26/02/2024
ទោះជាដឹងថា រូបកាយយើងនេះរមែងស្ថិតក្នុងសាមញ្ញលក្ខណធម៌ គឺ អនិច្ចំ ទុក្ខំ អនត្តា យ៉ាងណាក៏ដោយ ក៏អ្នកខ្លះមិនចូលចិត្តឲ្យខ្លួនចាស់ឡើយ នៅពេលនឹកដល់រឿងចាស់ពេលណាក៏កើតទុក្ខ ព្រោះខ្លាចអស់ស្អាត ខ្លាចគេលែងស្រឡាញ់ ហើយក៏ខំព្យាយាមបិទបាំងនូវសភាពចាស់របស់ខ្លួន ប្រឹងប្រែងកែច្នៃប៉ះប៉ូវសព្វបែបយ៉ាង ដើម្បីបិទបាំងភ្នែកអ្នកដទៃឱ្យគេមើលឃើញនៅតែស្អាត នៅតែក្មេង ប៉ុន្តែតាមពិតសុទ្ធតែជារឿងកាឡៃសោះ ទីបំផុតភាពអនិច្ចតា គឺការប្រែប្រួល មិនទៀង ចាស់គឺនៅតែចាស់ដដែល ហេតុនេះទើបលោកពោលថា ធម៌ទាំងបីនេះគ្រាន់តែជាធម៌លួងចិត្តចាស់កុំឱ្យកើតទុក្ខខ្លាំងប៉ុណ្ណោះ ។
