https://youtube.com/@nexusnewsindia?si=oNELu0qpmmacw0NV

Nexus News, Ahmedabad (2026)

30/09/2026

અમદાવાદ મ્યુનિસિપલ કોર્પોરેશન એ આ નિર્ણય લીધો

30/09/2026

Ahmedabad Crime Branch મા એક નહીં પણ ટ્રીપલ મર્ડર કેસ આ રીતે ઉકેલાયો | Ahmedabad Crime News

30/09/2026

AHMEDABAD

ભાજપા પ્રદેશ અધ્યક્ષ જગદીશભાઈ વિશ્વકર્માએ આજે ભાવનગર મહાનગર ભાજપા કાર્યાલય ખાતે નગરસેવકો સાથે બેઠક યોજી હતી. આ બેઠક દરમિયાન મહાનગરના વિકાસકાર્યો તથા જનસેવા સાથે સંકળાયેલા વિવિધ મુદ્દાઓ અંગે નગરસેવકો સાથે વિગતવાર ચર્ચા-વિચારણા કરી માર્ગદર્શન પૂરું પાડ્યું હતું.

KAMAL SONI AHMEDABAD

30/09/2026

AHMEDABAD

ભારતીય જનતા પાર્ટીના ગુજરાત પ્રદેશ પ્રમુખ ગુજરાત પ્રવાસે

KAMAL SONI AHMEDABAD

30/09/2026

AHMEDABAD

, ભાજપા પ્રદેશ અધ્યક્ષ શ્રી જગદીશભાઈ વિશ્વકર્મા આજે ભાવનગર મહાનગરપાલિકા અને તળાજા ખાતે વિવિધ કાર્યક્રમોમાં ઉપસ્થિત રહ્યાં હતાં. દિવસ દરમિયાન વિભિન્ન કાર્યક્રમોમાં તેમણે નગરસેવકો, વયોવૃદ્ધ લાભાર્થીઓ, યુવાનો તેમજ બૂથ સ્તરના કાર્યકર્તાઓ સાથે સીધો સંવાદ કર્યો હતો.

ભાવનગર મહાનગર ભાજપા કાર્યાલય ખાતે શ્રી જગદીશભાઈ વિશ્વકર્માએ નગરસેવકો સાથે બેઠક યોજી હતી. આ બેઠક દરમિયાન ભાવનગર મહાનગરના વિકાસકાર્યો, જનસેવા સાથે સંકળાયેલા વિવિધ મુદ્દાઓ તેમજ નાગરિકલક્ષી કામગીરી અંગે નગરસેવકો સાથે વિગતવાર ચર્ચા-વિચારણા કરી હતી. મહાનગરના વિકાસને વધુ ગતિ આપવા તથા જનપ્રતિનિધિઓ દ્વારા નાગરિકો સાથે સતત સંપર્ક અને સંવાદ જળવાઈ રહે તે અંગે શ્રી વિશ્વકર્માએ માર્ગદર્શન પૂરું પાડ્યું હતું.

તળાજા ખાતે રાષ્ટ્રીય વયોશ્રી યોજના અંતર્ગત વયોવૃદ્ધો માટે ઉપયોગી નિઃશુલ્ક સાધન સહાય વિતરણ સમારોહ યોજાયો હતો. શ્રી જગદીશભાઈ વિશ્વકર્મા તથા કેન્દ્રીય મંત્રી શ્રીમતી નીમુબેન બાંભણિયાની ઉપસ્થિતિમાં યોજાયેલા આ કાર્યક્રમમાં જરૂરિયાતમંદ વડીલોને તેમની દૈનિક જરૂરિયાતોમાં ઉપયોગી બને તેવી કુલ ૧૮ પ્રકારની સાધન-સામગ્રી વિનામૂલ્યે વિતરણ કરવામાં આવી હતી. જેમાં લાકડી, ટોયલેટ સીટ, વ્હીલચેર, કમરનો બેલ્ટ, ગળાનો બેલ્ટ સહિત વિવિધ ઉપયોગી સાધનોનો સમાવેશ થાય છે.

તળાજા ખાતે આયોજિત ‘વિકસિત ભારત યુવા સંવાદ’ કાર્યક્રમમાં શ્રી જગદીશભાઈ વિશ્વકર્માએ ઉપસ્થિત રહી યુવાનો સાથે સીધો સંવાદ કર્યો હતો. તેમણે વિકસિત ભારતના નિર્માણમાં યુવા શક્તિને મહત્વપૂર્ણ ભાગીદાર ગણાવી પ્રધાનમંત્રી શ્રી નરેન્દ્રભાઈ મોદીના નેતૃત્વ હેઠળ ભારતે વિવિધ ક્ષેત્રોમાં હાંસલ કરેલી પ્રગતિ તેમજ યુવાનો માટે ઊભી થયેલી નવી તકો અંગે વાર્તાલાપ કર્યો હતો. તેમણે યુવાનોને પોતાની પ્રતિભા, ઊર્જા, કૌશલ્ય અને નવીન વિચારોના માધ્યમથી રાષ્ટ્રનિર્માણના મહાયજ્ઞમાં સક્રિય ભાગીદાર બનવા આહવાન કર્યું હતું.

આ ઉપરાંત તળાજા વિધાનસભાના બૂથ પ્રમુખો અને કાર્યકર્તાઓ સાથે શ્રી વિશ્વકર્માએ ટિફિન બેઠક યોજી હતી. કાર્યકર્તાઓ સાથે સહભોજન કરી તેમણે સંગઠનાત્મક કામગીરી, બૂથ સ્તરે જનસંપર્ક, વિવિધ સંગઠનાત્મક કાર્યક્રમોના અમલીકરણ તેમજ જનસેવા સાથે સંકળાયેલા વિવિધ વિષયો અંગે સીધો સંવાદ કર્યો હતો. શ્રી વિશ્વકર્માએ બૂથના કાર્યકર્તાઓને સંગઠનની મહત્વપૂર્ણ શક્તિ ગણાવી સતત જનસંપર્ક અને સમર્પિત ભાવ સાથે સંગઠનના કાર્યોને વધુ મજબૂત બનાવવા માટે માર્ગદર્શન આપ્યું હતું.

ભાવનગર ખાતે શ્રી જગદીશભાઈ વિશ્વકર્માએ કૃષ્ણનગર જૈન ઉપાશ્રયની મુલાકાત લઈ પૂજ્ય આચાર્ય ગચ્છાધિપતિ શ્રી હેમચંદ્રસૂરીશ્વરજી મહારાજ સાહેબ તથા પૂજ્ય આચાર્ય શ્રી રાજહંસસૂરીશ્વરજી મહારાજ સાહેબના આશીર્વાદ મેળવ્યા હતા. ત્યારબાદ તળાજા ખાતે વિશ્વકર્મા મંદિરે દર્શન કરી સૌની સુખાકારી, સમૃદ્ધિ અને કલ્યાણ માટે પ્રાર્થના કરી હતી.

KAMAL SONI AHMEDABAD

30/09/2026

AHMEDABAD

અરબી સમુદ્રમાં ₹3 હજાર કરોડનું ડ્રગ્સ ઝડપાયું
કોસ્ટગાર્ડ અને ગુજરાત ATSની સંયુક્ત કાર્યવાહીમાં મોટી સફળતા
લક્ષદ્વીપથી પશ્ચિમ અરબી સમુદ્રમાં ઈરાની બોટ ઝડપાઈ
સંદિગ્ધ ઈરાની બોટનો પીછો કરી કોસ્ટગાર્ડે હાથ ધરી કાર્યવાહી
બોટમાંથી અંદાજે 526 કિલો હેરોઇન અને મેથામ્ફેટામાઇન ઝડપાયું
જપ્ત ડ્રગ્સની આંતરરાષ્ટ્રીય બજારમાં કિંમત ₹3 હજાર કરોડથી વધુ
બોટમાં સવાર 5 પાકિસ્તાની નાગરિકોની ધરપકડ કરવામાં આવી
25 સપ્ટેમ્બરે ગુપ્ત બાતમીના આધારે ઓપરેશન હાથ ધરાયું હતું
કોસ્ટગાર્ડે દરિયાઈ અને હવાઈ દેખરેખ બાદ બોટને ઝડપી પાડી
જપ્ત માલ, બોટ અને આરોપીઓને સશસ્ત્ર સુરક્ષા સાથે મુંબઈ લવાયા
વિવિધ એજન્સીઓ દ્વારા આરોપીઓની સંયુક્ત પૂછપરછ શરૂ કરાઈ
ડ્રગ્સ ક્યાં પહોંચાડવાનું હતું અને નેટવર્કમાં કોણ સામેલ છે તેની તપાસ તેજ

KAMAL SONI AHMEDABAD

30/09/2026

AHMEDABAD

વડાપ્રધાન નરેન્દ્રભાઈ મોદીના જાહેર જીવનનાં 25 ગૌરવપૂર્ણ વર્ષ પૂર્ણ થવાના અવસરે અમદાવાદ મ્યુનિસિપલ કોર્પોરેશન દ્વારા ‘સેવા, સંકલ્પ અને સમર્પણ’ અભિયાન અંતર્ગત વિવિધ નાગરિકલક્ષી કાર્યક્રમોનું આયોજન કરવામાં આવી રહ્યું છે. આ અભિયાનના ભાગરૂપે ‘સ્વચ્છતા હી સેવા-2026’ તથા ‘સન્માન સફાઈ મિત્રોં કા, સંકલ્પ સ્વચ્છ ભારત કા’ના સંદેશ સાથે સફાઈ મિત્રોની સુરક્ષા, સન્માન અને કલ્યાણને કેન્દ્રમાં રાખીને ‘સફાઈ મિત્ર સુરક્ષા એવમ્ સન્માન શિબિર’નું આયોજન કરવામાં આવ્યું હતું.

મેયર હિતેશભાઈ બારોટની અધ્યક્ષતામાં બુધવાર, તા. 30 સપ્ટેમ્બર, 2026ના રોજ સવારે પાલડી સ્થિત ટાગોર હોલ ખાતે યોજાયેલી આ શિબિરનો મુખ્ય ઉદ્દેશ અમદાવાદ શહેરની સ્વચ્છતા વ્યવસ્થામાં મહત્ત્વપૂર્ણ યોગદાન આપતા સફાઈ મિત્રોની કામગીરીને બિરદાવવાનો તેમજ તેમની સુરક્ષા, સન્માન અને કલ્યાણ પ્રત્યેની પ્રતિબદ્ધતાને વધુ સુદૃઢ કરવાનો હતો.

કાર્યક્રમ દરમિયાન મેયર હિતેશભાઈ બારોટ સહિત ઉપસ્થિત મહાનુભાવોના હસ્તે સફાઈ કર્મચારીઓને પ્રમાણપત્રો અને ભેટ અર્પણ કરીને સન્માનિત કરવામાં આવ્યા હતા. આ ઉપરાંત, કાર્યક્રમમાં ઉપસ્થિત મહાનુભાવો, સફાઈ કર્મચારીઓ તથા અન્ય સહભાગીઓએ સ્વચ્છતા જાળવવા અને સ્વચ્છતાને જીવનશૈલીનો હિસ્સો બનાવવા માટે સ્વચ્છતાના શપથ લીધા હતા.

KAMAL SONI AHMEDABAD

30/09/2026

AHMEDABAD

AMC દ્વારા કાલુપુર દુકાનોને સીલ કરવામાં આવી

KAMAL SONI AHMEDABAD

30/09/2026

AHMEDABAD

ભારતની ખૂબ ઝડપથી વિકસિત થઈ રહેલી સ્પેસટેક ઇકોસિસ્ટમમાં ગુજરાત એક મહત્વપૂર્ણ સિદ્ધિ સાથે આ ક્ષેત્રમાં ડંકો વગાડવા તૈયાર છે. અમદાવાદના સ્ટાર્ટઅપે ઘરઆંગણે તૈયાર કરેલો સ્વદેશી થર્મલ ઇન્ફ્રારેડ અર્થ ઑબ્ઝર્વેશન પેલૉડ (થર્મલ ઇન્ફ્રારેડ કેમેરા) 1 ઓક્ટોબરે અમેરિકાથી સ્પેસટેકના ‘ફાલ્કન 9’ રૉકેટ દ્વારા અવકાશમાં પહોંચાડવામાં આવશે. આ કેમેરાને તપસ-1 (TAPAS-1) નામ આપ્યું છે, જેને પૃથ્વી પરથી લગભગ 500 કિલોમીટરની ભ્રમણકક્ષામાં એક સેટેલાઈટ સાથે પ્રસ્થાપિત કરવામાં આવશે. અહીંથી તે પૃથ્વીના અલગ અલગ સ્થળો પર ગરમી અને તાપમાનની વધઘટની હાઈ રેઝોલ્યુશન તસવીરો મેળવીને તેનું ડેટા પ્રોસેસિંગ કરશે. આ ડેટા અર્બન હીટ મેનેજમેન્ટ, કૃષિ અને પાણીનુ સ્ટ્રેસ મોનિટરિંગ, ઔદ્યોગિક અને આપદા સમયનું મોનિટરિંગ અને જંગલોમાં આગની ઘટનાઓની ઓળખ કરવા માટે જરૂરી આંતર્દૃષ્ટિ પૂરી પાડશે.

આ સ્ટાર્ટઅપની શરૂઆત વર્ષ 2023માં શ્રણવસિંઘ ભાટી, ડૉ. રાનેન્દુ ઘોષ અને ઊર્મિલ બખાઈ દ્વારા અમદાવાદમાં કરવામાં આવી છે. કંપનીના CEO શ્રવણસિંઘ પાસે 16થી વધુ વર્ષોનો ઉપગ્રહોને લગતા ઇવોવેશન્સનો અનુભવ છે જ્યારે ડૉ. રાનેન્દુ ઘોષે 27 વર્ષ સુધી ISROમાં કૃષિ, હાઈડ્રોલોજી અને માટી વિજ્ઞાનને લગતા સેટેલાઈટ પેલૉડની ટેક્નોલોજી પર કામ કર્યું છે. ઊર્મિલ બખાઈ કંપનીમાં ચીફ સ્ટ્રેટેજી ઓફિસરની ભૂમિકામાં છે, જેમણે 22 વર્ષથી વધુ સમય સુધી કોર્પોરેટ ક્ષેત્રે સેલ્સ અને લીડરશીપમાં કાર્ય કર્યું છે. ગુજરાતમાં નિર્માણ કરવામાં આવેલો તપસ-1 વડાપ્રધાન શ્રી નરેન્દ્ર મોદીના ‘મેક ઇન ઇન્ડિયા’ અને ‘આત્મનિર્ભર ભારત’ના વિઝનને સાકાર કરવામાં મદદ કરશે.

કઈ રીતે કાર્ય કરશે તપસ-1?
3 કિલોગ્રામ વજન વાળો તપસ-1 સેટેલાઈટ પર પેલૉડ તરીકે રહેશે. તેની ડિઝાઈન એવી રીતે કરવામાં આવી છે કે તે થર્મલ ઇન્ફ્રારેડ રેડિયેશનને કેપ્ચર કરશે. સાદી ભાષામાં કહીએ તો પૃથ્વીની સપાટી પરથી નિકળતી ગરમીના ફેરબદલને તે તસવીર તરીકે કેપ્ચર કરશે. આ ડેટાનું AI દ્વારા વિશ્લેષણ કરી શકાય છે અને આ થર્મલ ઇન્ટેલિજન્સ વિવિધ ક્ષેત્રો માટે ઉપયોગી બની શકે છે. આ બાબતે શ્રવણસિંઘ જણાવે છે કે, “આ ડેટાથી જંગલોમાં લાગતી આગને મોનિટરિંગ કરી શકાય છે. તે સિવાય કોઈ શહેરમાં કયા વિસ્તારોમાં તાપમાનની કેટલી વધઘટ રહે છે, તે રિયલટાઈમમાં ટ્રેકિંગ કરી શકાય છે. શહેરમાં અલગ અલગ વિસ્તારોમાં તાપમાન અલગ અલગ હોય છે. આ રીતે કોર્પોરેશનને હીટ સ્ટ્રેસ માટે જરૂરી આયોજન કરવામાં મદદ મળે છે.”

ઊર્મિલ બખઈ જણાવે છે, _“આ ટેક્નોલોજી પૃથ્વીના થર્મોમીટર તરીકે કાર્ય કરશે. તેના દ્વારા કૃષિ ક્ષેત્ર માટે ખૂબ જ અગત્યના ડેટા પ્રાપ્ત થઈ શકે છે. તેના દ્વારા પાક માટે જરૂરી આયોજન વધુ આધુનિક અને સચોટ રીતે થઈ શકે છે. અર્બન પ્લાનિંગમાં પણ તે મદદરૂપ બની શકે છે. અને સૌથી મહત્વની બાબત એ છે કે તેના માટે કોઈ મોટાપાયે વધારાનું ઇન્ફ્રાસ્ટ્રક્ચર બનાવવાની જરૂર નથી. આ ડેટા સીધો સેટેલાઈટથી જ ઉપલબ્ધ થઈ શકશે.”_

ત્રણ વર્ષ સુધી તપસ ભ્રમણકક્ષામાં રહેશે, 2029 સુધીમાં વધુ 8 સેટેલાઈટ લૉન્ચ કરવાનું આયોજન
સ્ટાર્ટઅપના સ્થાપકોના જણાવ્યા અનુસાર Satleo પાસે આ ક્ષેત્રના અનુભવી લોકોની 40થી વધુ લોકોની ટીમ છે અને વર્ષ 2029 સુધીમાં આ પ્રકારના વધુ 8 સેટેલાઈટ લૉન્ચ કરવાની યોજના બનાવી છે. કંપનીએ અત્યારે ₹60 કરોડનું ફન્ડિંગ મેળવ્યું છે. વ્યવસાયિક રીતે આ પેલૉડ લોન્ચ થયા બાદ ડેટાને વિવિધ કંપનીઓ સાથે શેર કરવામાં આવશે. તપસ-1ને સંપૂર્ણ રીતે ગુજરાતમાં કંપનીની લેબમાં વિકસિત કરવામાં આવ્યો છે, જે ત્રણ વર્ષ સુધી ભ્રમણકક્ષામાં રહેશે. તપસ દ્વારા થર્મલ ઇમેજિંગને આર્ટિફિશિયલ ઇન્ટેલિજન્સનો ઉપયોગ કરીને વધુ વિસ્તૃત અને ગહન માહિતી મેળવવામાં મદદ મળે છે. આ પહેલા અમદાવાદ મહાનગરપાલિકા સાથે એક પાયલટ પ્રોજેક્ટ પર આ સ્ટાર્ટઅપે કામ કર્યું હતું જેમાં અમદાવાદ શહેરના અલગ અલગ વિસ્તારોમાં તાપમાનનું મેપિંગ કરવામાં આવ્યું હતું.

કંપની પાસે 52 મિલિયન ડૉલરના લેટર ઓફ ઇન્ટેન્ટ
શ્રવણસિંઘના જણાવ્યા પ્રમાણે અત્યારે કંપની પાસે લગભગ 52 મિલિયન ડૉલરના લેટર ઓફ ઇન્ટેન્ટ આવ્યા છે જેમાંથી 60 ટકા જેટલી કંપનીઓ ભારત બહારની છે. કૃષિ અને અન્ય ક્ષેત્રની સંસ્થાઓ પણ કંપની સાથે સહયોગ કરી રહી છે.

ગુજરાતની સ્પેસટેક પોલિસીનો ફાયદો
ગુજરાતમાં સ્પેસટેક ક્ષેત્રનો વિકાસ કરવા અને સ્પેસ ટેકનોલોજીમાં ગુજરાતને ગ્લૉબલ મેન્યુફેક્ચરિંગ અને ઇનોવેશન હબ બનાવવા માટે ગુજરાત સ્પેસટેક પોલિસી (2025-30) જાહેર કરવામાં આવી છે. સ્પેસટેક ક્ષેત્ર માટે વિશિષ્ટ પોલિસી જાહેર કરનાર ગુજરાત દેશમાં પ્રથમ રાજ્ય છે. રાજ્ય સરકાર દ્વારા આ પોલિસી અંતર્ગત સ્પેસટેક ક્ષેત્રમાં સ્ટાર્ટઅપ્સ અને ખાનગી રોકાણકારોને વિવિધ પ્રોત્સાહનો આપવામાં આવે છે. તેમાં લૉન્ચ ખર્ચ માટે સહાય, IP પ્રોપર્ટી રાઇટ માટે સહયોગ તેમજ ટેસ્ટિંગ સુવિધાઓ માટે સબસિડી સહિતની મહત્વપૂર્ણ જોગવાઈઓ કરવામાં આવી છે.

આ સ્ટાર્ટઅપની સફળતા ગુજરાતમાં એક વ્યાપક ‘ડીપ-ટેક’ ઇકોસિસ્ટમના નિર્માણને પણ દર્શાવે છે, જેમાં કંપનીઓ હવે સૉફ્ટવેર એપ્લિકેશન્સથી આગળ વધીને સેમિકન્ડક્ટર, ઇલેક્ટ્રોનિક્સ અને અવકાશ જેવા ક્ષેત્રોમાં અત્યાધુનિક હાર્ડવેર અને ટેક્નોલોજી વિકસિત કરી રહી છે. આ દર્શાવે છે કે ભારતનું અવકાશ ક્ષેત્ર હવે વધુ આધુનિક ટેક્નોલોજી સાથે વિશિષ્ટ ક્ષેત્રોમાં વિસ્તરણ કરી રહ્યું છે અને ગુજરાત આ ક્ષેત્રમાં અગ્રણી ભૂમિકા નિભાવવા માટે તૈયાર છે.

KAMAL SONI AHMEDABAD

Nexus News

30/09/2026

30/09/2026

30/09/2026

30/09/2026

30/09/2026

30/09/2026

30/09/2026

30/09/2026

30/09/2026

Address

Website

Alerts

Shortcuts

Share

Category

Listing takedown request