PANOORIN: Ating itinanghal at inalay ang awiting, "Tumindig!" ng Musicians for Peace para sa mga manggagawa ng Nexperia na nag-strike at nagwewelga ngayon sa Cabuyao, Laguna.
Ito ay bilang pagbibigay mensahe na tuloy tuloy tayong tumindig at lumaban para sa mga manggagawa natin sa Nexperia at sa buong Pilipinas. Tayong hanay ng kabataan, artista ng bayan, at iba pang mga sektor ay nararapat na makiisa sa kanila upang kundenahin ang pambabarat at pagsasamantala ng lahat ng kapitalistang mga kumpanyang yumuyurak sa karapatan sa paggawa.
Ipinapanawagan namin ang pagsunod sa CBA ng Nexperia! Ipaglaban ang makatarungang sahod at mga benepisyo! Ibalik ang mga tinanggal na mga manggagawa, at ipagtanggol ang karapatang mag-organisa at mag-unyon!
TUMINDIG KASAMA ANG NEXPERIA WORKERS!
MUSIKERO NG BAYAN,
UMAWIT PARA SA KAPAYAPAAN,
TUMUGTOG PARA SA BAYAN!
Sumali sa Musicians for Peace! ๐๏ธ๐ถ
https://tinyurl.com/Musicians4Peace
https://tinyurl.com/Musicians4Peace
#NexperiaWorkersOnStrike
#ReinstateNexperia4
#StandWithNexperiaWorkers
BUSKING SA MORAYTA ๐ธ๐ถ
Pagbati sa mga bagong halal na officers ng Musicians for Peace! Tuloy-tuloy na maglingkod sa bayan gamit ang sining ng pag-awit at pagtugtog. ๐ธ
โช MGA OPISYAL NG MUSICIANS FOR PEACE:
Chairperson: Jasmine Ellese Bautista
Vice Chairperson: Ralph Christian Echaveria
Secretary-general: Jaze Van Rooy
Treasurer: Irish Kyle Angeles
Propaganda Officer: Kyla May Mapaa
PADEPA Officer: Khyla Eshecka A. Tablizo
Membership Officer: John Henry R. Relucio
Sumali na sa kultural na organisasyon ng mga musikero, mang-aawit, at manunulat, at abangan ang mga susunod pang aktibidad kasama ang Musicians for Peace! โจ๐ซถ
https://tinyurl.com/Musicians4Peace
https://tinyurl.com/Musicians4Peace
https://tinyurl.com/Musicians4Peace
#ArtistaNgBayan
#musiciansforpeace
โBabawiin ang lupang ninakaw ng iilan,
at ang bunga ng lupaโy bayan na ang aani.โ
Panoorin ang rendisyon ng Musicians for Peace ng awiting โBuhay at Bukidโ ng Buklod.
Itong kulturang pagtatanghal ay bahagi ng programa na inilunsad sa Sitio Nagpatong, Antipolo, Rizal. Nakilahok ang Musicians for Peace sa dalawang araw ng Basic Mass Integration o BMI noong ika-14 at 15 Oktubre, 2023, kung saan nakipamuhay ang iilang miyembro ng Musicians for Peace sa komyunidad ng mga magsasaka at iba pang mga residente ng Sitio Nagpatong.
Sa kasalukuyan, ang komyunidad ng Sitio Nagpatong ay dumaranas ng pangangamkam ng lupa na isinasagawa ng pamilyang Gatlabayan, isang pulitikal na dinastiya sa Antipolo. Dahil sa ganid na interes ng pamilyang Gatlabayan para angkinin ang lupa sa Sitio Nagpatong, sila ay nagdeploy ng pwersang paramiltary, na iilang beses ay may kaso ng intimidasyon at panghaharas sa mamamayan doon.
Sa kabila nito, patuloy na tumitindig pa rin ang mamamayan ng Sitio Nagpatongโlalo na ang mga magsasaka sa komyunidad nitoโpara makatwirang ipaglaban ang kanilang karapatan sa paninirahan, lupa, at kabuhayan.
Ang Musicians for Peace ay buong puso na nakikiisa sa laban ng mga magsasaka at residente ng Sitio Nagpatong para sa kanilang lupa, at kalayaang mabuhay ng mapayapa sa kanilang komyunidad. Patuloy na inaalay namin ang aming sining para sa malawak na hanay ng magsasaka at iba pang sektor ng mamamayan na pinagsasamantalahan ng Imperyalismo, Pyudalismo, at Burukrata-Kapitalismo.
Tunay na Reporma sa Lupa, Ipaglaban!
Lupa para sa Magsasaka!
Artista ng Bayan, Tuloy-tuloy ang Laban!
#TunayNaRepormaSaLupaIpaglaban
#LupaParaSaMagsasaka
#ArtistangBayanTuloyTuloyangLaban
Awit ng Magsasaka - Sining Bugkos (Musika Panipi)
Halinaโt samahan ang Musicians for Peace sa aming pagdiriwang ng Peasant Month ngayong Oktubre!
Inihahandog ng Musicians for Peace ang Musika Panipi; isang online serye na tinatalakay ang ibaโt ibang mga kanta na inaalay para sa bayan!
โSa kanayunan
Bawat bungkal ng lupa
Paghimaksik ay pupunla
Apoy na babalot sa kanyunan
Maririnig ang putok ng paglaya!โ
- Mula sa rendisyon ng Sining Bugkos ng awiting โAwit ng Magsasaka"
Maaring pakinggan ang buong kanta dito:
https://soundcloud.com/chantal-eco/awit-ng-magsasaka
Kung nais niyo ring sumama sa mga pagkikilos ngayong Peasant Month: maari din kayong lumahok ngayong ika-19 ng Oktubre kung saan maglulunsad ng Solidarity Night ang ibaโt ibang organisasyon para ipakita ang suporta para sa ating mga magsasaka. Ito ay gaganapin sa University Avenue sa UP Diliman at magsisimula ng 5 pm.
At sa ika-20 Oktubre naman ay magkakaraon din ng mobilisasyon sa Mendiola para ipagdiriwang ang Peasant Day, kung saan sama-sama natin ipapanawagan ang makatarungan na laban ng mga magsasaka para sa kanilang lupa, kabuhayan, at karapatan.
Tunay na Reporma sa Lupa, Ipaglaban!
Artista ng Bayan, Tuloy-tuloy ang Laban!
#PeasantMonth
#MusikaPanipi
Speak in English Zone (Cover by Musicians for Peace)
Artista ng bayan, isulong at ipaglaban ang pambansang wika!
Natapos man ang pagdiriwang ng Buwan ng Wika ngayong Agosto, walang humpay pa rin na ipagpapatuloy natin ang pagsulong ng pambansaโt makabayang wika!
Sa ilalim ng neoliberal at malakolonyal na sistema, ilang daang taon man ang nakalipas ay nananatili ang impluwensiya ng imperyalistang US sa ating edukasyon, pananalita, sining, at kulturang popular na nagdudulot ng unti-unting pagkalimot sa mga kinagawiang sariling kultura na nagpapaalab sa mga tunay na damdaming makabayan.
Handog ng Musicians for Peace ang cover ng kantang โSpeak in English Zoneโ ni Joel Costa Malabanan, kung saan ito'y sumasalamin sa ilang dekadang paghawak ng US sa pulitika, ekonomya, at kultura ng Pilipinas.
Noon hanggang ngayon, ipinapataw ng US ang paggamit ng wikang Ingles sa ngalan ng globalisasyon, ngunit nakikita natin na ang tunay na dahilan nito ay para maging alipin ang mamamayang Pilipino at magsilbi lamang tayo sa dayuhang kapitalista.
Kaya, mga artista, iskolar ng bayan kasama ang manggagawaโt iba pang sektor ng mamamayan, sama-sama tayo sa patuloy na pagpapahalaga sa kayamanan ng sarili nating wikang Pilipinoโkasabay rin ang ibaโt ibang rehiyonal na lenggwahe, sapagkat ang paggamit at pagbunyi nito ay isa sa pamamaraan ng pagtatanggol sa ating pambansang soberanya at paglaban para sa pagpapalaya ng bayan mula sa imperyalistang bansa!
(Ang kantang ito ay cover ng 2018 version ng โSpeak in English Zoneโ ni Joel Costa Labanan, na may updated na liriko mula sa orihinal.)
Bahagi ito ng May Pag-asa Caravan, isang caravan pang-edukasyon at pangkultura para sa tunay na nasyonalismo. Para sa iba pang detalye, maaaring pumunta sa aming page: May Pag-asa: Cultural and Educational Caravan for Nationalism.
Wakasan ang 125-Taong Pagkaalipin!
Tikom - Orihinal na kanta ng Musicians for Peace
Defend Press Freedom!
โNgunit kahit tinitikom, kagatin mo ang kamay.
Ikaโy bumangon at lumaban, ito ay iyong buhay!โ
Sa paggunita ng National Press Freedom Day 2023, ating balikan ang ginawang pagtatanghal ng MP sa orihinal na awiting pinamagatanag โTikomโ para sa ginanap na World Press Freedom Day mobilisasyon noong ika-5 ng Mayo 2023. Buong puso kaming nakikiisa sa panawagang palayain ang lahat ng mamamahayag na ikinulong sa gawa-gawang kaso tulad ni Frenchie Mae Cumpio.
Hindi krimen ang magpahayag ng aktwal na kalagayan ng mamamayan. Hindi krimen ang paglalantad ng kahirapan na kinakaharap ng sambayanang Pilipino sa pamamaraan ng pagpapahayag. Tayo ay may karapatang ilantad ang kaharasang kinakaharap natin sa ilalim ng estado, lalo na sa kasalukuyang administrasyon ni Marcos Jr.
Artista ng bayan, ipaglaban ang karapatan at kalayaan nating magpahayag sa tunay na kalagayan ng sambayanang Pilipino!
#DefendPressFreedom
#nationalpressfreedomday2023
#ArtistsFightBack
Musicians for Peace - Di Kami Aalis
Taas kamao na nakikibaka ang Musicians for Peace kaisa ang mga mamamayan ng Baseco Compound, Tondo laban sa naka ambang demolisyon at reklamasyon sa kanilang komunidad. Kapalit ng pekeng pangako ng pagpapaunlad sa kalakhan ng Maynila ay ang patuloy na pagkasira sa Manila Bay, isang pangunahing pinagkukunan ng kabuhayan ng mga mangingisda at maralita hindi lamang sa Baseco ngunit sa iba't ibang komunidad ring nakapalibot dito.
Noong Hunyo 5, 2023, matapos ang dalawang araw na forum ng 3rd People's Summit Against Reclamation ay nagtungo ang Sining Bugkos sa Baseco Compound kasama ang iba't ibang sektor upang palakasin pa lalo ang kampanyang #DefendManilaBay.
Bagaman sa umpisa ay humarap sa intimidasyon at pandarahas ng kapulisan, hindi ito naging hadlang upang makapagpatuloy at matagumpay na makapaglunsad ng Basic Mass Integration, Paralegal Training at Community Journalism Training sa mga kabataan at residenteng dumalo. Nagtapos ang maulang maghapon sa isang kultural na programa kung saan unang beses na itinanghal ang awiting 'Di Kami Aalis' ng Musicians for Peace.
Alay ang awiting ito sa mga mamamayang patuloy na naninindigan sa kabila ng kabila't kanan na pambubusabos at pakikipagsabwatan ng estado upang ipagwalang bahala ang ating mga karapatang pantao.
May pag-asa at tagumpay hangga't tayo ay patuloy na sama-samang lalaban para sa tunay na kasarinlan at demokrasya!
Mapapanuod ang buong kanta rito: https://bit.ly/MPDiKamiAalis
____
Mga artista at manggagawang kultural, paglingkuran ang sambayanan! Gamitin ang iyong sining sa pagpapalaya ng bayan!
#JoinMP #JoinMusiciansForPeace
#MayPagAsaCaravan
#DefendManilaBay #NoToReclamation
#MilitarSaKomunidadPalayasin
