12/01/2024
4 أسباب ضد سياسات الماركت بليس لازم تعرفهم وتتجنبهم
قررت تسوق منتجاتك على الماركت بليس، بس بعد ما رفعت كام منتج لقيت مشكلة بتواجهك…وهي أن الماركت بلبس بيمنع نشر المنتج، وأنت مش عارف السبب وبتدور على الإجابة.
المحتوى:
النهاردة هنعرفك 4 أسباب ضد السياسات لازم تعرفهم وتتجنبهم، عشان تقدر تسوق منتجاتك على الماركت بليس بدون مشاكل:
السبب الأول:
كتابة أسماء العلامات التجارية المشهورة زي "أبل" أو "سوفاج".
الحل:
ضيف المنتجات بدون ما تكتب اسم البراند، وارفع الصور الغير واضح فيها الاسم.
السبب الثاني:
فيسبوك بيرفض بيع المنتجات الطبية، مع أنها من أكثر المنتجات اللي هتساعدك تحقق مبيعات.
الحل:
ابعد عن الكلمات اللي بتعبر عن العلاج زي "هيعالج | طبي | إرهاق | تعب | أسنانك | وزنك | جسمك".
استخدم صور للمنتج فقط بدلاً من صورة لشخص بيستخدم المنتج.
السبب الثالث:
عرض صور فيها تركيز على البشرة أو الجسم.
الحل:
استخدم صور للمنتج فقط أو صورة للشخص من مسافة بعيدة.
السبب الرابع:
تشبيه المنتج بمنتج تاني من الأخطاء اللي أغلبنا بيقع فيها زي "إزازة الأيس كريم".
الحل:
تغيير اسم المنتج لاسم واضح.
خاتمة:
بكده أنت عرفت الأسباب وجاهز تحقق مبيعات على الماركت بليس.
