Bock auf Wein

Website

Bock auf Wein? Komm nach Schaffhausen. 🍷
Trauben, Tannine, Terroir – passt immer.

30/08/2026

Weisch no? «Schaffhuuse hät sackstarchi Wii!». Mit dem Satz hät vor zwei Wuche alles aagfange. Und scho im allererschte Video hät sich de Beat sälber korrigiert: Nei. BOCKstarchi Wii.

Sithär hät üse Bock z Züri, Basel, Bärn, Luzern und Chur d Halbi Deutschschwiiz gfrögt: «Bock auf Wein?» Und ihr händ gantwortet – mit eigene Plakat, mit Stimme, mit vollne Gläser a de Wiiprob. Merci vielmal derfür!

Und jetz de wichtigscht Satz vom hütige Sunntig: Hüt Abig isch de Wettbewerb DEFINITIV FERTIG.

Uf bock-auf-wein.ch chasch es letschts Mal diis eigets Bock-Plakat mache oder für diis Lieblingssujet abstimme. S Plakat mit de meischte Stimme hänked mir anz offiziell im Wohnort vo de Gwünnerin oder em Gwünner uf.

Also: Letschti Chance. Und falls du di frögsch, öb sich das lohnt – mir säged's mit em Beat: Üse Wii isch nöd nur sackstarch. Er isch BOCKstarch. 🍷

29/08/2026

Hallelujah, das wär's jo gsi. Aber d'Zürcher koched ebe doch nur mit Wasser. Oder eso ähnlich.

Wer Fan vo Wii isch, wird drum au besser Fan vo Schaffhuse: Bi üs spielt de Wii d Hauptrolle!

Schick das Reel dere Person, wo für di mol wieder statt Wasser abüte sött en Wii uftue.

28/08/2026

«Häsch kei Bock zum Dichte? Kei Problem.»
D z Wilchinge nimmt der das ab: Uf jedem Jahrgang vom Dichterwii staht es neus Gedicht – als Hommage a d Wilchinger Dichter.

Und dringe? 100% Blauburgunder us em Chlettgau, acht Mönet im Holzfass usbaut.

Mit dem Wii dichtet würkli jede Bock. 🍷

28/08/2026

Chlini Gschichtsstund zum hütige Fiirtig: Im Jahr 2013 hät d'Jace Shoemaker-Galloway, e Bloggerin us Amerika, wo sich sälber ‹Queen of Holidays› nennt, de 28. August churzerhand zum ‹National Red W**e Day› erklärt. Ihri Begründig: Rotwii verdient au im Summer e Bühni, nöd nur im Winter vor em Cheminée. Mir händ das im Blauburgunderland natürlich scho immer gwüsst. Es hät üs eifach niemert gfrögt.

Also: Häsch hüt Obig es Glas Blauburgunder i de Hand, machsch alles richtig. Häsch keis? Es isch offiziell en Fiirtig, du bisch quasi verpflichtet.

27/08/2026

Ihr hend glieferet. 🔥

Das sind die frechschte Bock-Inserat us de Community. Wer ghört uf s Podest? Vote uf bock-auf-wein.ch!

Und wer no keis het: No 3 Täg. Drü Versüech. Null Usrede.

Link in Bio.

Teilnahmebedingungen: Link in Bio. Gewinnspiel unabhängig von Meta.

27/08/2026

«Für de bockstarke Schaffhuuser Wii stömmer Tag für Tag bi jedem Wätter im Räbbärg.»

Bim Team vo de isch das kei Floskel: A de Rebstation Hallau pfleged si mitzt im Chlettgau under anderem de traditionsriich Chilcheweg und cheltered de Wii im historische Tuffsteichäller. Härzbluet und Liideschaft, ganz wörtlich.

Und was derbi usechunt? Das merksch du scho im Glas. 🍷

26/08/2026

Graubünde, mir müend rede.

6 Fläsche. 2 Regione. 1 Useforderig.

Üse Verbandspräsident Markus Simmler hät s Päckli persönlich packt und id Bündner Herrschaft gschickt. Im Name vo allne Schaffhuuser Winzerinne und Winzer. Din sind sächs vo üsne beschte Wii. Und e Iiladig: Blinddegu-Duell. Eue Wii gege öise. Blind iigschänkt, ehrlich verchoschtet. Wer verlüürt, zahlt d Rundi.

Liebi Bündner Böck, s Päckli isch uf em Wäg. Sind ihr ready?

Mir sind zueversichtlich. Böck wüssed schliesslich, was guet isch – und das traued mir sogar Steiböck zue. 😉🍷

Blauburgunderland Lindenhof Buchberg

26/08/2026

Ach, so ab und zue es Gläsli Wii isch halt scho was nices! Do hemmers grad mit em Leon.

Und wenn isch es bi dir wieder eso wiit? Markier die Person ide Kommentär, wo mit dir dörf s'nögst Glas Wii trinke!

25/08/2026

D Basler händ Bsuech übercho: en Bock us Schaffhuuse, sit dere Wuche am Bahnhof Basel, mit Blauburgunder im Gepäck, wie sichs ghört.

Mir wüssed: Z Basel sind die drei scheenschte Dääg heilig. Eus gohts gnau gliich: eifach mit Deziliter statt mit Dääg. De Vorteil: Für eusi drü muess niemert am vieri am Morge ufstoh. Und es git si s ganz Johr, nöd nur im Februar.

Bis zur nöchschte Fasnacht gohts schliesslich no es halbs Johr. Irgendöpper muess d Wartziit ja schön überbrugge.

25/08/2026

Zapfeknall zwüsche de Tänk: Bi Strada z Hallau entstaht Schuumwii, zmitts im Blauburgunderland.

Und de Mousseux Rosé isch, Originalton us de Kellerei, bockstarch. Und ideal für jede Apéro sowieso.
Für prickelnd muess also niemert wiit reise. Chli Bock langet.

Merci StradaWein für s Iischänke – mir bliibed na chli.

Adresse

Vordergasse 73
Schaffhausen
8200

Website

https://bock-auf-wein.ch/teilnahmebedingungen/, https://bock-auf-wein.ch/wettbewerb/

Benachrichtigungen

Erfahren Sie als Erste/r von Neuigkeiten und Aktionen: Wir schicken Ihnen eine E-Mail, wenn Bock auf Wein etwas veröffentlicht. Ihre E-Mail-Adresse wird für keinen anderen Zweck verwendet, und Sie können sich jederzeit abmelden.