10/02/2026
فیصل آباد(نیوز انفارمیشن رپورٹ) تھانہ ایئرپورٹ کے علاقہ میں چلڈرن ہسپتال سے اغواء ہونیوالی دوماہ کی بچی کو پولیس کی ٹیم نے 24 گھنٹوں سے بھی کم وقت کے دوران بازیاب کروا کر اغواء کار خاتون کو گرفتار کر لیا،سی پی او فیصل آباد کی جانب اچھی کارکردگی پر پولیس ٹیم کو 5 لاکھ انعام کا اعلان،
آرپی او فیصل آباد سہیل اختر سکھیرا اور سی پی او صاحبزادہ بلال عمر کی بچی کی بازیابی پر پریس کانفرنس کے دوران میڈیا کو بریفنگ،
اس موقع پر آر پی او فیصل آباد سہیل اختر سکھیرا نے کہا کہ پولیس نے بہترین اور پیشہ وارانہ مہارت کا مظاہرہ کیا،سی پی او فیصل آباد صاحبزادہ بلال عمر اور انکی ٹیم مبارکباد کی مستحق ہے جبکہ
سی پی او فیصل آباد صاحبزادہ بلال عمر نے میڈیا کو بتایا کہ ذنیشہ کے اغواء کا مقدمہ تھانہ ایئرپورٹ میں درج ہوا جس کی بعد ایس ایس پی آپریشن فرقان بلال کی سربراہی میں ایس ایچ او تھانہ ایئرپورٹ سب انسپکٹر ثاقب مہیس و دیگر پر مشتمل پولیس ٹیم نے 24 گھنٹوں سے بھی کم وقت میں ٹیکنیکل وسائل اور پیشہ ورانہ مہارت کا استعمال کرتے ہوئے بچی کو بازیاب کروا کر بچی کے اغواء میں ملوث ملزمہ حفیظاں بی بی کو گرفتار کر لیا اور اس کیس کے حوالے سے تفتیش کا عمل بھی جاری ہے مزید حقائق سامنے آنے پر شئیر کیے جائیں گے اس موقع پر سی پی او فیصل آباد کی جانب سے اچھی کارکردگی پر پولیس ٹیم کیلئے پانچ لاکھ روپے انعام کا اعلان کیا گیا۔
RPO Faisalabad Faisalabad Police
