អច្ឆរា-Achara

10/12/2020

Short Animation!
រំលឹកអនុស្សាវរីយ៍កាលទៅខេត្តសៀមរាប!
រក្សាសុវត្ថិភាព ចៀសពីមេរោគកូវីដ១៩

15/08/2020

អរគុណសម្រាប់ការគាំទ្រ🙏ស្នាដៃរៀបចំស្លាកបដា ដែលរៀបចំ និងរចនាដោយដៃផ្ទាល់របស់ក្រុមអច្ឆរា 🥰 ។

12/08/2020

Our new products coming soon!! 🥰

Credit: Achara

08/04/2020

រក្សាអនាម័យដៃរបស់អ្នក👐 ដើម្បីចូលរួមទប់ស្កាត់ការរីករាលដាលជំងឺកូវីដ១៩ 😊
ដើម្បីខ្លួនអ្នក និងក្រុមគ្រួសារមានសុវត្ថិភាព👨‍👩‍👧‍👦💗

01/04/2020

ព្រះបដិមាសីសៈចំនួន២ត្រូវបានលើកចេញពីប្រឡាយទឹកនៅខ្លោងទ្វារខ្មោច

ព្រះបដិមាសីសៈចំនួន២ មានទេវតាចំនួន១ អសុរា(យក្ស)ចំនួន១ ដែលជាចម្លាក់ទាញព្រ័ត្រនៅខ្លោងទ្វារខ្មោច ត្រូវបានក្រុមការងារចុះបញ្ជីសារពើភណ្ឌវត្ថុសិល្បៈ និងនគរបាលបេតិកភណ្ឌ ព្រមទាំងភ្នាក់ងារទេសចរណ៍នៃអាជ្ញាធរជាតិអប្សរា នាំគ្នាស្រង់យកចេញពីប្រឡាយទឹកនៅខាងកើតខ្លោងទ្វារខ្មោច នាព្រឹកថ្ងៃទី០១ ខែមេសា ឆ្នាំ២០២០។

លោក ឈូក សុម៉ាឡា មន្ត្រីជំនាញចុះបញ្ជីសារពើភណ្ឌវត្ថុសិល្បៈនៃនាយកដ្ឋានអភិរក្សប្រាសាទក្នុងឧទ្យានអង្គរនិងបុរាណវិទ្យាបង្ការ ឱ្យដឹងថា លក្ខណៈនៃព្រះបដិមាសីសៈទេវតាដែលបានប្រទះឃើញមាន៤បំណែក គឺព្រះសីសៈទាំងមូលដាច់ត្រឹមមាត់ ហើយខូចខាតផ្នួងសក់ បំណែកច្រមុះរបេះពីខ្ទង់ និងបំណែកទងត្រចៀកឆ្វេងស្តាំ។ ចំណែកអសុរាវិញមានតែផ្នែកខាងក្រោយជាមួយក្បាច់លម្អសក់ និងពុំមានព្រះភក្ត្រទេ។

ការប្រទះឃើញព្រះបដិមាសីសៈទាំង២នៅក្នុងប្រឡាយទឹក មិនមែនជារឿងចៃដន្យនោះទេ បើតាមការបញ្ជាក់របស់លោក សុម៉ាឡា ព្រោះវាបណ្តាលមកពីរចនាសម្ពន្ធទូទៅនៃសំណង់ចម្លាក់ទាញព្រ័ត្រនោះបានខូចខាតដោយសារអាយុកាលនៃសំណង់ កត្តាធម្មជាតិ និងសង្គ្រាម ទើបធ្វើឱ្យចម្លាក់ទាំងនោះធ្លាក់ចូលក្នុងទឹក ខ្លះកប់ក្នុងដី ខ្លះនៅលើដីជាច្រើនទៀត។

ក្រោយធ្វើការប្រគល់ទទួលហើយ ព្រះបដិមាសីសៈទាំង២នេះ ត្រូវបានប្រគល់ជូនអាជ្ញាធរជាតិអប្សរាយកទៅរក្សាទុកជាបណ្តោះអាសន្ន ដើម្បីចុះបញ្ជីសារពើភណ្ឌវត្ថុសិល្បៈ ហើយនឹងធ្វើការជួសជុល មុននឹងប្រគល់ទៅរក្សាទុកនៅសារមន្ទីរ៕

អត្ថបទ៖ កញ្ញា ហ៊ីង ស្រីរ័ត្ន
រូបភាព៖ លោក យី សុថា/ លោកស្រី អ៊ីសារ៉ ហ៊ីណី

23/03/2020

មួយថ្ងៃ មួយតួអក្សរបុរាណ...................................

ក្នុងទូរូបភាពនេះ យើងចែករំលែកអំពីអក្សរក្រមខ្មែរសម័យមុនអង្គរឬបុរេអង្គរចាប់ពីស.វ.ទី៦ដល់ស.វ.ទី៨។ អក្សរទាំងនេះ ពួកយើងដកយកពីផ្ទាំងសំណៅផ្ដិតសិលាចារឹកពិតៗដោយពុំមានកែបន្លំអ្វីឡើយ។ សូមអភ័យទោសផងដែរ ដែលពួកយើងខ្ញុំពុំបានរៀបតាមលំដាប់នៃកាលបរិច្ឆេទ។

អក្សរដែលខ្មែរប្រើនៅសម័យនោះមានទម្រង់និងរូបរាងដូចគ្នាច្រើនបំផុតនឹងអក្សរព្រាហ្មីសម័យបល្លវៈនិងចាលុក្យនៅប្រទេសឥណ្ឌា។ រដ្ឋអាស៊ីអាគ្នេយ៍បុរាណនាស.វ.ទី១ដល់ទី៨ ពុំមានប្រព័ន្ធអក្សរកត់ត្រាដោយខ្លួួនឯងទេ រាប់ទាំងខ្មែរយើងផងដែរ។ បើអ្នកចេះមើលតួអក្សរខ្មែរបុរាណ អ្នកក៏អាចមើលអក្សរកត់ត្រាភាសានានានៅអាស៊ីអាគ្នេួយ៍បុរាណផងដែរ។ ប្រសិនបើអ្នកចេះភាសាសំស្ក្រឹតទៀតនោះ រាល់សិលាចារឹកបុរាណដែលចារនៅចាម្ប៉ានិងជ្វាជាដើម អ្នកនឹងអានយល់អត្ថន័យជាពុំខាន។

សង្ឃឹមថាការចែករំលែកព័ត៌មានពិតដែលដកស្រង់ពីសិលាចារឹកផ្ទាល់នេះ នឹងបានជាចំណេះដឹងខ្លះៗដល់ប្រជាជនខ្មែរទាក់ទងនឹងអក្សរបុរាណខ្មែរ។ ពួកយើងក៏សង្ឃឹមថា ការណ៍នេះនឹងអាចលុបបំបាត់ការបំភាន់មួយចំនួនដោយក្រុមអ្នកមិនស្គាល់សិលាចារឹកជាក់ជាមិនខាន។
.......................
សូមកម្សាន្ដនឹងចំណេះដឹងដោយរីករាយ

#ខ្មែរបុរាណ #សិលាចារឹក #អក្សរ #ព្យញ្ជនៈ #ស្រៈ

07/03/2020

Meaningful 😍
Sharing Culture!

15/02/2020

10/12/2019