Bazgasht

21/04/2025

2020

21/04/2025

سال رفتہ کی ایک دعا مارگلہ کے دامن سے

21/04/2025

باقی سب خیریت ہے

09/10/2024

ذاکر نائیک

منت سے بھی اگر مجھے بلوائینگا کبھی
پھر سے میں تیرے دیش نہیں آئینگا کبھی

اچھا ہے جلد جان بچا کر میں بھاگ لوں
ورنہ یہ لوگ میرے کو مروائینگا کبھی

سوچا نہ تھا مگر میں ہوا یوں ذلیل پھر
کیا علم تھا سوال پہ پھنس جائینگا کبھی

تم لوگ سوچتا ہے کہ میں باشعور ہوں
لیکن مجھے تو عقل نہیں آئیںنگا کبھی

لاہور میں تو میرے پہ پابندی لگ گئے
پنجاب میرا چمڑی اتروائیںنگا کبھی

پی آئی اے نے مجھ سے لگیج بھی کما لیا
دھندا میرا یہ روڈ پہ لے آئینگا کبھی

دیکھو میرا یزید سے ہے عشق دائمی
یہ عشق مجھ کو جوتے بھی پڑوائینگا کبھی

نائک یہاں سے جاتے ہوئے کہہ گیا ظہور
جائینگا تو پلٹ کے نہیں آئیںنگا کبھی

آغا ظہور

17/08/2024

28/12/2023

یا حسین

لکھا ہوا ہے چاند کے سینے پہ یا حسین
کرب و بلا حسین، مدینے پہ یا حسین

ہر کہکشاں کے وسط میں لکھا ہے فاطمہ
ہر کوہسار، اس کے دفینے پہ یا حسین

اس بحر و بر کا کون ہے وارث جہان میں
دریا پہ العباس، سفینے پہ یا حسین

لکھا ہوا ہے سبز درختوں پہ یا حسن
ہر سرخ پھول، سرخ زمینے پہ یا حسین

معراج مصطفی کا سہارا ہیں مرتضی
ہر آسمان، عرش کے زینے پہ یا حسین

ہر لمحہ ء حیات پہ، ہر ایک سانس پر
ہر روز، ہر برس پہ، مہینے پہ یا حسین

یزداں کی نعمتوں کا خلاصہ ہیں سیدہ
اور ساری نعمتوں کے خزینے پہ یا حسین

مہر نبی ظہور ہے کن کا یکون میں
انگشتری نبی کی، نگینے پہ یا حسین

آغا ظہور
یوم حسین علیہ السلام
2021، پاکستان

#شعر #عاشقی #خواب #غزل

09/11/2023

" رات کی رانی"

دن تو اب ڈھل گیا ہے، خواب میں آ
رات بھر عالم شباب میں آ

دل کی دہلیز پر میں بیٹھا ہوں
آ، مرے خانہء خراب میں آ

"ختم شد" کر فراق و ہجر یہیں
آخری صفحہ ء کتاب میں آ

پیرھن اوڑھ کر ستاروں کی
چودھویں شب کے ماہتاب میں آ

گل ہیں کاسہ لئے سبھی موجود
رات کی رانی آ، گلاب میں آ

آنکھ کا پانی قیمتی ہے بہت
گھول کر جام میں، شراب میں آ

خوش نما ہیں حجاب دنیا کے
تو نہ دھوکے میں نہ سراب میں آ

وقت چہرہ اجاڑ دیتا ہے
اب نہ اس وقت کے عتاب میں آ

ہے گناہ ہجر کا گناہ عظیم
توبہ کر، وصل کے ثواب میں آ

آخری سانس تیرے در پہ ظہور
آ گیا ہے تری جناب میں آ ۔ ۔ ۔ ۔

آغا ظہور
شب یکم دسمبر 2021
اسلام آباد، پاکستان

#اردوشاعری #عاشقی #اردوکلام #خواب #شعر #غزل