22/07/2024
أسعد الله أوقاتكم بكل خير متابعيني الأعزاء وزبائني الكرام الأفاضل.
الجميع يعلم بأن مشروعي هو بيع سلع غذائية مصدرها الأساسي حليب الأغنام🥰 ومن المؤكد أن هذه السلع والمنتجات الغذائية لها طريقة تخزين لا تخفاكم أكيد ويلزمها بالأكيد تبريد كونه الأساس لهذه المنتجات الحليب.
ونعلم بأن الحليب ومنتجاته من ألبان وأجبان تحفظ مبردة. فما بالكم بحرارة العقبة وارتفاع درجاتها.
لذلك أود التنويه نحن في الأيام القادمة لسنا مسؤولين عن سوء التخزين.
اشتري المنتج وجربه عجبك صحة وألف هنا وحياك الله.
ما عجبك شفت عليه أي انتقاد أو عندك أي ملاحظة حياكم الله الك تكون رضيان برجع ببدل بعوض .
أما تيجي بعد شهر أو شهرين أو خمس شهور تحكي فسدت ..خربت ..كانت كويسة وبجنن وبعد هيك خربت.
وتكون هاي الملاحظة فقط من زبون واحد من أصل محافظة كاملة فأنا بعوضك كرم مني والعوض من ربنا .
لكن بعد هاد المنشور حابة اقلكم تعليمات التخزين.
1- جميد طري بداية الموسم يحفظ بالفريزر فقط.
2- جميد ناشف يحفظ بالفريزر أو الثلاجة وإذا بالثلاجة تبديل الكيس كل فترة لتجنب تكون رطوبة من ضغط الكيس المربوط أو تفقده وقلبه كل فترة واعمل تهوية بالكيس اذا ضامن ما يوصله شي.
3-السمن يفضل بالثلاجة ولا ضرر خارجها.
4-الجبنة يمنع منعا باتا تغيير المياه الأصلية .يمنع لمس الجبنة باليد إما استخدام قلفز أو شوكة أو ملقط . اغلاق العبوة بأحكام وعدم تعرضها للهواء.الاحتفاظ بها بالثلاجة ويفضل تفريغها بعبوة زجاج.
5- الزبدة تحفظ بالثلاجة.
6-اللبنة الجامدة يجب وضع ملح وعجنها وتكويرها وغمرها بزيت الزيتون ويفضل خلط زيت الزيتون بقليل من زيت القلي.
7-الشنينة بتتوفر كل فترة وحسب طلب الأغلبية بالنسبة للكثافة عنا نوعين ثقيل وأخف وبكل الأحوال طيب وبنفس السعر. وأغلب الأوقات بنجيب الثقيل.بنفضله أكثر.
8- حليب وغبيب ما ببيع ولا بجيبهم .
9- بالنسبة للسلع اللي بضمنها اللي بتوخذوها مني شخصياً ، تحكيلي اخذت من المحل الفلاني أو أبصر مين ما بضمنلك حدا يبيعك سلعة على اسمي وصارت وبتصير.لذلك انا موجودة دائما وبضمنلك جودة المنتج وبكفلك ياه.
10- بحكي كل هاد مشانكم ولأجلكم ولمصلحتكم .أنا يهمني رضاكم ودعوة بظهر الغيب وشهادة حق .بارك الله لي ولكم ووفقنا الله لما يحب ويرضى.
وشكرا الكم ولثقتكم فيكم نفخر ونكبر
