا ووٹ — آپ کی آواز — آپ کا مستقبل! ✊