21/06/2025
شاب صغير دخل الطوارئ بحالة عصبية حادة: تشنجات وغياب عن الوعي،، بسرعة تم عمل الاشعات وسحب العينات.. التحاليل كلها طبيعية ولا تشخيص واضح لتانى يوم... لحد ما ظهر عليه عرض Hydrophobia رُهاب الماء، وهنا اتفتح الباب لاحتمال مرعب.. بدأ النواب تسأل أسرته: "اتعض من حيوان؟ كلب؟ قطة؟" الرد كان بالنفي، لكن والدته افتكرت فجأة: "آه، من ست شهور، قطة شارع خربشته في رجله، الناس قالولي بسيطة، مش عضّة مش محتاجه مستشفى ولا حاجه، طهّرتها ببيتادين وخلاص". كانت لحظة صعبة جدًا لما اضطر الطبيب يقول لها: "احتسبيه عند الله، مفيش حاجة نقدر نعملها، مسألة ساعات" م.ات الشاب المسكين بفتوى جاهلة ومعلومة ناقصة. معظم الناس لسه فاكرة إن السعار Rabies بيتنقل بالعضة فقط، لكن الحقيقة العلمية إن الفيروس بينتقل عبر نهايات الأعصاب وليس الدم، وده معناه إن مجرد خدش من حيوان مُصاب حتى لو الجرح سطحى ممكن يوصل المصاب لنفس المصير... المصيبة إن الحيوان المسعور ممكن يكون Asymptomatic، يعنى لا يظهر عليه أعراض ولا تعتقد إنه خطر... 💥 لازم تعرف ان كلما اقتربت الإصابة من الوجه أو الرقبة، فهذا بيستدعي Immediate post-exposure prophylaxis، مش بس التطعيم، لازم Immunoglobulin (Rabies antibodies) تُحقن حوالين الجرح💥 كمان الجروح لا تُخاط أبدًا، ولو ضروري، يحقن المصل داخل الجرح... 💥فترة حضانة الفيروس ممكن توصل شهور، لكن لما تبدأ الأعراض فى الظهور بيكون خلاص، المرض تمكن واصبح Fatal بنسبة 100%. 💢التطعيم متاح ومجاني في مستشفيات العامة والحميات في كل أنحاء الجمهورية… لا يوجد أي مبرر للتأخير أو التساهل..
💢💥 لو قرأت هذا البوست شاركه ووصله للناس أو إشرح ما به من معلومات لأولادك، لأهلك وأصدقاءك ولكل من حولك.....دمتم سالمين
