https://www.facebook.com/574422162672086/

Kumily News, Kumily (2026)

12/05/2026

സർക്കാർ ജീവനക്കാരെ വിശ്വാസത്തിലെടുത്ത് മുന്നോട്ട് പോകും.: അഡ്വ. ഡീൻ കുര്യാക്കോസ് MP

സർക്കാർ ജീവനക്കാരെ വിശ്വാസത്തിൽ എടുത്ത് യുഡിഎഫ് സർക്കാർ മുന്നോട്ടുപോകുമെന്ന് അഡ്വ. ഡീൻ കുര്യാക്കോസ് MP അഭിപ്രായപ്പെട്ടു. കേരള എൻ.ജി.ഒ അസോസിയേഷന്റെ 51-ാം ഇടുക്കി ജില്ലാ സമ്മേളനം കട്ടപ്പനയിൽ ഉദ്ഘാടനം ചെയ്യുകയായിരുന്നു അദ്ദേഹം. ഇടതുപക്ഷ ജനാധിപത്യമുന്നണി ഗവൺമെൻ്റ് കഴിഞ്ഞ 10 വർഷക്കാലമായി തടഞ്ഞുവെച്ച ജീവനക്കാരുടെ മുഴുവൻ അവകാശങ്ങളും ആനുകൂല്യങ്ങളും തിരിച്ചു കൊടുക്കുവാൻ പ്രതിജ്ഞാബദ്ധമാണ് യു.ഡി.എഫ് ഗവൺമെൻ്റ് എന്നും അദ്ദേഹം കൂട്ടിച്ചേർത്തു. എൻ.ജി.ഒ അസോസിയേഷൻ ജില്ലാ പ്രസിഡൻ്റ് ഷിഹാബ് പരീത് അധ്യക്ഷത വഹിച്ച സമ്മേളനത്തിൽ ഇടുക്കി MLA ശ്രീ റോയി കെ പൗലോസ് മുഖ്യപ്രഭാഷണം നടത്തി. ഇടുക്കി ഡി.സി.സി പ്രസിഡൻ്റ് സി.പി. മാത്യു സമ്മേളനത്തിൽ മുഖ്യ അതിഥിയായി പങ്കെടുത്തു. ഉടുമ്പൻചോല എംഎൽഎ അഡ്വ. സേനാപതി വേണു, എ.ഐ.സി.സി അംഗം അഡ്വ.ഇ എം ആഗസ്തി എക്സ് എംഎൽഎ,കട്ടപ്പന നഗരസഭാ ചെയർമാൻ ശ്രീ ജോയി വെട്ടിക്കുഴി, കെപിസിസി സെക്രട്ടറി തോമസ് രാജൻ ,കർഷക കോൺഗ്രസ് സംസ്ഥാന സെക്രട്ടറി ജോസ് മുത്തനാട് ,ഡി സി.സി വൈസ് പ്രസിഡൻ്റ് മുകേഷ് മോഹൻ ബ്ലോക്ക് കോൺഗ്രസ് പ്രസിഡൻ്റ് തോമസ് മൈക്കിൾ, ഇടുക്കി ബ്ലോക്ക് പഞ്ചായത്ത് വൈസ് പ്രസിഡൻ്റ് എ.പി. ഉസ്മാൻ, ജില്ലാ പഞ്ചായത്ത് കമ്മിറ്റി സ്റ്റാൻ്റിംഗ് കമ്മിറ്റി ചെയർമാൻ ഫ്രാൻസിസ് അറക്കപ്പറമ്പിൽ, ജില്ലാ പഞ്ചായത്ത് അംഗം ടോണി തോമസ് കെ.ജി.ഒ.യു ജില്ലാ സെക്രട്ടറി രാജേഷ് ബേബി, അഡ്വ കെ.ജെ. ബെന്നി, സിജു ചക്കുംമുട്ടിൽ
എന്നിവർ പ്രസംഗിച്ചു.സമ്മേളനത്തോടനുബന്ധിച്ച് നടന്ന പ്രതിനിധി സമ്മേളനം സംസ്ഥാന പ്രസിഡണ്ട് ശ്രീ എ.എം ജാഫർ ഖാൻ ഉദ്ഘാടനം ചെയ്തു.പിണറായി ഭരണത്തിൽ കഷ്ടത അനുഭവിച്ച ജീവനക്കാർക്ക് പരിഗണന നൽകുവാൻ സംഘടന പ്രതിജ്ഞാബദ്ധമാണെന്ന് സംസ്ഥാന പ്രസിഡൻ്റ് പറഞ്ഞു. സംഘടനാ ചർച്ച സംസ്ഥാന ജനറൽ സെക്രട്ടറി എപി സുനിൽ ഉദ്ഘാടനം ചെയ്തു.സംസ്ഥാന സെക്രട്ടറിമാരായ ടിവി ജോമോൻ, എസ്.ഷാജി അനിൽ ബാബു എന്നിവർ പ്രതിനിധി സമ്മേളനത്തിൽ പങ്കെടുത്ത് സംസാരിച്ചു. ജില്ലാ സെക്രട്ടറി സി എസ് ഷമീർ സ്വാഗതം ആശംസിച്ച സമ്മേളനത്തിന് ജില്ലാ ട്രഷറർ സാജു മാത്യു കൃതഞ്ജത രേഖപ്പെടുത്തി. നേതാക്കളായ ഷാജി ദേവസ്യ, ടോണി വർഗ്ഗീസ്, സി.എം രാധാകൃഷ്ണൻ, സഞ്ജയ് കബീർ, പി കെ യൂനുസ്, കെ.സി ബിനോയ്, എം.എ ആന്റണി, വിൻസെൻ്റ് തോമസ്, പി കെ ഹരിദാസ്, ഒ. എം ഫൈസൽ ഖാൻ, യു എം ഷാജി, ബിനീഷ് തോമസ്, പീറ്റർ കെ എബ്രഹാം, ഗിരിഷ് പി. ആർ, ദീപു പി.യു, ബിജു കെ.ബി ജെയിസൻ. സി ജോൺ, മിലൻദാസ്എന്നിവർ സമ്മേളനത്തിൽ പങ്കെടുത്തു സംസാരിച്ചു ...

12/05/2026

കുമളി ഗ്രാമപഞ്ചായത്തിൽ നാളെ 'മെഗാ ക്ലീനിംഗ്'; ആനവച്ചാലിൽ തുടക്കമാകും

കുമളി: മഴക്കാലത്തിന് മുന്നോടിയായി നാടിനെ പകർച്ചവ്യാധി മുക്തമാക്കുക എന്ന ലക്ഷ്യത്തോടെ കുമളി ഗ്രാമപഞ്ചായത്തിന്റെ നേതൃത്വത്തിൽ നാളെ (മെയ് 13) 'മെഗാ ക്ലീനിംഗ്' ഡ്രൈവ് സംഘടിപ്പിക്കുന്നു. പഞ്ചായത്തിലെ 22 വാർഡുകളിലും ഒരേസമയം ശുചീകരണ പ്രവർത്തനങ്ങൾ നടക്കും.

നാളെ രാവിലെ 10 മണിക്ക് ആനവച്ചാൽ എലിഫന്റ് ജംഗ്ഷന് സമീപം നടക്കുന്ന ചടങ്ങിൽ ഗ്രാമപഞ്ചായത്ത് പ്രസിഡന്റ് എം.എം വർഗീസ് ശുചീകരണ പ്രവർത്തനങ്ങളുടെ ഉദ്ഘാടനം നിർവഹിക്കും. മെയ് എട്ടിന് ചേർന്ന സ്റ്റിയറിംഗ് കമ്മിറ്റി തീരുമാനപ്രകാരമാണ് വിപുലമായ ഈ ശുചീകരണ പദ്ധതി ആവിഷ്കരിച്ചിരിക്കുന്നത്.

മഴക്കാല പൂർവ്വ ശുചീകരണത്തിന്റെ ഭാഗമായി എല്ലാ വാർഡുകളിലെയും പൊതുസ്ഥലങ്ങൾ, ഓടകൾ, മറ്റ് മാലിന്യ നിക്ഷേപ കേന്ദ്രങ്ങൾ എന്നിവ കേന്ദ്രീകരിച്ചായിരിക്കും പ്രവർത്തനം. നാടിന്റെ ശുചിത്വത്തിനായി പൊതുജനങ്ങളും സന്നദ്ധ പ്രവർത്തകരും തങ്ങളുടെ തിരക്കുകൾ മാറ്റിവെച്ച് ഈ ശുചീകരണ യജ്ഞത്തിൽ പങ്കാളികളാകണമെന്ന് പഞ്ചായത്ത് പ്രസിഡന്റ് അഭ്യർത്ഥിച്ചു.

12/05/2026

കുമളിയിൽ ആവേശമായി വ്യാപാരി വ്യവസായി ഏകോപന സമിതി 'കുടുംബമേള 2026'

കുമളി: വ്യാപാരികളുടെയും കുടുംബാംഗങ്ങളുടെയും വൻപങ്കാളിത്തം കൊണ്ട് കുമളി 'കുടുംബമേള 2026' ശ്രദ്ധേയമായി. കേരള വ്യാപാരി വ്യവസായി ഏകോപന സമിതി കുമളി യൂണിറ്റിന്റെ ആഭിമുഖ്യത്തിൽ തിങ്കളാഴ്ച ഉച്ചയ്ക്ക് ഹോളിഡേ ഹോമിൽ വെച്ചാണ് സംഗമം നടന്നത്. വ്യാപാരികൾക്കിടയിലെ ഐക്യവും സൗഹൃദവും ഊട്ടിയുറപ്പിക്കുന്ന വേദിയായി കുടുംബമേള മാറി.വൈകുന്നേരം 7 മണിക്ക് നടന്ന ഔദ്യോഗിക ഉദ്ഘാടന ചടങ്ങിൽ കെ.വി.വി.എസ്. ഇടുക്കി ജില്ലാ പ്രസിഡന്റ് സണ്ണി പൈമ്പിള്ളിൽ മേള ഉദ്ഘാടനം ചെയ്തു. വ്യാപാര മേഖല നേരിടുന്ന കടുത്ത വെല്ലുവിളികളെ അതിജീവിക്കാൻ ഇത്തരം ഒത്തുചേരലുകൾ വലിയ ഊർജ്ജം നൽകുമെന്ന് അദ്ദേഹം അഭിപ്രായപ്പെട്ടു. യൂണിറ്റ് പ്രസിഡന്റ് മജോ കാരിമുട്ടം ചടങ്ങിൽ അധ്യക്ഷത വഹിച്ചു.ഇന്ത്യയിലെ ഏറ്റവും പ്രായം കുറഞ്ഞ മുനിസിപ്പൽ ചെയർപേഴ്സൺ ദിയ പുളിക്കണ്ടം ചടങ്ങിൽ മുഖ്യാതിഥിയായിരുന്നു. പീരുമേട് എം.എൽ.എ. സിറിയക് തോമസിന് കുമളി യൂണിറ്റിന്റെ നേതൃത്വത്തിൽ ചടങ്ങിൽ ഉജ്ജ്വല സ്വീകരണം നൽകി. ജില്ലാ ജനറൽ സെക്രട്ടറി നജീബ് ഇലന്തൂപ്പറമ്പിൽ മുഖ്യപ്രഭാഷണം നടത്തി.ഉച്ചയ്ക്ക് 2 മണിക്ക് വിവിധ കലാ-കായിക പരിപാടികളോടെയാണ് മേള ആരംഭിച്ചത്. വ്യാപാരികളുടെ മക്കൾ അവതരിപ്പിച്ച കലാപരിപാടികൾ ചടങ്ങിന് മാറ്റുകൂട്ടി. വൈസ് പ്രസിഡന്റ് ഷിബു എം തോമസ്, ജോയി മേക്കുന്നേൽ, ആൻസി ജയിസ്, സനുപ് സ്കറിയ, കുസമം ജോസഫ് തുടങ്ങിയവരും വിവിധ സബ് കമ്മിറ്റി അംഗങ്ങളും സംബന്ധിച്ചു. സ്നേഹവിരുന്നോടെ രാത്രി വൈകിയാണ് മേള സമാപിച്ചത്.

05/05/2026

വാണിജ്യ ഗ്യാസ് വിലവർധന: കുമളിയിൽ നാളെ കെ.വി.വി.എസ് യൂത്ത് വിംഗിന്റെ പ്രതിഷേധ സദസ്സ്

കുമളി: വാണിജ്യ ഗ്യാസ് സിലിണ്ടറുകളുടെ അനിയന്ത്രിതമായ വിലവർധനവിലും ഗ്യാസ് ക്ഷാമത്തിലും പ്രതിഷേധിച്ച് കേരള വ്യാപാരി വ്യവസായി ഏകോപന സമിതി (കെ.വി.വി.എസ്) യൂത്ത് വിംഗ് കുമളി യൂണിറ്റ് കമ്മിറ്റിയുടെ നേതൃത്വത്തിൽ നാളെ (ബുധനാഴ്ച) പ്രതിഷേധ സദസ്സ് സംഘടിപ്പിക്കുന്നു. രാവിലെ 10 മണിക്ക് കുമളി പോസ്റ്റ് ഓഫീസിനു മുൻപിലാണ് പ്രതിഷേധം നടക്കുക.സംസ്ഥാനത്തെ ഹോട്ടൽ, ബേക്കറി, കാറ്ററിംഗ് തുടങ്ങിയ അനുബന്ധ മേഖലകളിലെ സ്ഥാപനങ്ങളെയും അവിടെ പണിയെടുക്കുന്ന ലക്ഷക്കണക്കിന് തൊഴിലാളികളെയും പ്രതിസന്ധിയിലാക്കുന്ന
കേന്ദ്ര സർക്കാർ നയങ്ങൾക്കെതിരെയാണ് സമരം. യൂത്ത് വിംഗ് സംസ്ഥാന കമ്മിറ്റിയുടെ ആഭിമുഖ്യത്തിൽ നടത്തുന്ന പ്രതിഷേധത്തിന്റെ ഭാഗമായാണ് കുമളിയിലും പ്രതിഷേധം സംഘടിപ്പിക്കുന്നത്.യൂത്ത് വിംഗ് കുമളി യൂണിറ്റ് പ്രസിഡന്റ് സനൂപ് സ്കറിയ അധ്യക്ഷത വഹിക്കുന്ന പ്രതിഷേധ യോഗം കെ.വി.വി.എസ് കുമളി യൂണിറ്റ് പ്രസിഡന്റ് മജോ കാര്യമുട്ടം ഉദ്ഘാടനം ചെയ്യും.
വ്യാപാരി വ്യവസായി ഏകോപന സമിതി ജില്ലാ വൈസ് പ്രസിഡന്റ് ഷിബു എം. തോമസ് മുഖ്യപ്രഭാഷണം നടത്തും. നിയോജകമണ്ഡലം ജനറൽ സെക്രട്ടറി പി. എൻ. രാജു, നേതാക്കളായ ജോയി മേക്കുന്നേൽ, വി. കെ. ദിവാകരൻ, ഫിറോസ് ഖാൻ, ശ്രീമതി ആൻസി ജെയിംസ്, പ്രശാന്ത് കെ. എസ്, സുധീർ പന്തളം തുടങ്ങിയവർ പ്രതിഷേധത്തിന് നേതൃത്വം നൽകും.

29/04/2026

കുമിളിയിൽ സൗജന്യ മെഡിക്കൽ ക്യാമ്പ് മെയ് 3-ന് ഹൃദയ-ശ്വാസകോശ രോഗനിർണ്ണയത്തിന് മുൻഗണന

കുമിളി:ഹൃദയത്തിന്റെയും ശ്വാസകോശത്തിന്റെയും ആരോഗ്യം ലക്ഷ്യമിട്ട് കുമിളിയിൽ സൗജന്യ മെഡിക്കൽ ക്യാമ്പ് സംഘടിപ്പിക്കുന്നു. കാരിത്താസ് ഹോസ്പിറ്റലിന്റെ സഹകരണത്തോടെ കേരള വ്യാപാരി വ്യവസായി ഏകോപന സമിതി യൂത്ത് വിംഗ് കുമളി യൂണിറ്റ് കമ്മിറ്റിയുടെ നേതൃത്വത്തിൽ കുമളി ഓൺലൈൻ, അണക്കര അമ്മയ്ക്കൊരുമ്മ കൂട്ടായ്മ്മ, അമൃതനൃത്ത കലാഭവൻ,കുമളി സഹ്യജ്യോതി കോളേജ് എന്നി സംഘടനകളുടെ സഹകരണത്തോടെ കുമളി
കെയർ & ക്യുർ' (Care & Cure) ഹോസ്പിറ്റലാണ് ഈ ബൃഹത്തായ ക്യാമ്പ് സംഘടിപ്പിക്കുന്നത്.

ക്യാമ്പ് വിവരങ്ങൾ:

തീയതി: 2026 മെയ് 3, ഞായറാഴ്ച.
സമയം: രാവിലെ 11 മണി മുതൽ ഉച്ചകഴിഞ്ഞ് 3 മണി വരെ.

സ്ഥലം: കുമിളി സഹ്യജ്യോതി ആർട്സ് & സയൻസ് കോളേജ്.

പ്രധാന സേവനങ്ങൾ:

ക്യാമ്പിൽ പങ്കെടുക്കുന്നവർക്ക് വിദഗ്ധ ഡോക്ടർമാരുടെ സേവനത്തോടൊപ്പം താഴെ പറയുന്ന സൗകര്യങ്ങളും ലഭ്യമാണ്: സൗജന്യ ഇ.സി.ജി (ECG): ക്യാമ്പിലെത്തുന്ന എല്ലാവർക്കും.
സൗജന്യ രക്തപരിശോധന: ബ്ലഡ് ഷുഗർ നില പരിശോധിക്കാനുള്ള സൗകര്യം.
സൗജന്യ മരുന്നുകൾ: സ്റ്റോക്ക് അനുസരിച്ച് ലഭ്യമാക്കും.
ഡിസ്കൗണ്ട് നിരക്കുകൾ: എക്കോ (ECHO), മറ്റ് ബ്ലഡ് സ്ക്രീനിംഗുകൾ എന്നിവയ്ക്ക് പ്രത്യേക ഇളവുകൾ ലഭിക്കും. സി.പി.ആർ (CPR) പരിശീലനം:
അടിയന്തര സാഹചര്യങ്ങളിൽ ജീവൻ രക്ഷിക്കാൻ സഹായിക്കുന്ന സി.പി.ആർ പരിശീലനം നൽകുന്നതിനായി കെയർ & ക്യുർ ഹോസ്പിറ്റലിലെ കാർഡിയോളജി വിഭാഗം നേതൃത്വം നൽകും. യൂത്ത് വിംഗ് വോളന്റിയർമാർക്കും താല്പര്യമുള്ള പൊതുജനങ്ങൾക്കും ഇതിൽ പങ്കെടുക്കാവുന്നതാണ്.
ഹൃദ്രോഗം, ശ്വാസകോശ സംബന്ധമായ അസുഖങ്ങൾ (അസ്ത്മ, COPD) എന്നിവ നേരത്തെ കണ്ടെത്താനും പ്രതിരോധിക്കാനും ഈ അവസരം പ്രയോജനപ്പെടുത്തണമെന്ന് സംഘാടകർ അറിയിച്ചു.
കൂടുതൽ വിവരങ്ങൾക്കായി വിളിക്കുക: +91 90618 57111

27/04/2026

ഫോറസ്റ്റ് പ്രൊട്ടക്ടീവ് സ്റ്റാഫ് അസോസിയേഷൻ ഇടുക്കി സൗത്ത് ജില്ലാ സമ്മേളനം ഇന്ന് കുമളിയിൽ

കുമളി: കേരള ഫോറസ്റ്റ് പ്രൊട്ടക്ടീവ് സ്റ്റാഫ് അസോസിയേഷൻ ഇടുക്കി സൗത്ത് ജില്ലാ കമ്മിറ്റിയുടെ 50-ാം ജില്ലാ സമ്മേളനം ഇന്ന് കുമളിയിൽ നടക്കും. കുമളി വ്യാപാര ഭവനിലെ എം. പാണ്ഡ്യൻ - എ. കണ്ണൻ നഗറിൽ വെച്ച് നടക്കുന്ന സമ്മേളനം ഇടുക്കി എം.പി ഡീൻ കുര്യാക്കോസ് ഉദ്ഘാടനം ചെയ്യും. രാവിലെ പതാക ഉയർത്തലോടെ ചടങ്ങുകൾ ആരംഭിക്കും. തുടർന്ന് നടക്കുന്ന പ്രതിനിധി സമ്മേളനത്തിൽ വനംവകുപ്പ് ജീവനക്കാരുടെ വിവിധ തൊഴിൽപരമായ വിഷയങ്ങൾ ചർച്ച ചെയ്യും. വിദ്യാഭ്യാസ പ്രോത്സാഹന വിതരണം, വിശിഷ്ട സേവനത്തിനുള്ള അവാർഡ് വിതരണം, വിരമിക്കുന്ന ഉദ്യോഗസ്ഥർക്കുള്ള യാത്രയയപ്പ്, വിവിധ മേഖലകളിൽ നേട്ടം കൈവരിച്ചവർക്കുള്ള അനുമോദനം എന്നിവയും സമ്മേളനത്തിൻ്റെ ഭാഗമായി സംഘടിപ്പിച്ചിട്ടുണ്ട്. കുമളിയിൽ നടത്തിയപത്രസമ്മേളനത്തിൽ ജില്ലാ പ്രസിഡൻ്റ് ജെ. വിജയകുമാർ, ജില്ലാ സെക്രട്ടറി ജോഷി ഡേവിസ്, ജില്ലാ ജോയിൻ്റ് സെക്രട്ടറി വിശ്വജിത്ത് പി.എസ് എന്നിവർ അറിയിച്ചു.

23/04/2026

പ്രസിദ്ധീകരണത്തിന്
കുമളി

കേരള ഫോറസ്റ്റ് മിനിസ്റ്റീരിയൽ സ്റ്റാഫ് യൂണിയൻ ( KFMSU)
ഇടുക്കി ജില്ലാ കമ്മിറ്റിയുടെ നേതൃത്വത്തിൽ ജില്ലയിലെ വിവിധ വനം വകുപ്പ് ഓഫീസുകളിൽ കരിദിനo ആചരിച്ചു.
മൂന്നാർ വനം ഡിവിഷൻ നേര്യമംഗലം റേഞ്ചിൽ മിനിസ്റ്റീരിയൽ വിഭാഗം ജീവനക്കാരെ റേഞ്ച് ഫോറസ്റ്റ് ഓഫീസറായ ഷഹനാസ് K.F
മാനസികമായും തൊഴിൽപരമായും പീഡിപ്പിക്കുന്നതിൽ പ്രതിഷേധിച്ചാണ് കരിദിനം ആചരിച്ചത്.
സർക്കാർ നിശ്ചയിച്ചിട്ടുള്ള കേരള സർവീസ് റൂളിലെചട്ടങ്ങൾ കാറ്റിൽ പറത്തിക്കൊണ്ട് ജീവനക്കാരുടെ അവധി അപേക്ഷകൾ ശമ്പളം തുടങ്ങിയവ അനിശ്ചിതമായി തടഞ്ഞു വയ്ക്കുകയും ജീവനക്കാരുടെ ആത്മാഭിമാനം തകർക്കുന്ന നിലയിൽ പ്രവർത്തിക്കുന്ന റെയിഞ്ച് ഫോറസ്റ്റ് ഓഫീസർക്കെതിരെ 2026 ഏപ്രിൽ മാസം ഇരുപത്തിയേഴാം തീയതി തിങ്കളാഴ്ച രാവിലെ 11 മണിക്ക് നേര്യമംഗലം റെയിഞ്ച് ഫോറസ്റ്റ് ഓഫീസിനു മുന്നിൽ പ്രതിഷേധ ധർണ്ണ നടത്തുന്നതിന്
കെ എഫ് എം എസ് യു തീരുമാനിച്ചിരിക്കുകയാണ് ഈ ധർണ്ണയ്ക്ക് മുന്നോടിയായിട്ടാണ് ജില്ലയിലെ ജീവനക്കാർ പ്രതിഷേധ സൂചകമായി കരിദിനം ആചരിച്ചിട്ടുള്ളത്.ഇടുക്കി ജില്ലയിലെ വിവിധ ഭാഗങ്ങളിൽ നടന്ന പ്രതിഷേധ പരിപാടികൾക്ക് കെഎഫ്എംഎസ് യു
ഇടുക്കി ജില്ലാ സെക്രട്ടറി യൂസഫ് കുഞ്ഞ് യു.എസ്.
ജില്ലാ പ്രസിഡണ്ട് ബിജുമോൻ സി എൽ എന്നിവർ നേതൃത്വം നൽകി.ജൂബിൾ ജോസഫ്,സനീഷ് ഗോപി .ജയിംസ് K.C
ഷെനോപുതിയിടത്ത്
വിൻസ് T.G. ഷെമീം മുഹമ്മദ്,അഞ്ചു കെ എസ് എന്നിവർ സംസാരിച്ചു. കരി ദിനാചരണത്തിന് ഐക്യദാർഢ്യം പ്രഖ്യാപിച്ച് ഇതര ജില്ലകളിലും പ്രതിഷേധ പരിപാടികൾ നടന്നു

23/04/2026

ജനവാസമേഖലയിൽ കരടികളിറങ്ങി; ഭീതിയിൽ നാട്ടുകാർ

കുമളി: ജനവാസമേഖലയായ മുല്ലയാറിൽ വീടിന്റെ മുറ്റത്ത് രണ്ട് കരടികൾ ഇറങ്ങിയത് പ്രദേശവാസികളെ പരിഭ്രാന്തിയിലാക്കി. മുല്ലയാർ സ്വദേശി പത്മരാഗം വീട്ടിൽ ഇന്ദുലേഖ രതീഷിന്റെ വീട്ടുമുറ്റത്താണ് കരടികളെത്തിയത്. ഞായറാഴ്ച രാത്രി ഏഴേമുക്കാലോടെയാണ് സംഭവം നടന്നത്. വീട്ടുമുറ്റത്ത് എത്തിയ കരടികളുടെ ദൃശ്യങ്ങൾ വീട്ടിൽ സ്ഥാപിച്ചിരുന്ന സിസിടിവി ക്യാമറയിൽ വ്യക്തമായി പതിഞ്ഞിട്ടുണ്ട്. രണ്ട് കരടികൾ മുറ്റത്തുകൂടി നടന്നുനീങ്ങുന്നത് ദൃശ്യങ്ങളിൽ കാണാം.
സമീപത്തുള്ള പെരിയാർ കടുവ സങ്കേതത്തിൽ നിന്നാകാം കരടികൾ എത്തിയതെന്നാണ് വനംവകുപ്പിന്റെ പ്രാഥമിക നിഗമനം. സംഭവത്തെത്തുടർന്ന് വനംവകുപ്പ് ഉദ്യോഗസ്ഥർ സ്ഥലത്തെത്തി പരിശോധന നടത്തി. പ്രദേശത്ത് നിരീക്ഷണം ശക്തമാക്കുന്നതിന്റെ ഭാഗമായി വനംവകുപ്പ് കാമറകൾ സ്ഥാപിച്ചു വരികയാണ്. ജനങ്ങൾ ജാഗ്രത പാലിക്കണമെന്ന് ഉദ്യോഗസ്ഥർ നിർദ്ദേശം നൽകി.

21/04/2026

മൂന്നാർ ഗ്യാപ് റോഡിന് സമീപം കാർ നിയന്ത്രണം വിട്ട് കൊക്കയിൽ പതിച്ചു. രണ്ട് പേർക്ക് പരുക്ക്. പരുക്കേറ്റവരെ മൂന്നാറിലെ ആശുപത്രിയിൽ പ്രവേശിപ്പിച്ചു.

21/04/2026

എല്ലാവരും അറിഞ്ഞിരിക്കേണ്ട നല്ല ഒരു വിവരണം

21/04/2026

ഇന്ന് എന്റെ ജന്മദിനമാണ് ഒരു ആശംസ പറയാമോ

Bindu Panicker is a well-known Indian actress who works mainly in the Malayalam film industry and is widely appreciated for her versatility in comedy and character roles. Born in Kozhikode, Kerala, she began her acting career in the early 1990s and has since appeared in over 200 films, becoming a familiar face to audiences. She gained major recognition for her performance in the film Soothradharan (2001), which earned her critical acclaim and awards. Known for her natural comic timing and strong supporting performances, she has acted alongside many leading actors in Malayalam cinema. In addition to films, she has also been active in television serials and comedy shows, further increasing her popularity among family audiences. In her personal life, she was first married to Biju V. Nair and has a daughter named Kalyani, and later she married actor Sai Kumar. Overall, Bindu Panicker is regarded as one of the most talented supporting actresses in Malayalam cinema, admired for her ability to blend humor with emotional depth in her roles.

Kumily News

12/05/2026

12/05/2026

12/05/2026

05/05/2026

29/04/2026

27/04/2026

23/04/2026

23/04/2026

21/04/2026

21/04/2026

21/04/2026

Address

Website

Alerts

Contact The Business

Shortcuts

Share