14/05/2025
پاک بھارت جنگ: امریکہ جیت گیا
سعودی عرب کی امریکہ سےتقریباً ایک کھرب ڈالر کا معاہدہ، جس میں 142 ارب ڈالر کی تاریخی دفاعی ڈیل، اُن تمام قیاس آرائیوں کی تصدیق ہے کہ امریکہ کا پاکستان-بھارت جنگ بندی کروانے کا مقصد برصغیر کو تباہی سے بچانے سے زیادہ دفاعی صنعت میں اپنی اجارہ داری کو قائم رکھنا تھا کیونکہ پاکستان اور بھارت کے درمیان یہ جنگ چین، روس، فرانس اور اسرائیل کے ہتھیاروں کے لیے ایک آزمائشی میدان بھی ثابت ہوئی۔ جس میں پاکستان کی جانب سے چینی ہتھیاروں کے استعمال سے رشین ائیر ڈیفنس سسٹم، اسرائیلی ڈرونز اور فرانسیسی رافیل طیاروں کو مار گرانے کے بعد، چین کو دفاعی صنعت میں امریکہ کا ابھرتا ہوا حریف تسلیم کیا جانے لگا ہے۔ اس لئے سعودی عرب کے ساتھ یہ دفاعی ڈیل صرف ہتھیاروں کی خرید و فروخت نہیں، بلکہ عالمی ڈیفنس انڈسٹری میں امریکہ کی اجارہ داری کو قائم رکھنے کی طرف ایک مضبوط قدم ہے۔
