196 Store

10/05/2025

16/03/2025

18/01/2025

https://www.facebook.com/share/p/1HJh7ACf7G/?mibextid=wwXIfr

14/01/2025

လတ်တလောအချိန်မှာ အအေးဆုံးအချိန်နဲ့ အပူဆုံးအချိန်တွေ သတိထားကြရပါမယ်။

အအေးဆုံးက မနက် စောစော ၂ နာရီလောက်မှ ၇ နာရီလောက်အထိ အအေးဆုံးအချိန်တွေဖြစ်ပြီး
အပူဆုံးက နေ့လည် ၁ နာရီလောက်ကနေ ညနေ ၄ နာရီကျော်သည်အထိ အပူဆုံးအချိန်ဖြစ်နေတတ်ပါတယ်။

ဒီနေ့ (၁၄ ရက်နေ့)အတွက် နမူနာ weather station ၄ ခုက အပူဆုံးနဲ့ အအေးဆုံးအချိန်တွေကို ပုံမှာ ပြပေးထားပါတယ်။

ဘာကြောင့်လဲဆိုတော့ ညဦးပိုင်းသိပ်မအေးခင်မှာ အနွေးထည်မပါပဲ အိပ်တတ်ကြတဲ့အတွက် အအေးပိုလာချိန်မှာ မနိုးရင် လေဖြတ်သွားတတ်ပါတယ်။

ပူတဲ့အချိန်တွေမှာတော့ အရိပ်အောက်မှာနေခြင်း၊ ချွေးထွက်မလွန်အောင်နေခြင်းဖြင့် heat-stroke ဖြစ်နိုင်မဲ့ အန္တရာယ်ကို အသိရှိရှိကာကွယ်နိုင်ကြပါလိမ့်မယ်။ အခုအချိန်မှာတော့ လွန်ကဲတဲ့ အပူချိန်မဖြစ်သေးတာကြောင့် စိုးရိမ်စရာမရှိပါ။

U Win Naing

05/01/2025

HMPV ဘယ်လိုကူးစက်သလဲ၊
ဘယ်လိုကာကွယ်မလဲ

■HMPVဆိုတာ ဘာလဲ

လက်ရှိ တရုတ်နိုင်ငံမှာ တုပ်ကွေးနဲ့ ကိုဗစ်ဆန်တဲ့ အသက်ရှူ လမ်းကြောင်းဆိုင်ရာ ရောဂါတစ်မျိုး ဖြစ်ပွားစေတဲ့ Human metapneumovirus (HMPV)ကို ၂၀၀၁ ခုနှစ်တုန်းက နယ်သာလန် ဆေးသိပ္ပံ ပညာရှင်တွေက စတင် အတည်ပြု တွေ့ရှိခဲ့ပါတယ်။ အဲဒီတုန်းက ကလေးတွေမှာ အမျိုးအမည် ခွဲခြားမသိတဲ့ ဗိုင်းရပ်စ် အသစ်တစ်ခုကြောင့် အသက်ရှူ လမ်းကြောင်းဆိုင်ရာ ရောဂါတစ်မျိုး ဖြစ်ပွားတာကို ဖော်ထုတ်နိုင်ခဲ့တာပါ။

ဒါပေမဲ့ ဓာတ်ခွဲ အတည်ပြုနိုင်ခဲ့တဲ့ ၂၀၀၁ ခုနှစ်မှာတောင် ဗိုင်းရပ်စ်ဟာ အသစ်ကျပ်ချွတ် မဟုတ်ဘဲ သက်တမ်း နှစ် ၆၀ ကျော်လောက် တည်ရှိနှင့်ပြီး ဖြစ်တယ်ဆိုတဲ့ အထောက်အထားတွေ ရှာတွေ့ခဲ့ပါတယ်။ အဓိပ္ပါယ်ကတော့ လူသားတွေ သတိမမူမိခင် ကတည်းက HMPVဟာ အတွေ့ရများတဲ့ အသက်ရှူ လမ်းကြောင်းဆိုင်ရာ ရောဂါ ဗိုင်းရပ်စ် အနေနဲ့ ကမ္ဘာအနှံ့ ပျံ့နှံ့ခဲ့ပြီးပြီ ဆိုတာပါပဲ။

■ဘယ်လို ကူးစက်သလဲ

HMPVဟာ တခြားသော အသက်ရှူ လမ်းကြောင်းဆိုင်ရာ ရောဂါတွေရဲ့ ဗိုင်းရပ်စ် အများစုနည်းတူ ချောင်းဆိုးတာ၊ နှာချေတာမျိုးကနေ လေထုထဲ ရောက်သွားတဲ့ အမှုန်အမွှားတွေကို ကပ်ငြိပြီး လူအချင်းချင်း ကူးစက်နိုင်ပါတယ်။ နောက်ပြီး ပွေ့ဖက်တာ၊ နမ်းရှုပ်တာ၊ ဗိုင်းရပ်စ် ကပ်ငြိနေတဲ့ အရာဝတ္ထုတွေကို ကိုင်တွယ်ထားတဲ့ လက်နဲ့ မျက်စိ၊ နှာခေါင်း၊ ပါးစပ်တိုကို ထိမိရာကလည်း ကူးစက်လေ့ ရှိပါတယ်။

ယေဘုယျ အားဖြင့်တော့ ဗိုင်းရပ်စ်ဟာ လူတစ်ဦးဆီ ခိုဝင်ရောက်ရှိပြီး ၃ ရက်ကနေ ၅ ရက်အကြာမှာ ရောဂါ လက္ခဏာတွေ ပြသလေ့ ရှိပါတယ်။ လူ့ခန္ဓာကိုယ်ရဲ့ ကိုယ်ခံအား စနစ်ဟာ HMPVကို တွန်းလှန်နိုင်တဲ့တိုင် နောက်ထပ် ရောဂါ ဖြစ်ပွားမှုတွေ ထပ်ကြုံနိုင်ပါတယ်။ အဲဒီဗိုင်းရပ်စ်ဟာ အချိန်တိုင်း၊ နေရာတိုင်းမှာ ကူးစက်မှု ဖြစ်နိုင်ပေမယ့် အပူချိန် လျော့ကျတဲ့ ကာလတွေ၊ အထူးသဖြင့် ဆောင်းရာသီနဲ့ နွေဦးပေါက်တွေမှာ ပိုအဖြစ်များပါတယ်။ နောက်ပြီး ရံဖန်ရံခါ အနေနဲ့ HMPVဟာ အချိန်တစ်ခု၊ နေရာတစ်ခုမှာ ကူးစက်မှုတွေ အုံနဲ့ကျင်းနဲ့ outbreakအသွင် ဖြစ်နိုင်ပါတယ်။

■သေပျောက်နှုန်း မြင့်သလား

ကိုယ်ခံအား အခြေအနေ နိမ့်ကျတတ်တဲ့ သက်ကြီးရွယ်အိုတွေနဲ့ ကလေးတွေမှာ ပိုပြီး သတိထားရပါတယ်။ ပြီးတော့ HMPVဟာ တခြားသော အသက်ရှူ လမ်းကြောင်းဆိုင်ရာ ရောဂါ ဗိုင်းရပ်စ်တွေနဲ့ ရောထွေးပြီး ကူးစက်တာမျိုးတွေလည်း ရှိတတ်ပါတယ်။ ရောဂါ လက္ခဏာတွေက တုပ်ကွေးဆန်တဲ့ ချောင်းဆိုးတာ၊ နှာစေးတာ၊ နှာရည်ယိုတာ၊ ဖျားနာတာတွေဖြစ်ပြီး ပြင်းထန်တဲ့ အခြေအနေမှာတော့ လေပြွန်တွေ ရောင်ရမ်းတာနဲ့ နမိုးနီးယားတို့ ဖြစ်တတ်ပါတယ်။

ကျန်းမာရေး ပြဿနာ အခံရှိသူတွေ၊ ဥပမာ နာတာရှည် ဝေဒနာသည်တွေလိုမျိုးမှာ ကူးစက်ခံရတဲ့အခါ HMPVဟာ အသက်အန္တရာယ် ခြိမ်းခြောက်မှုမျိုး ဖြစ်စေနိုင်ပါတယ်။၂၀၂၁ ခုနှစ်တုန်းက Lancet Global Health ဂျာနယ်ရဲ့ သုတေသန ထုတ်ပြန်ချက်မှာတော့ အသက်ရှူ လမ်းကြောင်း အောက်ပိုင်းမှာ ပိုးဝင်ပြီး သေဆုံးတဲ့ အသက် ၅ နှစ်အောက် ကလေးတွေရဲ့ ၁ ရာခိုင်နှုန်းဟာ HMPVကြောင့် ဖြစ်တယ်လို့ ဖော်ပြဖူးပါတယ်။ လောလောဆယ်မှာတော့ HMPVအတွက် သီးသန့် ကုသဆေး၊ ကာကွယ်ဆေး မရှိပါဘူး။ ရောဂါခံစားရသူတွေကို တုပ်ကွေးလူနာတွေနဲ့ တူညီတဲ့ နည်းလမ်းမျိုးနဲ့ပဲ စောင့်ရှောက် ကုသပေးရပါတယ်။

တရုတ်မှာ ကူးစက်မှုတွေ ဘယ်လိုရှိနေသလဲ
တရုတ်ရဲ့ ရောဂါ ထိန်းချုပ်ရေးနဲ့ တိုက်ဖျက်ရေးဌာန (CDC)က ကောက်ယူထားတဲ့ စစ်တမ်းတွေအရ ၂၀၀၉ ကနေ ၂၀၁၉ ခုနှစ်အတွင်း ဖြစ်ပွားခဲ့တဲ့ အသက်ရှူ လမ်းကြောင်းဆိုင်ရာ ရောဂါတွေမှာ HMPVကြောင့် ဖြစ်ပွားမှုက အဆင့် ၈ နေရာကနေ ရပ်တည်နေတာကို တွေ့ခဲ့ရပါတယ်။ HMPV
ကြောင့် အသက်ရှူ လမ်းကြောင်းဆိုင်ရာ ရောဂါဖြစ်ပွားမှုဟာ အဲဒီ ကာလ အပိုင်းအခြားမှာ ၄.၁ ရာခိုင်နှုန်း ရှိခဲ့ပြီး တုပ်ကွေးဗိုင်းရပ်စ်ရဲ့ ရောဂါဖြစ်ပွားနှုန်းကတော့ ၂၈.၅ ရာခိုင်နှုန်းပါ။

ဒါ​ပေမယ့် ၂၀၂၄ ခုနှစ် ဒီဇင်ဘာလ နောက်ဆုံးအပတ်မှာတော့ HMPVကြောင့် အသက်ရှူ လမ်းကြောင်းဆိုင်ရာ ရောဂါတွေ ဖြစ်ပွားသူ အရေအတွက်ဟာ တုပ်ကွေးဗိုင်းရပ်စ်နောက် ဒုတိယ အများဆုံး ဖြစ်လာပါတယ်။ တုပ်ကွေးကြောင့် အဲဒီရောဂါတွေ ဖြစ်ပွားမှုဟာ ၃၀.၂ ရာခိုင်နှုန်းဖြစ်ပြီး HMPVက ၆.၂ ရာခိုင်နှုန်း ရှိပါတယ်။ ဒါဟာ ကိုဗစ်ရောဂါ ဖြစ်ပွားစေတဲ့ ဗိုင်းရပ်စ် ကူးစက်မှုထက် ပိုများတဲ့ အတိုင်းအတာ ဖြစ်ခဲ့ပါတယ်။

■ဘယ်လို ကာကွယ်မလဲ

တစ်ကိုယ်ရည် သန့်ရှင်းမှုကို ထိန်းသိမ်းပြီး ပုံမှန်ဘဝကိုပဲ တတ်နိုင်သမျှ စိတ်လက် ကြည်ကြည်သာသာနဲ့ ဖြတ်သန်း နေထိုင်သင့်ပါတယ်။ လူထူတဲ့ နေရာတွေကို သွားရင် နှာခေါင်းစည်း ဝတ်ဆင်သွားသင့်ပါတယ်။ လက်ကို သန့်ရှင်းအောင် သေချာဆေးကြောတာ(ဆပ်ပြာနဲ့ အနည်းဆုံး စက္ကန့် ၂၀ ကြာ) ၊ ​သောက်တဲ့​ရေခွက်စားတဲ့ ပန်းကန်ပြား ​တွေကို မျှ​ဝေအသုံးပြုတာတက်နိုင်သမျှ ​ရှောင်ကြဥ်တာ ၊ တခြားသူကို နမ်းတာ​တက်နိုင်သမျှ ​ရှောင်တာ ၊ ကိုယ့်ပတ်ဝန်းကျင်ကို လေဝင်လေထွက်ကောင်းမွန်အောင် စီမံထားတာတွေ လုပ်သင့်ပါတယ်။ တုပ်ကွေးဆန်တဲ့ ရောဂါ လက္ခဏာတွေ ပြသနေတဲ့ လူနာတွေနား ချဉ်းကပ်တာ၊ လက်မဆေးဘဲ မျက်နှာကို ပွတ်သပ် ကိုင်တွယ်တာတွေကို တတ်နိုင်သမျှ ဆင်ခြင်သင့်ပါတယ်။ဒါ့အပြင် သိပ္ပံနည်းကျ ဖော်စပ်ထားတဲ့ လက်သန့်ဆေးတွေ သုံးတာ၊ ပိုးသတ်ဆေး ဖြန်းတာတွေကလည်း HMPV ကူးစက်မှုတွေကို သိသိသာသာ လျှော့ချပေးနိုင်ပါတယ်။

ကိုးကား-CDC

𝗣𝗲𝗼𝗽𝗹𝗲'𝘀 𝗦𝗽𝗿𝗶𝗻𝗴
https://www.facebook.com/becomesupporter/LuduNwayOo/
𝗬𝗼𝘂𝗧𝘂𝗯𝗲 - https://www.youtube.com/
𝗙𝗮𝗰𝗲𝗯𝗼𝗼𝗸 - https://www.facebook.com/LuduNwayOo/
𝗫 - https://x.com/LuduNwayOo
𝗪𝗲𝗯𝘀𝗶𝘁𝗲 - https://www.ludunwayoo.com/
𝗜𝗻𝘀𝘁𝗮𝗴𝗿𝗮𝗺 - https://www.instagram.com/ludunwayoo/
𝗧𝗲𝗹𝗲𝗴𝗿𝗮𝗺 - https://t.me/peoplespring
𝗖𝗼𝗺𝗺𝘂𝗻𝗶𝘁𝘆 𝗙𝗮𝗰𝘁-𝗖𝗵𝗲𝗰𝗸𝗶𝗻𝗴 – https://t.me/communityfactchecking

#လူထုနွေဦး *sSpring

03/01/2025

#နိုင်ငံတကာသတင်း
◾တရုတ်၌ကိုဗစ်နှင့်လက္ခဏာဆင်သည့် HMPV ဗိုင်းရပ်စ်ကူးစက်ပျံ့နှံ့နေ

တရုတ်နိုင်ငံ၌ COVID-19 ကူးစက်မှုနှင့်ဆင်သည့် Human metapneumovirus (HMPV) ဗိုင်းရပ်စ်တစ်မျိုးကူးစက်ပျံနှံ့မှုမှာ အဓိက စိုးရိမ်စရာအဖြစ် ပေါ်ပေါက်လာပြီးအသက်ရှူလမ်းကြောင်းဆိုင်ရာ ရောဂါများ တိုးမြင့်လာနေသည်။

ပြီးခဲ့သည့်ဒီဇင်ဘာလတွင် တရုတ်၌ ဇာစ်မြစ်မသိ​သောအဆုတ် ရောင်ရောဂါအပါအဝင် ဆောင်းရာသီဖျားနာမှုများအတွက် စောင့်ကြည့်ရေးစနစ်ကို စတင်စမ်းသပ်ခဲ့သည်။

ယင်းနောက်တွင် HMPV ရောဂါသည် အများအားဖြင့် က လေးများနှင့် သက်ကြီးရွယ်အိုများတွင် လျင်မြန်စွာ ကူးစက်ပျံ့နှံ့နေပြီး ဆေးရုံများနှင့် မီးသဂြိုဟ်နေရာများတွင် လူများပြည့်နေကြောင်း လူမှုကွန်ရက်မီဒီယာအများအပြားတွင် ဖော်ပြနေကြသည်။

အဆိုပါဖြစ်စဉ်နှင့်ပတ်သက်ပြီး HMPV ကိုကပ်ရောဂါအဖြစ်တရုတ်ကျန်းမာရေးအာဏာပိုင်များက မဖော်ပြသော်လည်းပြီးခဲ့သည့်ဒီဇင်ဘာလတွင်အမည်မသိရောဂါပိုးများကိုကိုင်တွယ်ထိန်းချုပ်ရန်လိုက်နာရမည့်စည်းမျဉ်းနှင့်လုပ်ငန်းစဥ်စနစ်တစ်ခုကိုတည်ဆောက်သွားမည်ဖြစ်ကြောင်းထုတ်ဖော်ပြောကြားခဲ့သည်။

ထို့နောက်ဓာတ်ခွဲစမ်းသပ်မှုများတင်ပြရန်နှင့် ရောဂါထိန်းချုပ်ရေးနှင့် ကာကွယ်ရေးအေဂျင်စီများအတွက် လုပ်ငန်းစဉ်တစ်ရပ်ကို ချမှတ်ဆောင်ရွက်မည်ဖြစ်ကြောင်း တရုတ်အမျိုးသားရောဂါထိန်းချုပ်ရေးနှင့် တားဆီးကာကွယ်ရေး စီမံကွပ်ကဲမှုဌာနက ပြောကြားသည်။

ပြင်းထန်အသက်ရှူလမ်းကြောင်းဆိုင်ရာရောဂါများအတွက် အချက်အလက်များမှာ ဒီဇင်ဘာ ၁၆ ရက်မှ ၂၂ ရက်အတွင်း ကူးစက်မှု တိုးမြင့်လာကြောင်း တရားဝင်ထုတ်ပြန်ချက်တွင် ဖော်ပြထားသည်။
သတင်းများနှင့် ဆိုရှယ်မီဒီယာများတွင် အဆိုပါအကျပ် အတည်းကို ဖော်ပြနေသော်လည်း တရုတ်အာဏာပိုင်များနှင့် ကမ္ဘာ့ကျန်းမာရေးအဖွဲ့ (WHO) တို့က အရေးပေါ်အခြေအနေ အဖြစ်ကြေညာခြင်းမရှိသေးပေ။

သို့သော်လည်း COVID-19 ကိုင်တွယ်ထိန်းချုပ်မှု ခေါင်းစဉ်အောက်တွင် ယင်းအခြေအနေကိုတရုတ်ကအရေးပေါ်အခြေအနေကြေညာလိုက်ပြီဖြစ်ကြောင်းဆိုရှယ်မီဒီယာပို့စ်တစ်ခုတွင် အခိုင်အမာ ဆိုထားသည်။

HMPV အပြင်တုပ်ကွေးရောဂါ A ၊ မိုင်ကိုပလာဇာအဆုတ် ရောင်ရောဂါ နှင့် COVID-19 အပါအဝင် နိုင်ငံတွင်းတွင် ဗိုင်းရပ်စ်အများအပြား လျင်မြန်စွာ ပျံ့နှံ့နေသည်ဟု သတင်းများလည်းထွက်ပေါ်နေသည်။

ထို့ပြင်တရုတ်ကလေးဆေးရုံများ၌အဆုတ်ရောင်ရောဂါနှင့် ယခု နောက်ပိုင်းကျယ်ပြန့်စွာသုံးနှုန်းလာသည့်’အဆုတ်ဖြူ’ အမည်ရှိရောဂါဖြစ်ပွားမှုများဖြင့်ဝန်ထုပ်ဝန်ပိုးဖြစ်နေကြောင်း ဆိုရှယ်မီဒီယာတစ်ခုကဖော်ပြသည်။

တရုတ်တွင် အသက်ရှူလမ်းကြောင်းဆိုင်ရာနှင့် ရာသီတုပ် ကွေးရောဂါဖြစ်ပွားမှုများအား အနီးကပ်စောင့်ကြည့်နေပြီး နိုင်ငံတကာအေဂျင်စီများနှင့် ချိတ်ဆက်ဆောင်ရွက်နေကြောင်း တရုတ်ကျန်းမာရေးဝန်ကြီးဌာနလက်အောက်ရှိ အမျိုးသားရောဂါထိန်းချုပ်ရေးဗဟိုဌာန (NCDC) မှ တာဝန်ရှိသူတစ်ဦးကပြောသည်။

HMPV သည် သာမန်အအေးမိခြင်းနှင့် ဆင်တူသော လက္ခ ဏာများ ဖြစ်စေသည့် ဗိုင်းရပ်စ်တစ်မျိုးဖြစ်ပြီး သာမန်အခြေအနေများတွင် ချောင်းဆိုးခြင်း သို့မဟုတ် အသက်ရှူကြပ်ခြင်း၊ နှာရည်ယိုခြင်း သို့မဟုတ် လည်ချောင်းနာခြင်းတို့ကို ဖြစ်စေသည်။

သို့သော်လည်း HMPV သည် ကလေးသူငယ်များနှင့် သက် ကြီးရွယ်အိုများတွင် ပြင်းထန်စွာခံစားရနိုင်ပြီး ခုခံအားစနစ် အားနည်းနေသူများတွင် ဗိုင်းရပ်စ်က ပြင်းထန်သော အဖျားရောဂါကို ဖြစ်စေနိုင်သည်။

ရောဂါ၏ပြင်းထန်မှုပေါ် မူတည်၍ ရောဂါ​အစပျိုးချိန်ကွဲပြားသော်လည်း ပုံမှန်ကာလမှာ ၃ ရက်မှ ၆ ရက်အတွင်းခံစားရနိုင်သည်။

HMPV နှင့် COVID-19 တို့သည် အလွန်ဆင်တူသော လက္ခ ဏာများရှိပြီး ဗိုင်းရပ်စ်နှစ်မျိုးစလုံးမှာ ချောင်းဆိုးခြင်း၊ ဖျားခြင်း၊ လည်ချောင်းနာခြင်းနှင့် အသက်ရှူမဝခြင်းတို့ကဲ့သို့သော အသက်ရှူလမ်းကြောင်းဆိုင်ရာ ပြဿနာများကို ဖြစ်စေသည်။

လတ်တလောတွင် HMPV ရောဂါအတွက် တိကျသော ကုသဆေးမရှိသေးသကဲ့သို့ ကာကွယ်ဆေးလည်း မထုတ်လုပ်ရသေးပေ။ ရောဂါလက္ခဏာများကို ဖြေရှင်းရန် အထွေထွေ စောင့်ရှောက်မှုများဖြင့်ကုသပေးနေသည်။

HMPV ကို Pneumoviridae အုပ်စုတွင်ပါ ၀ င်သောအသက်ရှူလမ်းကြောင်းဆိုင်ရာရောဂါRSV နှင့်အတူ ၂ဝဝ၁ ခုနှစ်တွင်စတင်ရှာဖွေတွေ့ရှိခဲ့ကြောင်းအမေရိကန် ရောဂါထိန်းချုပ်ရေးနှင့်ကာကွယ်ရေးစင်တာ (CDC) ၏အဆိုအရ သိရသည်။
သတင်း-လင်းခေတ်
ကိုးကား- TOI

15/12/2024

Norovirus အကြောင်းသိကောင်းစရာ
Norovirusဆိုတာ အစာအိမ်နဲ့အူလမ်းကြောင်းကို ရောင်ရမ်းစေပြီး အထက်လန်အောက်လျှောဖြစ်စေတဲ့ ဗိုင်းရပ်စ်ပိုးဖြစ်ပါတယ်။

Norovirus ကူးစက်ပုံ
Norovirusဟာ ကူးစက်ပုံအလွန်မြန်ဆန်ပါတယ်။ ၄င်းရဲ့ကူးစက်ပုံနည်းလမ်းတွေကတော့
-ဗိုင်းရပ်စ်ပိုးကူးစက်ခံထားရသူအား တိုက်ရိုက်ထိတွေ့ခြင်း (လူနာအားပြုစုခြင်း၊အစားအစာနှင့်ခွက်ပန်းကန်များမျှဝေသုံးစွဲခြင်း၊ရောဂါပိုးရှိသူကိုင်တွယ်ထားသောအစားအစာများအားစားသုံးခြင်း)
-ဗိုင်းရပ်စ်ပိုးပါ၀င်သော အစားအသောက်များကို စားသုံးမိခြင်း
-ဗိုင်းရပ်စ်ပိုးကပ်နေသော အရာ၀တ္ထုနှင့်မျက်နှာပြင်များကို ကိုင်တွယ်ပြီးနောက် လက်မဆေးဘဲ ပါးစပ်ထဲထည့်ခြင်းတို့ဖြစ်ပါတယ်။
သင်ဟာ ရောဂါလက္ခဏာတွေသက်သာလာပြီး ၂ပတ် (သို့) ၂ပတ်ကျော်ပြီးမှာတောင်မှ သင့်ထံကနေရောဂါပိုးကူးစက်နိုင်ပါတယ်။

Norovirusရဲ့ ရောဂါလက္ခဏာများ
များသောအားဖြင့် ဗိုင်းရပ်စ်ပိုးကူးစက်ခံရပြီး ၁၂နာရီမှ ၄၈နာရီအတွင်းရောဂါလက္ခဏာပြတတ်ပါတယ်။
အတွေ့ရတဲ့လက္ခဏာတွေကတော့
၀မ်းပျက်၀မ်းလျှောဖြစ်ခြင်း
ပျို့အန်ခြင်း
ဗိုက်အောင့်ခြင်းတို့ဖြစ်ပြီး
အခြားလက္ခဏာတွေကတော့
ဖျားခြင်း၊ခေါင်းကိုက်ခြင်းနဲ့ကိုယ်လက်ကိုက်ခဲခြင်းတို့ဖြစ်ပါတယ်။
ဒါ့အပြင် အန်တာ၊၀မ်းလျှောတာ အကြိမ်များလာတဲ့အခါ ရေဓာတ်ခန်းခြောက်တဲ့လက္ခဏာတွေတွေ့ရတတ်ပါတယ်။ ၄◌င်းတို့ကတော့
မျက်တွင်းချိုင့်၀င်ခြင်း
မျက်ရည်ခန်းခြောက်ခြင်း
အာခြောက်ခြင်း
ဆီးနည်းခြင်း
ပုံမှန်မဟုတ်ဘဲ အိပ်ချင်နေခြင်းတို့ဖြစ်ပါတယ်။

ကုသခြင်း
Norovirusအတွက် တိကျတဲ့ကုသနည်းမရှိပါဘူး။ ဗိုင်းရပ်စ်ပိုးဖြစ်တဲ့အတွက်ကြောင့် ပဋိဇီ၀ပိုးသတ်ဆေး(antibiotics) သောက်တာဟာ အကျိုးမရှိပါဘူး။ လုပ်ဆောင်နိုင်တဲ့နည်းလမ်းတွေကတော့
-အန်တာနဲ့၀မ်းပျက်၀မ်းလျှောဖြစ်တာအတွက် ဆုံးရှုံးသွားတဲ့ရေနဲ့ဓာတ်ဆားကိုပြန်လည်ဖြည့်တင်းဖို့ ဓာတ်ဆားရည်နဲ့အရည်များများသောက်ပေးပါ။
-ရေဓာတ်ခန်းခြောက်တဲ့လက္ခဏာရှိမရှိစောင့်ကြည့်ပါ။
-ရေဓာတ်ခန်းခြောက်တဲ့လက္ခဏာပြင်းထန်ခဲ့ပါက ဆေးရုံဆေးခန်းသို့ သွားရောက်ပြသပါ။

ကာကွယ်ခြင်း
-လက်ကို ဆပ်ပြာနှင့်‌ရေဖြင့်မကြာခဏဆေးပါ။
-အခွံမာငါးများကို သေချာစွာကျက်အောင်ချက်ပြုတ်ပါ။ ဟင်းသီးဟင်းရွက်နှင့်အသီးအနှံများကို ရေသေချာစွာဆေးပါ။
-ဗိုင်းရပ်စ်ပိုးကပ်နေသော မျက်နှာပြင်များကို သေချာစွာပိုးသတ်ပါ။
-အ၀တ်အစားများကိုရေပူဖြင့်လျှော်ပါ။
-ဖျားနာနေပါက လက္ခဏာသက်သာပျောက်ကင်းသည်အထိ အိမ်တွင်နေပါ။
Dr. Hazel
Ref: CDC
အထက်ပါကျန်းမာရေးနဲ့ပတ်သက်ပြီး ပိုမိုသိရှိလိုပါက 7887 ဂဏန်းလေးလုံးကို MPT / ATOM ဆင်းကဒ်များနဲ့ ခေါ် ဆိုနိုင်ပါတယ်။

12/12/2024

ရွှေမြန်မာတွေ ဟော့ပေါ့နဲ့ ပတ်သက်ပြီး အလွဲကြီး လွဲနေတဲ့ အယူအဆတခု (ကျန်းမာရေးအတွက် အရေးကြီးပါတယ်)

အရင်က ဟော့ပေါ့ဆိုင် ရီဗျူးတခုမှာ ဟော့ပေါ့စားတဲ့အခါ သတိထားသင့်တဲ့အချက်ထဲမှာ ‌ေ-သွးတိုးသမားတွေက ဟော့ပေါ့စားတဲ့အခါ ဟင်းရည်ကို အများကြီးမသောက်ဖို့ ငါသတိပေးဖူးတယ်။ ပေါက်ဖော်တွေရဲ့ ဟော့ပေါ့ယဉ်ကျေးမှုမှာကိုက သူတို့တွေက အရည်မသောက်ကြဘူး။ ဟော့ပေါ့ဟင်းရည်ကို အရသာအမျိုးမျိုး ဖန်တီးထားကြပေမယ့် အဲတာတွေက အသားတွေ ဟင်းရွက်တွေပြုတ်စားဖို့ သပ်သပ်ပဲ။

မြန်မာကလူတွေက ဟော့ပေါ့စားရင် ဟင်းရည်သောက်ကြတယ်ဆိုတာ အသားတွေအရွက်တွေပြုတ်ပြီးသား အရည်ကျနေမှ သောက်ကြတာများတယ်။ အဲတာမှလဲ အရသာရှိတာကိုး။ ဟော့ပေါ့ဟင်းရည်က စချက်ကတည်းက ဆားဓာတ် (ဆိုဒီယမ်) အနည်းနဲ့အများ ပါပြီးသား။

အဲဒါကိုမှ အသားတွေထည့်ပြုတ်လိုက်တော့ တချို့ အသားတွေ နယ်နှပ်ထားတဲ့ ဆိုဒီယမ်တွေလဲ ဟင်းရည်ထဲကျန်ရစ်ခဲ့တယ်။ အသားပြားတွေဆိုတာကလည်း စပြီး လုပ်ကတည်းက ဆိုဒီယမ် အနည်းနဲ့အများပါသေးတယ်။ အဲဒါတွေပြုတ်ရာကနေ ဆိုဒီယမ်တွေက ဟင်းရည်ထဲကျန်ခဲ့။ ဟင်းရည်ကပွက်နေတော့ ရေကလဲအနည်းနဲ့အများ ခန်းသွားတော့ ကျန်ခဲ့တဲ့ဟင်းရည်တွေက ဆိုဒီယမ်ဟင်းရည် အနေနဲ့ ကျန်ခဲ့တာ။

အဲဒီလိုဟင်းရည်တွေကို ‌ေ-သွးတိုးသမားတွေက သတိထားသောက်သင့်တယ်။ လူတချို့သတိမထားမိတဲ့ ဟော့ပေါ့ဆိုင်က ဆိုဒီယမ်ဟင်းရည် ကြောင့် ‌ေ-သွးတိုးနိုင်တယ်။ ‌ေ-သွးတိုးသမားတွေအနေနဲ့ ဆိုင်က ဟော့ပေါ့ဟင်းရည်ကိုသောက်ချင်ရင် ဟင်းရည်အရမ်းမကျခင် သောက်ထားတာမျိုးဖြစ်စေ၊ ဟင်းရည်ခမ်းနေရင် အရည်ကြည် ထပ်ဖြည့်ပြီးမှ သောက်တာမျိုးဖြစ်စေ လုပ်သင့်တယ်။ (Brownie Nyo)

#ဟော့ပေါ့
#ဟင်းရည်

07/12/2024

ဖုန်းအင်တာနက်အသုံးပြုခ တိုးမြှင့်ကောက်ခံသည့်အပြင် အကန့်အသတ်မရှိ Data Package ရောင်းချမှုများကိုပါ ရပ်တန့်

7 Dec 2024 By Maung Dagon / MPA

မိုဘိုင်းဖုန်း အော်ပရေတာများသည် အင်တာနက် အသုံးပြုခများကို 1mb လျှင် ၃ ဒဿမ ၃ကျပ်ကျော်ထိ ကောက်ခံလာပြီး ယခင်လက အထိ ဝယ်ယူနိုင်သေးသည့် အကန့်အသတ်မရှိ Data Package ရောင်းချမှုမရှိတော့ကြောင်း ပြည်သူများထံမှ စုံစမ်းသိရှိရသည်။

၂၀၂၁ခုနှစ် ဖေဖော်ဝါရီ ၁ရက် မတိုင်မီက 1mb လျှင် အမြင့်ဆုံး တစ်ကျပ်သာ ကျသင့်ခဲ့သည့် မိုဘိုင်းအင်တာနက် အသုံးပြုခများသည် ၂၀၂၄ခုနှစ်၊ နိုဝင်ဘာလထိ 1mb လျှင် ၃ကျပ် နှုန်း ရှိခဲ့ရာမှ ယခုလ၌ 1mb လျှင် ၃ဒဿမ ၃ ကျပ်ထိ ရောက်ရှိလာခဲ့ပြီး စစ်အာဏာမသိမ်းခင်ကာလကထက် သုံးဆကျော် မြင့်တက်လာခဲ့ခြင်း ဖြစ်သည်။

"အာဏာမသိမ်းခင်က တစ်ထောင်ဖိုးဆို 1G ရတယ်။ အခုက တစ်ထောင်ဖိုးဆို 300mb ပဲ ရတော့တယ်။ အရင်လကထိ 333mb ရသေးတယ်။ ဒီလမှာ 33mb ပိုလျော့သွားတယ်" ဟု အော်ရီဒူး မိုဘိုင်းဆင်းကတ် အသုံးပြုသူတစ်ဦးက ပြောသည်။

ပြီးခဲ့သည့် လေးလအတွင်း မိုဘိုင်းဖုန်း အင်တာနက် အသုံးပြုခများ ဆက်တိုက် တိုးမြှင့်ကောက်ခံလာခြင်းဖြစ်ပြီး ဇူလိုင်လက ငွေတစ်ထောင်ကျပ် အတွက် ဒေတာ 400mb ကျော် ရရှိခဲ့သော်လည်း အောက်တိုဘာလတွင် 400mb အောက်သာ ရရှိနိုင်တော့သည်ကို တွေ့ရသည်။

နိုဝင်ဘာလတွင်မူ ငွေတစ်ထောင်ကျပ်အတွက် 300mb ကျော်ရရှိရာမှ ယခု ဒီဇင်ဘာလတွင် အမြင့်ဆုံး 300mb သာ ရရှိနိုင်တော့သည်။

"တစ်ထောင်ကို 400mb လောက် ပေးသေးတယ်။ အခု ဒီလမှာ 300mb ပဲရတော့တာ။ နောက်ဆို တစ်ထောင်ဖိုး ဘာမှ ဝယ်ရတော့မယ် မထင်ဘူး" ဟု တယ်လီနော အော်ပရေတာ အသုံးပြုသူတစ်ဦးက ပြောသည်။

ထို့ပြင် ဒီဇင်လမှစတင်ကာ မိုဘိုင်းဖုန်း အော်ပရေတာများက လစဥ်နှင့် နေ့စဥ်သုံး အကန့်အသတ်မရှိ Data Package အသုံးပြုခွင့်ကို ရောင်းချမှုရပ်နားလိုက်ကြောင်း သိရသည်။

"ဟုတ်ပါတယ်။ ဆင်းကဒ်ကို လိုက်ပြီးတော့ ပရိုမိုးရှင်း ရနှုန်းတွေတော့ ကွဲသွားနိုင်ပါတယ်။ Unlimited Package တွေကတော့ မရောင်းတော့ပါဘူး" ဟု အမည်မဖော်လိုသူ အော်ရီဒူး ဝန်ထမ်းတစ်ဦးက ပြောသည်။

မည်သည့်အတွက်ကြောင့် ထိုသို့ ရပ်တန့်လိုက်ရခြင်းကိုမူ ၄င်းက မှတ်ချက်မပေးပေ။ ယင်းနေရာတွင် အကန့် အသတ်ရှိသည့် သတ်မှတ် ပမာဏသာ အသုံးပြုခွင့်ပေးသော Data Package များကို အစားထိုးလာခဲ့ကြောင်း သိရသည်။

"အရင်လက တစ်သောင်းခွဲနဲ့ တယ်လီဂရမ် ယူကျု Unlimited Package တွေ ဝယ်လို့ရသေးတယ်။ ကြိုက်တာသုံး ဒေတာက 15 G ရတယ်။ အခုမရတော့ဘူး။ စျေးက နှစ်သောင်းခွဲဖြစ်သွားတယ်။ Unlimited မပါတော့ဘူး " ဟု တယ်လီနော်အော်ပရေတာ အသုံးပြုသူ အမျိုးသမီးတစ်ဦးက ပြောသည်။

ထိုသို့ စျေးတက်လာရာတွင် မိုဘိုင်းဖုန်း အော်ပရေတာများသည် အမြင်လှသော်လည်း အသုံးမဝင်သည့် ပြန်အမ်းငွေများကို ထည့်သွင်းပေးခြင်းများဖြင့် အသုံးပြုသူများကို နှစ်သိမ့်ထားသည်ဟု သိရသည်။

"Cash back ပြန်ပေးတယ် ဖုန်းပြောဖို့နဲ့ စာတိုပို့ဖို့ပဲ ပါတယ်။ ပြီးတော့ သုံးရက်အတွင်း သုံးရမယ်။ လစဥ်သုံး Packageက အကုန်ပါပြီးသားလေ၊ သုံးရက်အတွင်း အဲ့ဒီ cash back ပေးတဲ့ဟာကို ဘယ်လိုမှ မဖြတ်ဘူး။ အပိုတွေ အလကားတွေ ပြည်သူကို အနိုင်ကျင့်နေတာ" ဟု ရန်ကုန်မြို့ခံ လူငယ်တစ်ဦးက ဝေဖန်သည်။

စစ်အာဏာသိမ်းပြီးနောက် ၂၀၂၁ခုနှစ်၊ ဇူလိုင်လတွင် နော်ဝေအခြေစိုက် တယ်လီနော် ကုမ္ပဏီက လူ့အခွင့်အရေး စံနှုန်းများ၊ မြန်မာနိုင်ငံ ဥပဒေနှင့် ဥရောပ ဥပဒေများ ကွဲလွဲမှု စသည်အချက်များဖြင့် ၎င်းတို့၏ လုပ်ငန်းများကို ရောင်းချ ရုပ်သိမ်းသွားခဲ့သည်။

ထို့နောက် စစ်ကောင်စီနှင့် နီးစပ်သည့် ရွှေဗျိုင်းဖြူ ကုမ္ပဏီက တယ်လီနောကုမ္ပဏီကိုဝယ်ယူခဲ့ပြီး အက်တမ်ဟု ပြောင်းလဲခဲ့ကာ ရှယ်ယာ ၈၀ ရာခိုင်နှုန်း ပိုင်ဆိုင်ထားကြောင်း သိရသည်။

အလားတူ အော်ရီဒူး ကုမ္ပဏီသည် မြန်မာလူမျိုးတစ်ဦး ဖက်စပ်ပိုင်သည့် စင်္ကာပူအခြေစိုက် Nine Communications ကုမ္ပဏီထံသို့ ၂၀၂၂ခုနှစ်တွင် ရောင်းချသွားခဲ့သည်။

လက်ရှိတွင် စစ်ကောင်စီသည် ၄င်းတို့ ပိုင် မိုင်တဲလ် အော်ပရေတာနှင့် MPT အော်ပရေတာတို့အပါအဝင် အက်တမ်နှင့် အော်ရီဒူး အော်ပရေတာတို့ကိုပါ ၄င်းတို့ ညွှန်ကြားထိန်းချုပ်သည့် စည်းကမ်းများအတိုင်း လိုက်နာဆောင်ရွက်ရန် ထိန်းချုပ်လုပ်ဆောင်လျက် ရှိသည်ဟု သိရသည်။

သတင်းအပြည့်အစုံဖတ်ရန် >>>> https://shorturl.at/onEmZ
Telegram Link - https://t.me/MPANews
Twitter Link - https://twitter.com/mmpressphoto
MPA English Website - https://mpapress.com/en

Photo - MPA

စာတည်း - ကိုဆန်း
#မိုဘိုင်းဖုန်း #အော်ပရေတာ #အင်တာနက်