18/08/2026
ππ¨π£π ππ§ π£ππππ₯ ππ¨π π¨ππ’, π―π°-ππ‘π¬π’π¦ π‘ππ¦ππͺπ π¦π π£π¨ππ₯π§π’ πππππ₯π
PUERTO GALERA, Oriental Mindoro β Isang 34-anyos na residente ng Barangay Sinandigan ang nasawi matapos matabunan ng lupa at debris kasunod ng landslide sa lugar nitong Martes, Agosto 18.
Batay sa paunang ulat, biglang gumuho ang bahagi ng lupa at isang pader, na naging sanhi ng pagkakatabunan ng biktima.
Bandang 11:06 AM, humingi ng police assistance ang Municipal Disaster Risk Reduction and Management Office (MDRRMO) sa Puerto Galera Municipal Police Station (PGMPS) para sa isinagawang search, rescue, retrieval at clearing operations.
Agad na rumesponde ang PGMPS katuwang ang MDRRMO, Bureau of Fire Protection (BFP), Barangay Disaster Risk Reduction and Management Committee (BDRRMC), at mga lokal na volunteer.
Matapos maiahon mula sa ilalim ng lupa at debris, isinugod ang biktima sa Puerto Galera Hospital, ngunit kalaunan ay idineklara itong patay ng attending physician.
Wala namang ibang residenteng naiulat na nasaktan sa insidente.
Samantala, naibalik na sa pagiging passable ang apektadong kalsada, habang nagpapatuloy ang clearing operations sa lugar sa pangunguna ng mga awtoridad at ng Municipal Government of Puerto Galera.
Pinapayuhan ang mga residente sa mga lugar na madaling kapitan ng landslide na manatiling alerto at sumunod sa mga abiso ng mga awtoridad, lalo na habang nagpapatuloy ang pag-ulan.
π· Paire Lopez / PRO MIMAROPA
Via Balitang Mindoro
Pilipinas Balita Ngayon-PBN
