27/09/2026
"අපි නොදැනුවත්වම සිද්ධ වෙන ඒ අන්තිම හමුවීම..." 🖤✨
ඔබට කවදාහරි හිතිලා තියෙනවද, අපි අපේ ජීවිතේදී යම් යම් අයට කියන "ආයෙත් හමුවෙමු" එහෙම නැත්නම් "බායි" කියන වචනය පිටුපස කොච්චර ලොකු අවදානමක් තියෙනවද කියලා?
අපේ මානසික විද්‍යාවේ සහ සමාජ විද්‍යාවේ ලස්සන නමුත් හිතට තදින්ම දැනෙන සංකල්පයක් තියෙනවා "Last Meeting Theory" (අවසාන හමුවීමේ න්‍යාය) කියලා.
සරලවම කිව්වොත් මේ තියරි එකෙන් කියන්නේ, "අපි යම් පුද්ගලයෙක්, ස්ථානයක් හෝ දෙයක් අවසන් වරට දකින හෝ හමුවන අවස්ථාව බොහෝ විට අපිට නොදැනීම සිද්ධ වෙනවා" කියන එක.
ඉස්කෝලේ අන්තිම දවසේ යාළුවෝ එක්ක බෙල් එක වදිනකල් සෙල්ලම් කරපු දවස...
පරණ ජොබ් එකේ යාළුවෝ එක්ක එකට ඉඳලා හිනාවෙලා තේ බීපු අන්තිම හවස...
ගමේ ගෙදරින් එද්දී මහගෙදර සාලේ ඉඳන් අතවනපු අම්මා හෝ තාත්තා...
ඒ කිසිම වෙලාවක අපිට හිතුණේ නෑ නේද "මේක තමයි එයාලව මේ විදිහට දකින අන්තිම වතාව" කියලා? ඒක අන්තිම වතාව කියලා අපිට තේරෙන්නේ කාලෙකට පස්සේ ආපහු හැරී බලද්දී විතරයි.
ජීවිතේ කියන්නේ හරිම අස්ථිර තැනක්. කාලය, දුරස්ථබව, රක්ෂාව, වෙනස්වන මාර්ග, නැත්නම් මරණය... මේ ඕනෑම දේකින් අපිව නොිතාම වෙන් කරන්න පුළුවන්.
ඉතින් මේ තියරි එක අපිට දෙන ලොකුම පාඩම තමයි, "වර්තමාන මොහොත අගය කිරීම".
අද ඔබ හමුවෙන, කතා කරන, ලඟින් ඉන්න හැම කෙනෙක්ම ඔබට ලැබුණු විශේෂම තෑග්ගක් විදිහට සලකන්න. පුළුවන් හැම වෙලාවෙම ආදරෙන් ඉන්න, තරහ අමතක කරන්න, වැළඳගන්න, හිත පුරා හිනාවෙන්න. මොකද, අද ඔබ ගතකරන මේ මොහොත සමහරවිට ඒ විදිහට ගතකරන අවසාන මොහොත වෙන්නත් පුළුවන්...
